Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

ՍՅՈՒՆՅԱՑ ՊԱՏԳԱՄԱՎՈՐՆ ԱՐԹՆԱՑԱՎ ՈՒ ՀԻՇԵՑ ԱԼԿՈՀՈԼԻ ԵՎ ԷԺԱՆ ԽՄՈՐԵՂԵՆԻ ՄԱՍԻՆ

Արխիվ 12-16

ՍՅՈՒՆՅԱՑ ՊԱՏԳԱՄԱՎՈՐՆ ԱՐԹՆԱՑԱՎ ՈՒ

ՀԻՇԵՑ ԱԼԿՈՀՈԼԻ ԵՎ ԷԺԱՆ ԽՄՈՐԵՂԵՆԻ ՄԱՍԻՆ

 

Եթե «Իրավունքի» նախորդ համարում նշել էինք, որ ԱԺ ՀՀԿ խմբակցության Սյունյաց պատգամավոր Արմեն Կարապետյանը խորհրդարանական նիստի ժամանակ մուշ-մուշ քնել էր, ապա այս անգամ պիտի շեշտենք ճիշտ հակառակը: Երեկ քնկոտ պատգամավորն ավելի քան ակտիվ էր եւ նույնիսկ հարց ուղղեց ՀՀ էկոնոմիկայի նախարար Կարեն Ճշմարիտյանին, ով ԱԺ-ում ներկայացնում էր «Ավիացիայի մասին» ՀՀ օրենքում փոփոխություն կատարելու մասին» օրինագիծը: Ըստ Ա. Կարապետյանի` ինչ Հայաստանն անդամակցել է ԵՏՄ-ին, օդանավակայանների duty free-ներում հրաժարվում են որեւէ բան վաճառել Եվրոպայից եկող ու Երեւան ուղեւորվող մեր համաքաղաքացիներին. «Պատահում է, որ մարդիկ 10-12 ժամ մնում են օդանավակայաններում եւ այդ ընթացքում գնումներ չեն կարողանում կատարել խանութ սրահներից: Իհարկե, այդտեղ կան ռեստորաններ, սրճարաններ, բայց դրանց սակագները շատ բարձր են եւ մատչելի չեն մեր քաղաքացիներին: Ի՞նչն է պատճառը, որ այդ խնդիրը չի կարգավորվում, որովհետեւ այն մեր քաղաքացիների համար դժվարություններ է առաջացնում»: Մինչ ներկա մյուս պատգամավորները քթի տակ ծիծաղում էին, Կ. Ճշմարիտյանը ստիպված էր պատասխանել. «Ես ներողություն եմ խնդրում, բայց դա արդեն մինչեւ մեր ԵՏՄ անդամակցումը գործող կարգն էր, եւ այդ խնդիրն ունի ոչ միայն Հայաստանը, այլեւ Բելառուսը, Ղազախստանը եւ նույն Ռուսաստանը, այսինքն` կարծում եմ, որ սա իր տրամաբանական լուծումը կստանա: Ինչ վերաբերում է duty free-ներին, ճիշտն ասած, այդտեղից սնունդ կամ սուրճ գնելը լավ չեմ պատկերացնում, որովհետեւ այնտեղ հիմնականում վաճառվում է ալկոհոլ, օծանելիք եւ այլն»: Ուտող, խմող եւ քնող պատգամավորն էլ շտապեց հակադարձել. «Այնպես չէ, որ duty free-ներում միայն խմիչք են վաճառում, նաեւ խմորեղեն են վաճառում եւ այլ բաներ, որոնք կարող են մեր քաղաքացիները ցածր գներով որոշ գնումներ կատարել...»: Ինչպես նաեւ հավելեց, որ օդանավակայանների դեղատներում էլ է նույն իրավիճակը: Համբերատար նախարարը ստիպված եղավ եւս մեկ անգամ ընդգծել. «Դուք` որպես պատգամավոր, կարող եք Ձեր առաջարկությունն անել: Ինչ վերաբերում է խմորեղենին, հավատացեք, ես էլ քիչ եմ աշխատանքային գործուղումների մեկնել, բայց չեմ տեսել, որ մարդիկ խմորեղեն համտեսեն միայն նրա համար, որ էժան է: Թույլ տվեք Ձեզ ասել, որ այդ հարցն ընդհանրապես այս օրենքի հետ ոչ մի  կապ չունեցող հարց էր»:

Ի դեպ, Ա. Կարապետյանի Սյունյաց մտքի «գոհարները» արդեն իսկ Ազգային ժողովի միջանցքներում վերածվել է անեկդոտի:

 

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ