«ԻՆՁ ՀԱՄԱՐ ՄԻԵՎՆՈՒՅՆ Է` ՆԵՐԴՐՈՂԸ ԹՈՄՆ Է, ԹԵ ՋՈՆԸ. ԿԱՐԵՎՈՐԸ ՄԵԶ ԱԶԱՏՈՒՄ ԵՆ ԷԿՈԼՈԳԻԱԿԱՆ ԱՂԲԻՑ»
Արխիվ 12-16
«ԻՆՁ ՀԱՄԱՐ ՄԻԵՎՆՈՒՅՆ Է` ՆԵՐԴՐՈՂԸ ԹՈՄՆ Է, ԹԵ ՋՈՆԸ. ԿԱՐԵՎՈՐԸ ՄԵԶ ԱԶԱՏՈՒՄ ԵՆ ԷԿՈԼՈԳԻԱԿԱՆ ԱՂԲԻՑ»
ԱԺ-ում քննարկվում է ՀՀ կառավարության կողմից հավանության արժանացած «Ողջիի, Փխրուտի, Արծվանիկի պոչամբարներում կուտակված և կուտակվող, ինչպես նաև «Զանգեզուրի պղնձամոլիբդենային կոմբինատ» ՓԲԸ գործունեության արդյունքում գոյացած և գոյացող արտադրական լցակույտերի մշակման ներդրումային ծրագրի մասին» օրենքի նախագիծը: Ըստ նախագծի՝ «Ալյոտիգ» ՍՊԸ-ն մտադիր է կառուցել տարեկան 12.5 մլն տոննա արտադրողականությամբ պոչամբարների վերամշակման ֆաբրիկա, որի համար նախնական տվյալներով կպահանջվի 240 մլն. դոլարի ներդրում:
«ժառանգություն» խմբակցության պատգամավոր Զարուհի Փոստանջյանի խոսքով` պետք է ուսումնասիրել` ով է այդ ներդրողը, ինչ անցյալ ու ծագում ունի:
ԲՀԿ, ՀՀԿ խմբակցությունները, սակայն, այլ կարծիքի էին: ԲՀԿ խմբակցության պատգամավոր Միքայել Մելքումյանը տիկին Փոստանջյանին հորդորեց դիլենտատական մոտեցում չհնչեցնել, ապա չխոսել մի բանից, որից նա չի հասկանում: «Փոխանակ ուրախ լինեք, որ ներդրումներ են անում մեզ մոտ, ասում եք` տեսնենք ինչ ներդրումներ են անում»,- ասաց պատգամավորը:
ՀՀԿ խմբակցության ղեկավար Վահրամ Բաղդասարյանի խոսքով էլ այնպիսի տպավորություն է, թե ներդրողները հերթ են կանգնել սահմանի մոտ, մենք էլ պետք է մտածենք` ում թողենք, ում` չէ: «Մարդիկ ներդրումներ, հետազոտություններ են կատարել, գիտական ուսումնասիրություններ են արել: Ներդրողը 237 մլն դոլարի ներդրում է ցանկանում անել: Ցանկանում է աղբը վերցնել եւ արտադրատեսակներ ստանալ: Եթե հանկարծ ձախողվի, մենք խնդիր չենք ունենալու, այլ ներդրողը»,- պարզաբանեց ՀՀԿ խմբակցության ղեկավարը:
Ինչ վերաբերում է այն մտահոգությնը, թե ով է ներդրողը` Ջոնը, թե Թոմը, ՀՀԿ խմբակցության ղեկավարի համար միեւնույնն է: Ի վերջո, ներդրողը ցանկանում է մեզ ազատել էկոլոգիական աղբից, որը մեզ համար չարիք է:
Տնտեսական հարցերի մշտական հանձնաժողովի նախագահ Վարդան Այվազյանն էլ ասաց, որ բնապահպանական արտոնություն կազմակերպությանը չի տրամադրվելու:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31322 դիտում
2
11060 դիտում
3
2791 դիտում
4
1789 դիտում
5
1707 դիտում
2
19318 դիտում
3
11374 դիտում
5
8094 դիտում
3
17693 դիտում
