Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

ԵՐՎԱՆԴ ԶԱԽԱՐՅԱՆՆ ԱՐՄԵՆ ՄՈՎՍԻՍՅԱՆԻՆ ՎԱՏՈՒԹՅՈՒՆ ՉԻ՞ ՈՒԶՈՒՄ ԱՆԵԼ

Արխիվ 12-16

ԵՐՎԱՆԴ ԶԱԽԱՐՅԱՆՆ ԱՐՄԵՆ ՄՈՎՍԻՍՅԱՆԻՆ ՎԱՏՈՒԹՅՈՒՆ ՉԻ՞ ՈՒԶՈՒՄ ԱՆԵԼ

Հանրային ծառայությունները կարգավորող հանձնաժողովը այսօր` հունիսի 17-ին, քննարկելու է ՀԷՑ-ի` հոսանքի թանկացման հայտը: Խորհրդարանի միջանցքներում պտտվող լուրերի համաձայն` իշխանությունը շահագրգռված է իր վրայից «մաքրել» հոսանքի թանկացման հարցում իրեն վերագրվող մեղադրանքները: Մասնավորապես, պատժել Բիբինին եւ ստիպել նրան, որ որոշակի ժամանակահատվածում լուծի ՀԷՑ-ում առաջացած խնդիրները, եւ ամենակարեւորը` նվազեցնի կորուստները: Չի բացառվում` նիստում ՀԾԿՀ-ն գուցե մեծ չափով տուգանի ՀԷՑ-ին, դիմի «ԻՆՏԵՐ ՌԱՕ ԵԷՍ» ՓԲԸ-ին եւ ստիպի Բիբինին որոշակի ժամանակահատվածում լուծել ցանցում առաջացած խնդիրները: Եթե դա չարվի, ՀԷՑ-ի համար շատ լուրջ հետեւանքներ կլինեն:
Բայց արդյո՞ք մեր էներգետիկ չինովնիկությունն այդ քայլին կգնա: Դա կնշանակի այս վիճակի միակ պատասխանատու սարքել Բիբինին, որն այդ դեպքում կարող է եւ շատ բաներ պատմել:
Սակայն հակառակ դեպքում, եթե սակագինը հաստատվի, կրկին ըստ այդ պտտվող լուրերի, մեծ աղմուկի դեպքում չի բացառվում, որ արդեն իրավապահները խորքային քննություն սկսեն համակարգում: Սա բազում այլ նյուանսներից զատ, լուրջ խնդիրների առաջ կարող է կանգնեցնել մասնավորապես ԱԺ դահլիճում թանկացումների դեմ խոսող որոշ փոքր հէկերի տերերի: Իսկ դա արդեն վտանգավոր է նրանով, որ կարող են հարցեր ծագել, թե ինչո՞ւ է Ռուբերտ Նազարյանի գլխավորած հանձնաժողովը այդ հեկերի համար եւս մեծ-մեծ սակագներ սահմանել:

 


«Իրավունքին» հասած եւ խորհրդարանում շրջանառվող մյուս լուրերը վերաբերում են Բիբինի` ԱԺ չգալուն: Բանն այն է, որ Բիբինի` խորհրդարան չգալու համար շահագրգռված էին որոշ հայ չինովնիկներ, որոնք եւս, ինչպես հայտարարվեց լսումների ժամանակ, էներգետիկ այս մեծ թալանում ունեն պատասխանատվության իրենց բաժինը: Վերջիններս, ըստ լուրերի, համոզել են Բիբինին, որ ԱԺ չգնա, քանի որ չէր բացառվում` ՀԷՑ-ի տնօրենը չդիմանար եւ որոշ  անուններ հնչեցներ ԱԺ-ում` իրեն հիմնական քավության նոխազ սարքելու ժամանակ՝ հարվածի տակից ոմանց դուրս բերելու համար:
ՀԷՑ-ի կոռուպցիոն ռիսկերի մասին խոսելիս` տիրող իրավիճակի առաջին պատասխանատու հնչում էր Երվանդ Զախարյանի անունը, ով, սակայն, կրկին ըստ լուրերի, չի ցանկանում առաջացած իրավիճակը մանրամասն ուսումնասիրել, քանի որ ստիպված պետք է լինի հնչեցնել էներգետիկայի նախկին նախարար Արմեն Մովսիսյանի անունը: Մինչդեռ, զուտ մարդկային առումով, Մովսիսյանին չեն ցանկանում վատ դրության մեջ դնել, քանզի նրա գույքը, ըստ մամուլի որոշ հրապարակումների, գրավի տակ է` «Նաիրիտ» գործարանի աշխատակիցների աշխատավարձերի պարտքը փակելու համար:
Եվս մեկ ուշագրավ փաստ. խորհրդարանի միջանցքներում պտտվող լուրերը կարծես թե հաստատում են «Իրավունքի»` օրեր առաջ հրապարակած «Չի բացառվում` ՀԷՑ-ի «պապա» «ԻՆՏԵՐ ՌԱՕ ԵԷՍ»-ը գլխավորող ընկերություններում ադրբեջանական ընկերություննե՞ր լինեն» վերտառությամբ հոդվածը, որում գրված էր` ՀԷՑ ՓԲԸ-ն «ԻՆՏԵՐ ՌԱՕ ԵԷՍ» ՓԲԸ-ի դուստր ընկերությունն է, որը գլխավորում է ավելի քան 14 երկրներում գտնվող 20 ընկերություններից բաղկացած խմբի կողմից: Թե ովքեր են այդ ընկերություններն ու երկրները, ՀԷՑ-ը չէր պատասխանել, բայց կարեւոր մի տեղեկություն, այնուամենայնիվ, տրամադրել էր` «Ինտեր ՌԱՕ» ընկերությունն իր գործունեությունը ծավալում է այնպիսի երկրներում, ինչպիսիք են Ռուսաստանը, Հայաստանը, Ֆինլանդիան, Բելառուսը, Լիտվան, Ուկրաինան, Ռուսաստանը, Վրաստանը, Ադրբեջանը, Հարավային Օսեթիան, Ղազախստանը, Չինաստանը, Մոնղոլիան, Թուրքիան»:
Ասել է թե` չի բացառվում` Հայաստանի էներգահամակարգում տեղ գտած այս ողջ իրավիճակի հարցում գուցե «թուրք-ազերիական» գործոնը կարեւոր դեր խաղացած լինի: Նաեւ հաշվի առնելով, որ Բիբինին նախորդած Գլադունչիկի ղեկավարման ողջ գործընթացից անհնար է, որ «ԻՆՏԵՐ ՌԱՕ ԵԷՍ»-ի վերնախավը տեղյակ չլիներ: Այսինքն, երբ խոսվում է, թե հարյուր միլիոններով անիմաստ վարկեր են վերցրել ու կերել, ապա դա հենց «ԻՆՏԵՐ ՌԱՕ ԵԷՍ»-ի վերնախավային գայլերի գրպանից տարված փող կլիներ: Իսկ այդ անձինք հաստատ իրենց փողը գողացողներին վաղուց ոչնչացրած կլինեին: Այսինքն, եթե իրոք այդ անիմաստ վարկերը եղել են, ապա դա հնարավոր էր մեկ դեպքում, եթե բազում այլ կապեր ու պարտավորություններ ունեցող «ԻՆՏԵՐ ՌԱՕ ԵԷՍ»-ի շեֆերը ցանկանում էին այդ միջոցով թուլացնել հայաստանյան էներգետիկան: Իսկ եթե այստեղ «թուրք-ազերիական» գործոնը չի աշխատել, ապա չմոռանանք, որ Չուբայսը նաեւ ռոկֆելլերյան տխրահռչակ «Բիլդերբերգյան ակումբի» անդամ է...
Հուսանք` այս եւ այլ հարցերի պատասխաններն առաջիկայում կստանանք պատկան մարմիններից եւ հետեւողական քայլերի շնորհիվ հնարավոր կլինի ՀԷՑ-ը դուրս բերել անմխիթար այս վիճակից:
ՍՈՆԱ ԴԱՎԹՅԱՆ

 

Հավանեցի՞ր հոդվածը, կիսվիր ընկերներիդ հետ