Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

ԵՎՐՈՊԱԿԱՆ ԽԱՂԵՐԻ ՄԻՋՈՑՈՎ ԱՇԽԱՐՀԻՆ ՏՊԱՎՈՐԵԼՈՒ ԱԴՐԲԵՋԱՆԻ ՋԱՆՔԵՐԸ ՃԱՔԵՐ ԵՆ ՏՎԵԼ

Արխիվ 12-16

ԵՎՐՈՊԱԿԱՆ ԽԱՂԵՐԻ ՄԻՋՈՑՈՎ ԱՇԽԱՐՀԻՆ ՏՊԱՎՈՐԵԼՈՒ ԱԴՐԲԵՋԱՆԻ ՋԱՆՔԵՐԸ ՃԱՔԵՐ ԵՆ ՏՎԵԼ

Այն, որ Եվրոպական առաջին խաղերն իր հարկի տակ անցկացնելու Ադրբեջանի մեծ ցանկությունն ի սկզբանե բխել է բացառապես մարզական այս միջոցառումը քաղաքական դիվիդենտների վերածելու, երկրի, այսպես կոչված, իմիջը բարձրացնելու գաղափարից, նոր բան չէ: Դրա մասին է խոսում հենց այն փաստը, որ Ադրբեջանը Եվրոպական խաղերի ցուցադրական շնորհանդես էր կազմակերպել Հռոմում, Փարիզում, Բրյուսելում, Մոսկվայում, Բուդապեշտում, Վարշավայում՝ գովազդային այդ մեծ արշավի վրա գումարներ չխնայելով:

 

Դե իսկ այն փաստը, որ խաղերի կազմկոմիտեի նախագահն է Ալիեւի կինը՝ Մեհրիբան Ալիեւան, ընդգծում է, որ Ադրբեջանից էլ առաջ, ցանկություն կա Ալիեւի անձի մեծարումն ապահովել: Եվ իրոք՝ սեփական անձի մեծարման համար Ալիեւը փող չի խնայել: Համենայնդեպս՝ ըստ որոշակի տեղեկությունների, Եվրոպական խաղերի կազմակերպման համար Բաքուն ծախսել է մոտ 8 միլիարդ դոլար: Արդյունքում՝ խաղերին մասնակցելու են 50 երկրների մոտ 6 հազար մարզիկներ: Ամենամեծը լինելու է Ռուսաստանի պատվիրակությունը՝ 367 մարզիկ, Ադրբեջանը ներկայացնելու են 287, Իտալիան՝ 261, Ֆրանսիան՝ 242, Գերմանիան՝ 236 մարզիկներ:
Բայց ահա սպասվող էֆեկտը կարծես չի լինելու: Այսպես օրինակ Գերմանիայի կանցլեր Անգելա Մերկելը հրաժարվել է ներկա լինել Բաքվում կայանալիք առաջին Եվրոպական մարզական խաղերի բացման հանդիսավոր արարողությանը. «Անգելա Մերկելը չի մեկնի Բաքու: Ներքին գործերի նախարար Թոմաս դե Մեզյերը, ով վերահսկում է սպորտը, նույնպես հրաժարվել է Ադրբեջանի մայրաքաղաք մեկնելուց: Գերմանիայի նախագահ Յոահիմ Գաուկը եւս հունիսի 12-ին լինելու է Բեռլինում»,- գրում է գերմանական Tagesspiegel-ը: Բայց ամենաուշագրավն այն բացատրությունն է, որը Tagesspiegel-ը տեսել է Գերմանիայի բարձրաստիճան պաշտոնյաների Բաքու չմեկնելու հիմքում. պատճառն Ադրբեջանում քաղբանտարկյալների առկայությունն է: Հունաստանի նախագահ Պրոկոպիս Պավլոպուլոսը նույնպես հրաժարվել է մեկնել Բաքու. Հունաստանի կառավարությունը որոշել է, որ երկիրը կներկայացվի սպորտի փոխնախարար Ստավրոս Կոնտոնիսի մակարդակով:
Մի խոսքով՝ ամեն բան այնքան էլ հարթ չի ընթանում, ինչպես նախատեսվել էր: Առավել եւս, որ Բաքու մեկնելուց հրաժարվող «առաջին դեմքերի» ցանկը դեռ միայն աճում է:
Հիշեցնենք, որ Եվրոպական խաղերը կանցկացվեն հունիսի 12-28-ը: Հայաստանի պատվիրակությունը մրցահարթակ կմեկնի 25 մարզիկներով, որոնք ուժերը կչափեն 6 մարզաձեւերում՝ ըմբշամարտ, սամբո, թեքվանդո, ձյուդո, բռնցքամարտ եւ հրաձգություն:

 


ՔՐԻՍՏԻՆԵ ՊԵՏՐՈՍՅԱՆ

 

Հավանեցի՞ր հոդվածը, կիսվիր ընկերներիդ հետ