«ՉԿԱ, ԸՆԴԴԻՄՈՒԹՅՈՒՆ ՉԿԱ». ՏԻԳՐԱՆ ԿԱՐԱՊԵՏՅԱՆ

«ՉԿԱ, ԸՆԴԴԻՄՈՒԹՅՈՒՆ ՉԿԱ». ՏԻԳՐԱՆ ԿԱՐԱՊԵՏՅԱՆ

Վերջին շրջանում ներքաղաքական դաշտում հետաքրքիր իրադարձություններ տեղի ունեցան: Մասնավորապես, երկու նոր կուսակցություն ծնվեց և առաջին հայացքից տպավորությունն այնպիսին է, որ եթե ընդդիմության թեժ գարուն «նախագիծը» չստավեց, ապա պետք է զինվել համբերությամբ և սպասել աշնանային թեժացումներին կամ սրացումներին: Ինչպես ժողովուրդն է ասում ճտերն աշնանն են հաշվում, իսկ ամռան շրջանին առավել բնորոշ է կանխատեսումներ անելը: Ամառային կանխատեսումների շրջանակներում «Իրավունք»-ը «Ժողովրդական կուսակցության» նախագահ Տիգրան Կարապետյանից հետաքրքրվեց, թե քաղաքական գործիչն ի՞նչ կկանխատեսումներ ունի քաղաքական աշնան վերաբերյալ, ի՞նչու որևէ կերպ չի արձագանքում հոսանքի թանկացմանը և ընդհանրապես ո՞ր քաղաքական ուժին է առավել վստահում:

- Պարոն Կարապեսյան ինչպիսի՞ն է Ձեր կարծիքը ներկայիս ներքաղաքական իրավիճակի մասին:

- Քաղաքական իրավիճակ չկա:

- Նոր կուսակցություններ են ստեղծվել վերջին շրջանում: Ձեր կարծիքով նոր ձևավորված կուսակցություններին, մասնավորապես «Նիկոլ Փինյանի Քաղաքացիական պայմանագիր» կուսակցությանը կհաջողվի՞ համախմբել ընդդիմությանը, կամ որևէ իրավիճակ փոխել:

- Չգիտեմ, դեռ չեմ տեսնում իրավիճակ: Սպասելիքներ չունեմ:

- Կարծիք կա, որ աշունը թեժ է լինելու: Հավատու՞մ եք այդ թեզին և ընդհանրապես ինչպե՞ս եք գնահատում ընդդիմության ջանքերը: Իրականում կա՞ ընդդիմություն:

- Չկա: Ընդդիմություն չկա: Չկա, ցավոք սրտի: Թեժացում լինի կտեսնենք: Սպասենք:

- Իսկ Դուք ինչ-որ բան ինչո՞ւ չեք նախաձեռնում:

- Մենք սպասում ենք ժողովրդի ակտիվացմանը:

- Հոսանքի թանկացման հետ կապված խնդիրների շուրջ ժողովուրդը բավականին ակտիվացել է, բայց Դուք որևէ կերպ չեք արձագանքում, ինչու՞:

- Դա քաղաքացիական-հասարակական նախաձեռնություն է: Մենք կուսակցություն ենք: Մենք իշխանությանն ենք դեմ, ամբողջովին, ոչ թե՝ մասամբ:

- Փաստորեն սպասում եք, որ կուսակցությունները համախմբվեն, նոր Ձեր կուսակցությունը միանա նրանց:

- Այո, այո:

- Իսկ ԲՀԿ-ի հետ կհամագործակցե՞ք:

- Ոչ:

- Ինչու՞:

- Որովհետև ետ քաշվեցին: Երկու անգամ չի լինում նույն պատմությունը: Քաղաքական առումով ԲՀԿ-ն իրեն վարկաբեկեց:

- Բայց ԲՀԿ-ն հայտարարել է, որ ընդդիմություն է և այդ դաշտում է գործունեություն է ծավալում:

- Ի՞նչ ասեմ, ես այլևս վստահություն չունեմ:

ԱՐՄԻՆԵ ԳՐԻԳՈՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝