«ՄԻԱՅՆ ՓՈՂՈՎ ՈՒ ՄԱՍՆԱԳԻՏԱԿԱՆ ԿՐԹՈՒԹՅԱՄԲ ԵՐԳՉՈՒՀԻ ՉԵՆ ԴԱՌՆՈՒՄ»
Արխիվ 12-16
«ՄԻԱՅՆ ՓՈՂՈՎ ՈՒ ՄԱՍՆԱԳԻՏԱԿԱՆ ԿՐԹՈՒԹՅԱՄԲ ԵՐԳՉՈՒՀԻ ՉԵՆ ԴԱՌՆՈՒՄ»
Օրերս կկայանա երգչուհի ԱՆԵՏ ԱՂԱԲԵԿՅԱՆԻ «Շարունակում եմ» երգի տեսահոլովակի պրեմիերան: Երգչուհուն հայ հանդիսատեսը կմտաբերի «Հայաստանի ձայնը» նախագծից, որը սակայն , ի տարբերություն մրցակիցների, չհայտնվեց հաղթողների շարքում : «Իրավունքի» հետ զրույցում Անետն ասաց, որ այդ փաստն իրեն չի ընճել, ավելին. «Նախ հնարավորություն ունեցա շփվելու պրոֆեսիոնալ մարդկանց հետ, ամրապնդելու այն ինչ ունեի: Միաժամանակ հասկացա անչափ կարեւոր մի հանգամանք, եթե բնությունը քեզ տվել է շնորհ պիտի կատարելագործես այն` անդադար աշխատելով»:
Սկսնակ երգչուհին սնկի նման աճող ու անհետացող երգչուհիների շարքերին իրեն չի դասում. «Անկեղծ ասած այդ առումով վախ չունեմ, որովհետեւ միայն փողով ու մասնագիտական կրթությամբ երգչուհի չեն դառնում: Բավականին ժամանակ է զբաղվում եմ բեմական գործունեությամբ , թեկուզ փոքր , բայց ունեմ լսարան , ովքեր սիրում ու գնահատում են իմ կատարումները»,- անկեղծացավ երգչուհին ու հավելեց, որ հանրային դեմք դառնալու համար պատրաստ է ամեն ինչի. «Ուժեղ մարդ եմ ինձ համարում ու չեմ վախենում ոչ մի տեսակի ոճային փոփոխությունից: Երգչուհին իր էությամբ պետք է լինի արտիստ , միայն ձայնը բավական չէ, կերպարդ պիտի լինի ամբողջական , խենթացնող: Բայց, այդ ճանապարհին չեմ դավաճանի իմ մարդ տեսակին` չեմ վաճառվի»:
Խոսելով օրերս թողարկվող իր առաջին տեսահոլովակի մասին Անետը հավաստիացրեց. « իմ կարծիքով ուժեղ թիմ է աշխատել` երգի խոսքերի հեղինակը Վահրամ Պետրոսյանն է , երաժշտությունը` Ռիչարդ Մադլենյանինը , գործիքավորումը` «Karen Sevak Music» ընկերությունը: Իսկ տեսահոլովակի ռեժիսորն է Արեն Բայադյանը, ով լիարժեք վստահել եմ տեսահոլովակն ու նկարահանման ողջ ընթացքում հետեւել նրա խոսքին»:
Երգչուհին նույնպես փաստում է, որ մեր օրերում տեսահոլովակ նկարահանելը թանկ հաճույք է, սակայն սպասելիքներ ունի իր նոր տեսահոլովակից. «Իսկապես, մեծ գումարներ են ներդնում, հատկապես նորեկները, որոնք դեռ չունեն կայուն եկամուտ, գնում են այդ համարձակ քայլին ու շատ դեպքերում այն դառնում է իզուր: Հույս ունեմ` իմ տարբերակում այդպես չի լինի, որովհետեւ 7 ամիս թիմային աշխատանք է տարվել , որպեսզի ներկայանանք առավելագույնս լավ ու հավատում եմ` գումարներս հետ կբերեմ»:
ԼԻԼԻԹ ԵՂԻԱԶԱՐՅԱՆ
Բաժանորդագրվե՛ք https://t.me/iravunk
1
31339 դիտում
2
11120 դիտում
3
2844 դիտում
4
1715 դիտում
5
1617 դիտում
2
19332 դիտում
3
11374 դիտում
5
8094 դիտում
3
17693 դիտում
