«ԴԵ ԹՈՂ ԵՐՎԱՆԴ ԶԱԽԱՐՅԱՆՆ ԷԼ ՄԻԱՆԱ «ՈՉ ԹԱԼԱՆԻՆ» ՆԱԽԱՁԵՌՆՈՒԹՅԱՆԸ». ԳԱՐԵԳԻՆ ՆՈՒՇԻԿՅԱՆ

«ԴԵ ԹՈՂ ԵՐՎԱՆԴ ԶԱԽԱՐՅԱՆՆ ԷԼ ՄԻԱՆԱ «ՈՉ

ԹԱԼԱՆԻՆ» ՆԱԽԱՁԵՌՆՈՒԹՅԱՆԸ». ԳԱՐԵԳԻՆ

ՆՈՒՇԻԿՅԱՆ

Մեր այն հարցին, թե «Ոչ թալանին» նախաձեռնություն է ձեւավորել` ընդդեմ հոսանքի թանկացման,որպես ՀՀ քաղաքացի` ինչ դիրքորոշում ունի ԱԺ ՀՀԿ գործարար պատգամավոր Գարեգին Նուշիկյանը նախ նշեց, որ հիմքեր չունի ասելու, որ թալան է եղել: Ապա, երբ հիշեցրինք, որ նման հայտարարություն է արելլ ՀՀ էներգետիկայի նախարար Երվանդ Զախարյանը, ոչ ավել, ոչ պակաս պատգամավորն ասաց.

- Դե Երվանդ Զախարյանն էլ թող գա միանա, ես չեմ էլ ասել նման բան: Ես նման բան չեմ լսել: Չեմ կարծում` ինքը թալան բառն օգտագործած լինի:

- Ասել է կոռուպցիոն ռիսկեր…

- Հիմքեր չունեմ, որ թալան է եղել: Կարող եմ ընդամենը ենթադրել: Բայց ողջունում եմ այդ մարդկանց, որ («Ոչ թալանին» նախաձեռնությունը-խմբ.) օրենքի շրջանակում փորձում են իրենց շահերը պաշտպանել:

- Դե ողջունելը քիչ է, պետք է նաեւ միանալ:

- Դե հիմա ինչով միանամ:

- Օրինակ «Մութ ժամեր» ակցիայի ժամանակ երկու ժամով անջատում էին լույսերը:

- Դե կես ժամով էլ ես եմ անջատել: 2 ժամով չդիմացա, բայց կես ժամով անջատել եմ (ժպտում է-խմբ.):

-Սառնարա՞նն էլ ենք անջատել:

-Սառնարանը` չէ:

-ԱԺ-ի վաղվա  լսումներին կոնկրետ հարցադրում հնչեցնելու ե՞ք:

- Կգան, կտեսնենք, էլի:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝