ԱԼԻԿ ԱՐԶՈՒՄԱՆՅԱՆԻ ՄԵՂԱՅԱԿԱՆԸ՝ ՕԵԿ-ԻՆ
Արխիվ 12-16
ԱԼԻԿ ԱՐԶՈՒՄԱՆՅԱՆԻ ՄԵՂԱՅԱԿԱՆԸ՝ ՕԵԿ-ԻՆ
«Իրավունքը» երեկ տեղեկացրել էր ԱԺ-ում պատգամավոր Ալեքսանդր Արզումանյանի եւ ՕԵԿ խմբակցության ղեկավար Հեղինե Բիշարյանի միջեւ տեղի ունեցած լեզվակռվի մասին: Պարզվում է` ՕԵԿ խմբակցության քարտուղար Մհեր Շահգելդյանը պարզաբանում է պահանջել Արզումանյանից: Հավանաբար, ՕԵԿ-ի տղամարդ պատգամավորները շատ խիստ են խոսել Արզումանյանի հետ, ով այսօր խորհրդարանում հորդորեց լրատվամիջոցներին ինտրիգներ չփնտրել: «Պետք չէ ինտրիգ փնտրել անտեղ, որտեղ չկա. մենք լավ հարաբերություններ ունենք, դա եղել է աշխատանքային միջադեպ: Որեւէ մեկին կխնդրեմ չմխրճվել մեր հարաբերությունների մեջ: Մենք ունենք շատ բարիդրացիական, ընկերական հարաբերություններ»,-հայտարարեց պատգամավորը:
Տեղեկացնենք, որ Արզումանյանի եւ Բիշարյանի միջեւ սա առաջին լեզվակռիվը չէ: Հարց է առաջանում` եթե ընդամենը աշխատանքային միջադեպ է եղել, ինչո՞ւ Արզումանյանը հարկ համարեց արդարանալ ԱԺ-ում: Հավանաբար, Արզումանյանին ՕԵԿ-ականները լավ «նեղն» են գցել: Տարօրինակն այն է, որ վերոնշյալ անձինք երեկ նիստերի դահլիճում ինչ ասես իրար ասեցին, այն էլ` ակներեւ, ինչը ֆիքսել են, ոչ միայն լրագրողների դիկտոֆոնները, այլեւ տեսախցիկները: Հիմա արածից փոշմանածի հոգեբանությամբ` ճիշտ հակառակ ելույթներ են ունենում: Ճիշտն ասած, թե՛ Արզումանյանի եւ թե՛ ՕԵկ-ի մասին վերջերս տիրում էր տեւական լռություն ու, հավանաբար, այդ կերպ հիշեցրին իրենց մասին, բայց շուտ էլ փոշմանեցին:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31377 դիտում
2
11191 դիտում
3
2914 դիտում
4
1661 դիտում
5
1499 դիտում
2
19372 դիտում
3
11380 դիտում
5
8094 դիտում
3
17693 դիտում
