«ԱՅԾԻ ՊԱՆԻՐՆ ԱՅԴՊԵՍ ԷԼ «ԿՈԿՈ ՇԱՆԵԼ» ՉԴԱՐՁԱՎ»
Արխիվ 12-16
«ԱՅԾԻ ՊԱՆԻՐՆ ԱՅԴՊԵՍ ԷԼ «ԿՈԿՈ ՇԱՆԵԼ» ՉԴԱՐՁԱՎ»
Խորհրդարանում այսօր քննարկվում է Տավուշի մարզի Դիլիջան քաղաքային համայնքի եւ հարակից տարածքների զարգացման եւ ներդրումների խրախուսման մասին օրինագիծը: Հիմնական զեկուցող ՀՀ տարածքային կառավարման և արտակարգ իրավիճակների նախարարի առաջին տեղակալ Վաչե Տերտերյանին ԲՀԿ առաջնորդ Նաիրա Զոհրաբյանը հարց ուղղեց` արդյոք արտոնություն տալուց հետո ներդրողներն իրար հերթ չտալով ու իրար տրորելով Դիլիջանում ներդրումներ կանեն: Նաիրա Զոհրաբյանը հիշեցրեց նախկին վարչապետ, ԱՄՆ-ում դեսպան Տիգրան Սարգսյանի այն հայտարարությունը, թե այծի պանիրը դարձնել «Կոկո Շանել» բրենդին հավասարազոր: «Բա որ արտոնություն տանք, բայց ներդրումներ չլինե՞ն: Ո՞վ է հաշվետու լինելու տապալված ծրագրի համար: Մենք անընդհատ բարի ցանկություններ ենք ասում, բայց կոտրած տաշտակի առաջ ենք կանգնում, բայց ո՛չ Գյումրին դառավ մշակութային կենտրոն, Ջերմուկը չդարձավ չգիտեմ ինչ: Որտե՞ղ է երաշխիքը, որը ներդրողներն իրար տրորելով կվազեն Դիլիջան»,-ասաց Նաիրա Զոհրաբյանը:
Ի պատասխան`պրն Տերտերյանն ասաց, որ Ջերմուկում վերջերս բացվեց բրենդային հյուրանոց: Ինչ վերաբերում է խորհրդարանին հաշվետվություն տալուն, փոխնախարարի խոսքով` պարտադիր չէ ներդրողներն ուղիղ պետք է հաշվետվություն տան ԱԺ-ին: «Նախարարությունը պատրաստ է թափանցիկ հաշվետվողականություն ներկայացնել»,- եզրափակեց Վաչե Տերտերյանը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31296 դիտում
2
10326 դիտում
3
2664 դիտում
4
1768 դիտում
5
1670 դիտում
2
19270 դիտում
3
11374 դիտում
5
8094 դիտում
3
17693 դիտում
