ԻՆՉՈ՞Ւ Է ԻՇԽԱՆ ԶԱՔԱՐՅԱՆԸ ԽՈՒՍԱՓՈՒՄ ԱԺ-ԻՑ

ԻՆՉՈ՞Ւ Է ԻՇԽԱՆ ԶԱՔԱՐՅԱՆԸ ԽՈՒՍԱՓՈՒՄ ԱԺ-ԻՑ

Այսօր խորհրդարանում ՎՊ խորհրդի անդամ Սեյրան Ավագյանը  ներկայացրեց ՎՊ նախորդ տարվա  եզրակացությունը: Բնականաբար, կրկին հարց հնչեցվեց ՎՊ նախագահ Իշխան Զաքարյանի բացակայության մասին` հղում անելով ԱԺ կանոնակարգի 89-րդ հոդվածը:  Ի՞նչ է պատահել, Իշխան Զաքարյանին, ինչո՞ւ նա խորհրդարանում  չէ:

Հարցին պատասխանեց ՀՀ ԱԺ նախագահ Գալուստ Սահակյանը, ում պարզաբանմամբ` սա այն դեպքը չէ, որ Իշխան Զաքարյանը ներկա լինի խորհրդարանում. խոսքը ՎՊ-ի եզրակացության, ոչ թե հաշվետվության մասին է:

ԱԺ նախագահի խոսքով` Իշխան Զաքարյանը քաղաքում է: «Նրա հետ ես երեկ  խորհրդակցել եմ, բայց  ՎՊ-ը`որպես անկախ  կառույց, հարմար է  գտել,որ Սեյրան Ավագյանը ներկայացնի ՎՊ  եզրակացությունն  ԱԺ-ում»,- եզրափակեց ԱԺ նախագահը:

Հ.Գ. Փաստորեն, Իշխան Զաքարյանը նախընտրում է մասնակցել համահայկական խաղերի կոմիտեին առնչվող մամլո ասուլիսներին, միջոցառումներին, կառավարության նիստերին, իսկ օրենսդիր մարմինը նրա համար դարձել է երկրորդական-երրորդական մի    կառույց: Գոհ պետք է  լինենք, որ Սեյրան Ավագյանի` ՎՊ խորհրդի անդամի  փոխարեն Իշխան Զաքարյանը դռնապանին չի ուղարկում խորհրդարան:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝