ԱՇՏԱՐԱԿՈՒՄ ՀՆՉԱԾ ԿՐԱԿՈՑՆԵՐԸ «ԼԱՎ ՏՂԱՅՈՒԹՅԱՆ ԱՐԴՅՈՒՆՔ Է»
Արխիվ 12-16
ԱՇՏԱՐԱԿՈՒՄ ՀՆՉԱԾ ԿՐԱԿՈՑՆԵՐԸ «ԼԱՎ ՏՂԱՅՈՒԹՅԱՆ ԱՐԴՅՈՒՆՔ Է»
«Աշտարակում հնչած կրակոցները, փողոցային վեճի արդյունք են եղել, լրիվ անլուրջ բանից նման աղմուկ, կրակոցներ սարքեցին: Վեճի պատճառն էլ մի կաթիլ մեղրի պատմությունն է, տղայական ռազբորկայի, լավ տղայության արդյունք»,- մեզ հետ զրույցում անդրադառնալով օրերս Աշտարակ քաղաքի կենտրոնում հնչած կրակոցներին, որին մասնակից է եղել նաեւ Փարպի գյուղի բնակիչներից մեկը, ասաց հիշատակված գյուղի գյուղապետ Իշխան Առաքելյանը:
Մասնավորապես, թե ինչն է եղել կրակոցների պատճառը, գյուղապետը նկատեց.
- Մեքենայի ճանապարհը զիջելու հարց է եղել, էդքան բան:
Իհարկե՝ տեղի ունեցածը «տղայական ռազբորկա» համարելու այս փորձը առնվազն տարօրինակ է հենց նրանով, որ խոսքը կրակոցների մասին է, այսինքն՝ ինչ-որ մեկը զինված է եղել: Իսկ դա արդեն իսկ հանցանք է եւ ոչ թե «մի կաթիլ մեղր»: Եվ երկրորդը. կրակել են քաղաքապետարանի եւ դատախազության շենքերի դիմաց, ինչի, այսպես ասած, «հաբրգածության» մասին է խոսում: Համենայնդեպս՝ քաղաքապետարանի եւ դատախազության շենքերի դիմաց կրակելու հետ կապված մեկնաբանություն խնդրեցինք նաեւ Աշտարակի քաղաքապետ Արմեն Անտոնյանից, ով ընդամենը նկատեց.
- Մենք այս հարցով շատ մտահոգ ենք: Եվ, բնականաբար, ամեն բան արվում է, որ քաղաքն ավելի խաղաղ եւ նորմալ վիճակում լինի:
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
31286 դիտում
2
8701 դիտում
3
2592 դիտում
4
1768 դիտում
5
1646 դիտում
2
19251 դիտում
3
17693 դիտում
4
11374 դիտում
