ԱՐՄԵՆ ՄԱՐՈՒԹՅԱՆ. «ԱՄԵՐԻԿԱՀԱՅ ՀԱՆԴԻՍԱՏԵՍԸ «100 ՏԱՐԻ ԱՆՑ» ՆԵՐԿԱՅԱՑՈՒՄԻՑ ՀԵՏՈ ԼԱՑ ԷՐ ԼԻՆՈՒՄ»

ԱՐՄԵՆ ՄԱՐՈՒԹՅԱՆ. «ԱՄԵՐԻԿԱՀԱՅ ՀԱՆԴԻՍԱՏԵՍԸ «100 ՏԱՐԻ ԱՆՑ» ՆԵՐԿԱՅԱՑՈՒՄԻՑ ՀԵՏՈ ԼԱՑ ԷՐ ԼԻՆՈՒՄ»

Պերճ Զեյթունցյանի «100 տարի անց» պիեսի հիման վրա բեմադրությունը հաջողությամբ է ներկայացվել լոսանջելեսյան հանդիսատեսի համար, այդ մասին այսօր  «Ազդակ» լրագրողական ակումբում տեղեկացրեցին ներկայացման բեմադրիչ, թատրոնի գլխավոր ռեժիսոր ՏԻԳՐԱՆ ԳԱՍՊԱՐՅԱՆԸ եւ թատրոնի դերասան, ներկայացման գլխավոր դերակատարներից ԱՐՄԵՆ ՄԱՐՈՒԹՅԱՆԸ:

Տիգրան Գասպարյանի համար անսպասելի է եղել լոսանջելեսյան հանդիսատեսի ընդունելությունը. «Ներկայացումը կարծես Լոս Անջելեսում անցկացված Հայոց ցեղասպանության 100-րդ տարելիցին նվիրված երթի շարունակությունը լիներ»:

Իսկ Ա. Մարությանն էլ, ով ներկայացման մեջ կերտել է Ջեմալ Փաշայի թոռան կերպարը, հավելեց. ««100 տարի անց» ներկայացումն իրական փաստերի հիման վրա է գրել հեղինակը եւ ունի իր ասելիքը։ Այն շատ լավ ընկալեց ամերիկահայ հանդիսատեսը` ներկայացումից հետո լաց էր լինում։ Այնտեղի հայերը մոտենում էին մեզ եւ ասում, որ կարոտ են մնացել լուրջ արվեստին։ Ցավով եմ ասում` Ամերիկայում այնքան հայ կա, որքան Հայաստանում։ Արտագաղթն է պատճառը, որ մեր երկրում չունենք այդ հանդիսատեսը»: Ըստ դերասանի ներկայացումը նոր լուծում է առաջարկում, թե 100 տարի հետո ինչպես կարելի է շարունակել այս գործընթացը. «Դա շատ լավ ընկալեց Ամերիկայի հանդիսատեսը, նրանք այդ լուծման մեջ նորություն տեսան, թե ինչպես պետք է շարունակել, ինչպես պետք է պայքարել: Ներկայացման մեջ շատ կարևոր տեսարան կա, որտեղ Արտաշես Գևորգյանի թոռը` ում կերպարը մարմնավորում է Տիգրան ներսիսյանը, ինձ հարցնում է, թե ի՞նչ եք կարծում պարոն Ջեմալ, 2 թոռներ հաշտվեցի՞ն, Ջեմալը պատասխանում է՝ ոչ, չհաշտվեցին, պարզապես զրուցեցին, նա էլ ասում է, կարևոր է պարզապես զրուցելը, ուրեմն հասունացել է ժամանակը թուրքերի հետ պարզապես զրուցելու»:

Ներկայացումը հիմնված է իրական փաստերի վրա և ներկայացնում է , թե ինչպես են 1915թ. Ցեղասպանության կազմակերպիչներից մեկի` Ջեմալ փաշայի եւ հայ վրիժառու Արտաշես Գեւորգյանի թոռները` Ջեմալն ու Անդրանիկը, 100 տարի անց հանդիպում Երեւանում եւ խոսում 1915-ին կատարվածի մասին:

ԱՌԱՎԵԼ ՄԱՆՐԱՄԱՍՆ` ՏԵՍԱՆՅՈՒԹՈՒՄ.

ԼԻԼԻԹ ԵՂԻԱԶԱՐՅԱՆ

Հ.Գ. Նյութն ամբողջությամբ կարդացե՛ք նաեւ տպագիր «Իրավունքում»:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝