ԱՄՆ-Ի ԴԱՐԴ ՈՒ ՑԱՎԸ ՀԱՅԱՍՏԱՆԻ ԽՈՐՀՐԴԱՐԱՆՆ Է ՈՒ ՀԱՅ ՀԱՍԱՐԱԿՈՒԹՅՈՒՆԸ

ԱՄՆ-Ի ԴԱՐԴ ՈՒ ՑԱՎԸ ՀԱՅԱՍՏԱՆԻ  ԽՈՐՀՐԴԱՐԱՆՆ Է ՈՒ ՀԱՅ ՀԱՍԱՐԱԿՈՒԹՅՈՒՆԸ

ԱՄՆ միջազգային զարգացման գործակալության՝ Հայաստանի Ազգային ժողովին աջակցման ծրագրի տնօրեն Շոն Մակնելին այսօր  խորհրդարանում  էր: Այցի նպատակը մեկն էր` ԱԺ-ում կազմակերպվել էր  քաղաքացիական հասարակության մասին  փոքրիկ միջոցառում: «Իրավունքի» հետ զրույցում   Մակնելին հիշեցրեց, որ  աջակցման ծրագիրը հովանավորվում  է  ԱՄՆ-ի կողմից:  Ֆինանսավորումը մոտ երեք միլարդ արժողություն ունի:  «Մենք փորձում ենք համագործակցե խորհրդարանի  հետ, որպեսզի նա լինի  հզոր կառույց  եւ ունենա հզոր  ձայն, ունենա   մեծ ազդեցություն իշխանության   մեջ»,-

Հայաստանում քաղաքացիական հասարակությունը, ըստ   Շոն Մակնելիի,  Հայաստանի քաղաքացիական հասարակությունում կան տպավորիչ անհատներ, բայց  կա դեռ շատ աշխատանք անելու:

Մեր  մյուս հարցին` արդյոք ԱՄՆ-ի հասարակությունն այդքան կայացած է, կամ ԱՄՆ-ում այնքան ամեն ինչ  լավ է, որ  Շոն Մակնելին  ու ԱՄՆ-ն որոշել է  Հայաստանի հասարակությանն ու օրենսդիր մարմնին քաղաքացիական հասարակության կայացման դասեր տալ:  Շոն Մակնելին հարցադրումը կարծես դուր  չեկավ: Նրա խոսքով`   լավ կառավարումը չի նշանակում ամերիկյան ժողովրդավարություն: «Ես աշխատել եմ այնպիաի երկրներում, որոնք  հստակ ժողովրդավար չեն եղել, բայց  քաղաքացիներն ակտիվ են,   ցանկանում են իմանալ` գումարներն ինչպես են ծախսվում ծառայությունների համար: Այսինքն` խոսքը կառավարման, ոչ թե  ժողովրդավարման մասին է:  Ես շատ եմ սիրում Հայաստանը»,- այդպես էլ  մեր հարցին հստակ չպատասխանեց  ամերիկացի ԱՄՆ միջազգային զարգացման գործակալության՝ Հայաստանի Ազգային ժողովին աջակցման ծրագրի տնօրենը:

Շոն Մակնելին  խուսափեց նաեւ համեմատական անցկացնել Հայաստանի եւ Ադրբեջանի քաղաքացիական հասարակությունների միջեւ: «Տեղյակ չեմ` այդ առումով ինչ վիճակ է: Մեր աշխատանքը Ադրեջանին ու  ԼՂ-ին»,- ասաց պրն Մակնելին:

Հ.Գ. Ինչպե՞ս տեղյակ չեք,  Հայաստանը սիրող ու մեր  խորհրդարանի  դարդ ոու ցավով ապրող ամերիկացի մեր գործընկեր: Գրեթե ամեն օր ականատես ենք լինում Ադրբեջանում մարդու իրավունքների ոտնահարման խայտառակ փաստերին, որոնց մասին մեկ-մեկ  խավիարասեր եվրոպացի պաշտոնյաներն էլ   ձեւի համար խոսում:  Իսկ Ադրբեջանի անունը լսելիս Արցախի մասին   հիշելը եւս մեկ անգամ վկայում է այն, որ ԱՄՆ-ում կարծես թե  դեռ չեն ձերբազատվել Արցախը  Ադրբեջանի  տարածք համարելու կեղծ մտայնությունից:

Ի դեպ,  2013 թ-ին Նաիրա Զոհրաբյանը  հայտարարել է, որ որպես եվրոպական ինտեգրման հարցերի մշտական հանձնաժողովի նախագահ` արդյունավետ չի գնահատում գործակալության կողմից մինչ այժմ ԱԺ-ում իրականացված ծրագրերը:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝