6.5 ՄԼՐԴ-Ը «ՋԱՅՆԱՄ», ՄԵՆԱԿ ՂՐՂԶՆԵՐԸ ԵՏՄ ՉՄՏՆԵՆ

6.5 ՄԼՐԴ-Ը «ՋԱՅՆԱՄ», ՄԵՆԱԿ ՂՐՂԶՆԵՐԸ ԵՏՄ ՉՄՏՆԵՆ

Երեկ ԱԺ-ում ձայների  մեծամասնությամբ  ընդունվեց   Ղրղզստանի` ԵՏՄ-ի անդամակցության պայմանագրի արձանագրության վավերացումը:  Ինչպես սպասելի էր, դեմ քվեարկեցին արեւմտամետ պատգամավորները` Զարուհի Փոստանջյանը, Նիկոլ Փաշինյանը, Թեւան Պողոսյանը,Ալիկ Արզումանյանը, որոնք  պնդում են` Հայաստանը ԵՏՄ-ից ոչինչ չի շահել:  Մինչդեռ ֆինանսների փոխնախարար Սուրեն Կարայանը ՍԻՄ նախագահ, ԱԺ պատգամավոր Հայկ Բաբուխանյանի խնդրանքով արձանագրեց` տարվա սկզբից ԵՏՄ-ին անդամագրվելու շնորհիվ Հայաստանը ստացավ 6,5 միլիարդ դրամ լրացուցիչ եկամուտ:

«Իրավունքը» «Ժառանգություն» խմբակցության քարտուղար Թեւան Պողոսյանից պարզեց` արդյոք այն փաստը, որ տարվա սկզբից 6,5 միլիարդ դրամ լրացուցիչ եկամուտ է ունեցել պետբյուջեն, դա բավարար չէ դրական գնահատելու Հայաստանի` ԵՏՄ-ի անդամակցությունը: Պատգամավորը հարցին հարցով պատասխանեց` մեր պատկան մարմինները հաշվարկե՞լ` են եթե Հայաստանը չդառնար ԵՏՄ անդամ, եւ մենք ինքներս հավաքեինք մաքսային տուրքերը,  6,5 միլիարդ դրամից ավելի շատ կլիներ, թե քիչ:  Եթե հին համակարգը լիներ, կունենայինք նմանատիպ պատկեր:  «Եթե Ղրղզստանը չմտներ ԵՏՄ, մենք այդ գումարը չէինք ունենալու: Այնպես թե այնպես ունեինք»,- կարծում է պատգամավորը:

Խնդիրը, ըստ պատգամավորի, հետեւյալն է` ղրղզների միանալը ԵՏՄ-ին ինչ է տալիս Հայաստանին: «Խնդիրն այն է, որ ԵՏՄ-ում  ոչ հայանպաստ մի երկիր  իր ձեռքը կբարձրացնի որոշումներ ընդունելիս»,- ասաց պատգամավորը:

Ինչ վերաբերում է 6,5 միլիարդ դրամ եկամուտ ունենալուն, «Ժառանգության» պատգամավորն այպես արձագանքեց. «Եթե այդ գումարի  շնորհիվ մեր տնտեսությունը չի զարգացել,  մեր արտադրողները որեւէ շիշ կամ գինի չեն արտահանել ՌԴ: Ինձ  պետք է հզոր լինի Հայաստանի տնտեսությունը,  ոչ թե վերեւից  մեկը գումար ուղարկի»:

Կարծես արեւմտամետ պատգամավորները զինված չեն համբերությամբ եւ շտապում են չգիտես ուր: Հարգելիներս Մոսկվան մեկ օրում չի կառուցվել:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝