Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

«ԴԱ Ի՞ՆՉ ԲԱՆ Է, «PERSONA NON GRATA»-Ն Ո՞ՐՆ Է». ԸՆԴԴԻՄԱԴԻՐՆԵՐԸ` ՈՒՐԻԽԱՆՅԱՆԻՆ

Արխիվ 12-16

«ԴԱ Ի՞ՆՉ ԲԱՆ Է, «PERSONA NON GRATA»-Ն Ո՞ՐՆ Է».  ԸՆԴԴԻՄԱԴԻՐՆԵՐԸ` ՈՒՐԻԽԱՆՅԱՆԻՆ

 

ԱԺ-ում այսօր  «Ալյանս» կուսակցության  ղեկավար Տիգրան Ուրիխանյանը ՀԷՑ-ի սեփականատեր Եվգենի Բիբինին  «persona non grata» հայտարարելու  մասին խոսեց: «Իրավունքն» այս առնչությամբ զրուցեց ընդդիմադիր  ՀԱԿ խմբակցության պատգամավոր Գագիկ Ջհանգիրյանի,  անկախ պատգամավոր Էդմոն Մարուքյանի եւ  ԲՀԿ պատգամավոր Միքայել Մելքումյանի հետ զրուցեց` պարզելու`համաձայն են Ուրիխանյանի այս հայտարարությանը:

ՀԱԿ պատգամավոր Գագիկ Ջհանգիրյանի խոսքով` այդ հարցի մասին չի մտածել, բացի այդ` դա կոմպենենտ  մարմինների  քննարկելու հարցն է: «Persona non grata» հայտարարում են ԱԳՆ-ի քննությունից հետո միայն:  Ես այդ ինստիտուտի իրավական հիմքերին ծանոթ չեմ: Ես չեմ հետեւել` Բիբինին ինչ են ասել, Բիբինն ինչ է ասել»,- ասաց  պատգամավորը:

Եթե անգամ «persona non grata» հայտարարելը ԱԳՆ-ի տիրույթում է, արդյոք խորհրդարանը չպետք է հասնի Բիբինին անցանկալի անձ համարելուն: «Կարող է այդպիսի հարց լինի: Դե թող բարձրացնեն, հիմքերը ներկայացնեն, նայենք: Ամեն դեպքում դատապարտում եմ  նման արհամարհանքը մեր  պետական  իշխանության ինստիտուտների հանդեպ»,- ասաց պրն Ջհանգիրյանը:

Հոսանքի թանկացման դեմ կազմակերպվելիք վաղվա բողոքի ակցիային Ջհանգիրյանը,  հավանաբար, կմասնակցի: «Եթե ակցիան չի խանգարի ԱԺ-ի արտահերթ նիստին, կմասնակցեմ»,-եզրափակեց  պատգամավորը:

Անկախ պատգամավոր Էդմոն Մարուքյանն էլ  դժվարացավ ասել` կմասնակցի՞  վաղվա բողոքի ակցիային, քանի որ ԱԺ-ում  արտահերթ նիստ է լինելու:

Ինչ վերաբերում է Բիբնին «persona non grata» հայտարարելուն եւ քրեական գործ հարուցելուն, քրեական գործ հարուցելու մասին առաջինն ինքն է հայտարարել,  պահանջել դա գլխավոր դատախազից: «Persona non grata» հայտարարելու մասին էլ ասեմ, որ  միայն Բիբինը ներգրավված չէ, այլ  մի մեծ խումբ է  պատասխանատու: Կարծում եմ` այդ խումբը Բիբինի գլխավորությամբ պետք է պատասխան տա, ոչ թե «persona non grata» հայտարարվի: Պարզապես  պետք է  պատասխանատվության ենթարկվեն եւ իրենց հասցրած վնասն իրենք էլ փոխհատուցեն»,- կարծում է Մարուքյանը:

ԲՀԿ պատգամավոր Միքայել Մելքումյանն էլ «Իրավունքի» հետ զրույցում դարձյալ վաղվա ԱԺ արտահերթ նիստը  հիշեց, ապա անկեղծանալով ասաց. «Նպատակահարմար չեմ գտնում մասնակցել: Մասնագիտական  առաջարկություններ ներկայացրել եմ: Ասենք, գնանք էնտեղ, ի՞նչ ասենք, էդքան բաները բացատրե՞նք»:

Բիբինին անցանկալի անձ հայտարարելու մասին հայտարարությունն էլ պատգամավորը չէր լսել:

«Դե, մենք մեջբերում ենք Ուրիխանյանի հայտարարութունը»,- պնդեցինք հարցադրումը:

«Դա ի՞նչ բան է, «persona non grata»-ն ո՞րն է»,- կարծես թե իր անհամաձայնությունը հայտնելով  այս տեսակետին ասաց  հանդիպման գնացող եւ շտապող պատգամավորը:

ՀՀԿ պատգամավոր Լեռնիկ Ալեքսանյանն էլ ասաց, որ «persona non grata» հայտարարում են քաղաքական  համապատասխան իրավիճակի   դեպքում, իսկ սա տնտեսական խնդիր է: «Համաձայն եմ այն գաղափարի հետ, որ Բիբինին  քննադատեն, բայց «persona non grata» հայտարարելուն համաձայն չեմ»,- եզրափակեց ՀՀԿ պատգամավորը:

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ