Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

Թբիլիսիում շարունակվում է վագրի և բորենու որոնումները

Արխիվ 12-16

Թբիլիսիում շարունակվում է վագրի և բորենու որոնումները


 

 

Թբիլիսիում շարունակվում են ջրհեղեղի ժամանակ քաղաքի կենդանաբանական այգուց փախած վագրի և բորենու որոնումները, հաղորդում է gazeta.ru-ն:

Այս գիշեր Վրաստանի ներքին գործերի նախարարության հատուկ նշանակության մարտիկներն ապարդյուն որոնողական աշխատանքներ են տարել Թբիլիսիի Պեկինի փողոցում, որտեղից զանգ է ստացվել գիշատչին հայտնաբերելու մասին:

Կենդանու ոչ մի հետք չի հայտնաբերվել Ցինցաձե փողոցում, որտեղից նույնպես զանգահարել են բնակիչները:

Վագրի և, հնարավոր է, մեկ բորենու որոնումները Թբիլիսիի փողոցներում իրականացնում են Քաղաքապետարանի կենդանիների մոնիթորինգով զբաղվող գործակալության աշխատակիցները:

Թբիլիսիի կենդանաբանական այգու տնօրեն Զուրաբ Գուրիելիձեն հայտնել է, որ հնարավոր է՝ Վրաստանի մայրաքաղաքի փողոցներում երիտասարդ վագր և բորենի կա: Նրա խոսքով՝ բորենին վտանգավոր չէ մարդկանց համար:

Իշխանության ներկայացուցիչները խորհուրդ են տվել Թբիլիսիի բնակիչներին չհայտնվել մութ վայրերում և չիջնել նկուղային տարածքներ, որտեղ կարող է թաքնված լինել գիշատիչը:

Ավելի վաղ հաղորդվել է, որ ականատեսներից ստացված հաղորդումից հետո Ռիգայի փողոցի տարածքը մեկ ժամվա ընթացքում շղթայապատվել է և ստուգվել ոստիկանների և հատուկջոկատայինների կողմից, որից հետո շրջափակումը հանվել է:

Երեկ հաղորդվել է, որ վագրը Թբիլիսիում հարձակվել է մի տղամարդու վրա, ինչի հետևանքով նա մահացել է: Ավելի ուշ վագրը հայտնաբերվել է և սպանվել: Գիշատիչ կենդանու վերացման հատուկ գործողությունն անցկացվել է «Լագունա Վերե» նախկին լողավազանի հարակից տարածքում՝ կենդանաբանական այգուց ոչ հեռու։

 


Հավանեցի՞ր հոդվածը, կիսվիր ընկերներիդ հետ