«ՉԻ ԲԱՑԱՌՎՈՒՄ`ԻՐԱՆՆ ԱՌԱՋԻԿԱՅՈՒՄ ԴԱՏԱՊԱՐՏԻ 1915 Թ-Ի ԴԵՊՔԵՐԸ»
Արխիվ 12-16
«ՉԻ ԲԱՑԱՌՎՈՒՄ`ԻՐԱՆՆ ԱՌԱՋԻԿԱՅՈՒՄ ԴԱՏԱՊԱՐՏԻ
1915 Թ-Ի ԴԵՊՔԵՐԸ»
Իրանահայ պատգամավոր Կարեն Խանլարյանից «Իրավունքը» պարզեց` Հայոց ցեղասպանության 100-ամյակին ինչպես անդրադարձավ Իրանը:«Շատ ակտիվ էր իրանահայ համայնքը, ցույց-քայլերթ, բողոքի ցույցեր եղան: Պետությունն իր սրտակցությունը հայտնում է`բողոքի ակցիաներին արտոնություն տալով: Օրենսդիր մարմնի պատգամավորներն անգամ դատապարտող հայտարարություններ արեցին»:
Իսկ թե երբ դատապարտող հայտարարությունները կվերածվեն Հայոց ցեղասպանության ճանաչման, իրանահայ պատգամավորն այսպես պատասխանեց. «Քաղաքական լուրջ իրավիճակ է`կապված Իսլամական պետության գործողությունների, Թուրքիայի դերի հետ: Բայց ես չեմ բացառում` առաջիկայում Իրանի կողմից լսենք դատապարտող խոսք կամ ցեղասպանությունը ճանաչելու դրսեւորումներ, երբ հաղթահարվի քաղաքական այս լուրջ իրավիճակը»:
Ի դեպ, մոտ մեկ շաբաթ առաջ Իրանից պատգամավորական մի խումբ էր եկել Հայաստան: Հանդիպման ընթքացքում քննարկվել են հայ-իրանական կրթական ու գիտական հարցեր: Իրանը ցանկություն ունի Հայաստանում բացել իրանական համալսարան եվ հակառակը` Իրանում բացել հայկական համալսարան: «Իրանը չգիտի` ինչ գիտական ռեսուրսներ ունի Հայաստանը, Հայաստանն էլ չգիտի` Իրանն ինչ հնարավորություններով է օժտված»,- եզրափակեց իրանահայ պատգամավորը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31322 դիտում
2
11087 դիտում
3
2814 դիտում
4
1789 դիտում
5
1707 դիտում
2
19332 դիտում
3
11374 դիտում
5
8094 դիտում
3
17693 դիտում
