«ԵԹԵ ՈՒԶՈՒՄ ԵՆՔ ԿԱՆԱՆՑ ՈՒ ՏՂԱԿԱՄԱՐԴԿԱՆՑ ՀԱՎԱՍԱՐՈՒԹՅՈՒՆ ՄՏՑՆԵՆՔ, ԱՅԴՊԵՍ ԷԼ ԳՐԵՆՔ, Ի՞ՆՉ ԳԵՆԴԵՐ»
Արխիվ 12-16
Վ. ՍԱՐԳՍՅԱՆ. «ԵԹԵ ՈՒԶՈՒՄ ԵՆՔ ԿԱՆԱՆՑ ՈՒ ՏՂԱԿԱՄԱՐԴԿԱՆՑ ՀԱՎԱՍԱՐՈՒԹՅՈՒՆ ՄՏՑՆԵՆՔ, ԱՅԴՊԵՍ ԷԼ ԳՐԵՆՔ, Ի՞ՆՉ ԳԵՆԴԵՐ»
Արտաքին գործերի նախարարի տեղակալ ՍԵՐԳԵՅ ՄԱՆԱՍԱՐՅԱՆՆ այսօր` ՀՀ կառավարության նիստի ժամանակ, գործադիրին ներկայացրեց որոշման նախագիծ, որով առաջարկվում էր հաստատել «Դասընթացավարների վերապատրաստում. գենդերային հավասարություն երիտասարդների աշխատանքում» ծրագրի արտաբյուջետային հաշվի միջոցների ծախսման 2015 թ-ի նախահաշվը: Ըստ փոխնախարարի, ծրագիրը ներկայացված է ԿԳՆ-ի կողմից եւ ընդգրկված է կարեւորագույն նշանակություն ունեցող ծրագրերի շրջանակում, հավանության է արժանացել UNESCO-ի կողմից, ֆինանսավորումն արդեն հատկացված է, ծավալը կազմում է ո՛չ ավել, ո՛չ պակաս 24 հազար ԱՄՆ դոլար:
Սակայն, ՀՀ նախագահի աշխատակազմի ղեկավար ՎԻԳԵՆ ՍԱՐԳՍՅԱՆԸ դեմ արտահայտվեց վերոնշյալ ծրագրին` մասնավորապես նշելով. «Խոսքը կրկին կանանց եւ տղամարդկանց հավասարություն» հասկացությունը «գենդեր» հասկացությամբ փոխարինելու անընդհատ ջանքի եւ փորձի մասին է: Մենք սա անցել ենք օրենսդրարական դաշտում` օրենքի քննարկման ժամանակ, հիմա նորից ենք գալիս: Ընդ որում` հիմնավորումն, ուղղակի, սպանում է` պարզվում է, որ երիտասարդության շրջանում կա «գենդեր» հասկացության սխալ կամ թերի ընկալում եւ դա պետք է ուղղել: «Գենդեր» հասկացության հիմնավորումը կա բոլոր բառարաններում, դա սեռի սոցիալական ընկալման ձեռբերովի հատկանիշն է, ոչ թե տղամարդկանց եւ կանանց հավասարությունը: Հայ Առաքելական եկեղեցին էլ է այս մասին հայտնել իր տեսակետը: Ինչո՞ւ ենք մենք նորից վերադառնում մի բանի, որը հասարակության մեջ այդքան վատ է ընդունվում: Եթե ուզում ենք կանանց ու տղակամարդկանց հավասարություն մտցնենք, այդպես էլ գրենք, ի՞նչ գենդեր, ինչի՞ ենք «գենդեր» տերմինն անընդհատ մտցնում ակտերի մեջ: Կարծում եմ, որ որոշման նախագիծը պետք է խմբագրել»:
Ի պատասխան, Ս. Մանասարյանն էլ արդարացավ. «Երեկ այդ քննարկումները եղել են, սպասում ենք, որ առաջարկություն կհնչի կառավարության նիստում, եւ որեւէ խնդիր չկա խմբագրական փոփոխություն կատարելու հետ կապված»: Հարցին կոշտ արձագանքեց նաեւ ՀՀ վարչապետ ՀՈՎԻԿ ԱԲՐԱՀԱՄՅԱՆԸ. «Ինչո՞ւ կառավարության նիստին հնչեցնել: Հաճո՞ւյք եք ստանում դրանից»:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
31286 դիտում
2
8701 դիտում
3
2592 դիտում
4
1768 դիտում
5
1646 դիտում
2
19251 դիտում
3
17693 դիտում
4
11374 դիտում
