Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը Վեճեր, սադրանքի փորձեր եւ վստահության քվե՝ Հայաստանի Նկարիչների միությունում

«ՏԵՐՏԵՐՅԱՆԻ ԺԱՄԱՆԱԿԸ»` ՏԵՐՏԵՐՅԱՆԻ ՍՏԵՂԾԱԳՈՐԾԱԿԱՆ ՏԱՆԸ

Արխիվ 12-16

«ՏԵՐՏԵՐՅԱՆԻ ԺԱՄԱՆԱԿԸ»` ՏԵՐՏԵՐՅԱՆԻ ՍՏԵՂԾԱԳՈՐԾԱԿԱՆ ՏԱՆԸ


Հուլիսի 29-ին Սեւանում` Հայրավանք գյուղում, որտեղ տեղակայված է  մեծանուն հայ կոմպոզիտոր Ավետ Տերտերյանի Ստեղծագործական Տունը, տեղի կունենա արվեստների յուրօրինակ փառատոն՝ «ՏԵՐՏԵՐՅԱՆԻ ԺԱՄԱՆԱԿԸ» խորագրով:

Փառատոնի բովանդակությունը պատահական չէ եւ պայմանավորված է անձամբ կոմպոզիտորի երազանքով՝ Սեւանի ափին անցկացնել ժողովրդական տոնախմբություն, որտեղ երաժշտության տիեզերական ոգին, կմիաձուլվում վեհապանծ լեռների եւ կապուտակ լճի չնաշխարհիկ բնապատկերին: Առավոտյան

Փառատոնը կմեկնարկի պատարագով, այնուհետեւ տեղի կունենա  ժողովրդական արհեստների նմուշների ցուցադրություն, գրական հանդիպումներ, գեղարվեստական ցուցահանդեսներ, ֆոլկլորային համույթների մասնակցությամբ: Փառատոնի գաղափարի մասին կոմպոզիտորը «Երկխոսություններ Ավետ Տերտերյանի հետ» գրքում գրում է. «Իսկ երեկոյան, մթնշաղի եւ լռության իջնելուն պես իր տիրապետությանը կանցնի երաժշտությունը: Դա կլինի ձայնի ցնծություն, երաժշտություն՝ հնչող  Սեւանի ափին, Հայրավանք եկեղեցու պատերի մոտ,  լազերային լուսավորության պատկերին եւ երաժշտություն կամերային մթնոլորտում, իմ նորակառույց տան հատուկ այդ նպատակով սարքավորված դահլիճում: Հուսով եմ, որ կգտնվեն մարդիկ՝ օժտված կազմակերպչական տաղանդով, ովքեր կաջակցեն այդ գաղափարի իրականացմանը»:

«ՏԵՐՏԵՐՅԱՆԻ ԺԱՄԱՆԱԿԸ» փառատոնը կմիավորի տարբեր սերունդների ներկայացուցիչների ստեղծագործական աշխատանքների ցուցադրությունները, ամենաերիտասարդ մասնակիցները – «ԲԱԱՐԴԻԱ» պարային ստուդիայի սաները, կցուցադրեն Տերտերյանի երաժշտությամբ «Վակուում» ներկայացումը, Երեւանի և Եկատերինբուրգի գեղարվեստական դպրոցների սովորողները կներկայացնեն իրենց գծանկարչական եւ գեղանկարչական աշխատանքները: Իսկ Ուրալի ճարտարապետա-գեղարվեստական ակադեմիայի ուսանողները Հայաստանի ցուցադրությանն են նախապատրաստում Եկատերինբուրգում Տերտերյանի բնակարան-թանգարանի կոնցեպցիայի մշակումները:

Նույն օրը տեղի կունենա Ռուսաստանում հրատարակված գրքերի շնորհանդես; «Հայաստանի պոեզիան Մարկ Ռիժկովի թարգմանություններում», «Զրույցներ Ավետ Տերտերյանի հետ» Ռ. Տերտերյան (անգլ. լեզվով) եւ Տերտերյանի երաժշտությամբ կինոֆիլմերի դիտում:

Եկատերինբուրգից՝ քաղաք, որը հատուկ դեր է խաղացել կոմպոզիտորի կյանքում, եւ որտեղ շուտով կբացվի Ավետ Տերտերյանի անվան փողոց, Սեան կժամանի Սվերդլովյան ֆիլհարմոնիայի Լարային քառյակը՝ հատուկ հայկական ծրագրով:

Քառյակի ելույթը, որը կկատարի Կոմիտասի ստեղծագործությունները՝ Ս. Ասլամազյանի հայտնի մշակմամբ, կբացվի փառատոնի վերջին՝ երաժշտական գործողությունը, որտեղ կհնչեն Տերտերյանի ժամանակակիցների եւ ընկերների՝ հայտնի հայ կոմպոզիտորներ Ջիվան Տեր-Թադևոսյանի եւ Էդգար Հովհաննիսյանի սիմֆոնիկ երկերը: Որպես եզրափակիչ ակորդ կկատարվի Ավետ Տերտերյանի Երրորդ սիմֆոնիան:

Ավետ Տերտերյանի երաժշտությունը՝ յուրօրինակ ժամանակակից հնչյունային աշխարհում,  համամարդկային գաղափարների գիտակցումն է՝ խորը ներթափացելով հայ ժողովրդի գենետիկ, ազգային եւ հոգևոր հիշողության մեջ, այսօր շատերի համար հանդիսանում է հին եւ ժամանակակից Հայաստանի, նրա պատմության եւ ապագայի ձգտման, վշտի եւ անսասան ոգու խորհրդանիշ: Ահա թե ինչու, հարգանքի տուրք մատուցելով եւ փառատոնը նվիրելով Հայոց մեծ Եղեռնի զոհերի հիշատակին, կազմակերպիչները համոզված են, որ այն կընդգրկվի Հայոց ցեղասպանության 100-րդ տարելիցի միջոցառումների շրջանակներում:


ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ