Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով 22 տարի՝ անհայտության մեջ․ Վռուբելի գողացված կտավի առեղծվածը

«ԻՐԱՎԱՉԱ՞Փ Է ԷԼԵԿՏՐԱԷՆԵՐԳԻԱՅԻ ԹԱՆԿԱՑՈՒՄԸ»

Արխիվ 12-16

«ԻՐԱՎԱՉԱ՞Փ Է ԷԼԵԿՏՐԱԷՆԵՐԳԻԱՅԻ ԹԱՆԿԱՑՈՒՄԸ»

- Որքանո՞վ է իրավաչափ էլեկտրաէներգիայի թանկացումը:

-Ցանկացած ապրանքի գնի փոփոխությունն էլ կարող է լինել իրավաչափ: Սակայն երբ այն դիտում ես համալիր առումով, հաշվում ՀՀ քաղաքացու ամսական միջին եկամուտը եւ բաժանում նրա կոմունալ վճարների վրա` լույս, գազ, ջուր, աղբ, բնակարանի սպասարկման գումար, գույքահարկ եւ այլն, որի արդյունքում ՀՀ քաղաքացու ամսական եկամուտը գնում է կոմունալ ծառայությունների վրա, ոչ միայն իրավաչափ չի դառնում հոսանքի թանկացումը, այլ նաեւ օդում կախվում է պետության կողմից իր քաղաքացուն գումարային օգնություն տալու պարտադիր պայմանը` վճարելու համար իր մինիմալ կարիքները: Հակառակ պարագայում՝ Սահմանադրությունից պետք է հանել սոցիալական եզրույթը, կամ էլ մարդկանց առօրյայից հանել լույսն էլ, ջուրն էլ, փոխարենը հրամցնելով` աթար ու ճրագ վառելով տաքանալու եւ լուսավորվելու կուլտուրան:



ԻՍԿ Ո՞ՒՐ Է
ՆԱՅՈՒՄ ՊԵՏԱԿԱՆ ԼԻԱԶՈՐ ՄԱՐՄԻՆԸ

- Աշխատել եմ դպրոցի տնօրեն: Իմ հրամանով աշխատանքից ազատել եմ դպրոցի դասատուի, որը դատական կարգով վերականգնվեց աշխատանքի եւ ստացավ նաեւ հարկադիր պարապուրդի գումարը: Այժմ ինձնից պետական մարմինը ցանկանում է վնասի փոխհատուցում` հարկադիր պարապուրդի գումարի չափով: Ասեմ, որ դատական պաշտպանության ժամանակ տարբեր ատյանների վճիռները նույն գործով եղել են իրարամերժ:

-Իրավակիրառական պրակտիկայում, ինչպես նաեւ՝ դատական նախադեպային որոշումներով, վնասի հատուցման համար պարտադիր պայման է դիտվում իրավունքը խախտած անձի ոչ օրինաչափ վարքագծի, վնասների, վնասների ու ոչ օրինաչափ գործողությունների միջեւ պատճառահետեւանքային կապի եւ պարտապանի մեղքի միաժամանակյա առկայությունը: Նշված պայմաններից որեւէ մեկի բացակայության դեպքում վնասը ենթակա չէ հատուցման: Տվյալ դեպքում, կարծում եմ, բացակայում է դպրոցի տնօրենի ոչ իրավաչափ վարքագիծն այնքանով, որքանով վերջինս իր լիազորությունների սահմաններում է իր ենթակային ազատել աշխատանքից: Այլ խնդիր է, որ հետագայում նա դատական կարգով, ընդ որում փաստենք, որ մի դատական ինստիտուտը գտել է, որ տնօրենի հրամանն իրավաչափ է, մյուսը` ոչ իրավաչափ, վերականգնվել է աշխատանքում` սահմանվելով հարկադիր պարապուրդի գումար:
Հետաքրքիր է պետական լիազոր մարմնի տրամաբանությունը. փոխարենը սահմանելու համապատասխան հսկողություն՝ իր իսկ տնօրինության ենթադրյալ անօրինական հրամանին ընթացք տալու եւ վերացնելու ուղղությամբ, սպասում է այնքան, մինչեւ դատական ակտն օրինական ուժ է ստանում, որից հետո վնասի պահանջով դիմում է դատարան:

ԼԵՎՈՆ ՍՈԽԱԿԻ ԲԱՂԴԱՍԱՐՅԱՆ
«Լեւ գրուպ» փաստաբանական
գրասենյակի հիմնադիր
նախագահ

www.levgroup.am
Հարցեր կարող եք ուղարկել նաեւ
[email protected] հասցեով

Հավանեցի՞ր հոդվածը, կիսվիր ընկերներիդ հետ