Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

«ՄԻԱՆՇԱՆԱԿ, ՀՐԴԵՀԻ ՊԱՏՃԱՌԸ «ՌԵԴՈՒԿՏՈՐԻ» ԿՈՏՐՎԵԼՆ Է»

Արխիվ 12-16

«ՄԻԱՆՇԱՆԱԿ, ՀՐԴԵՀԻ ՊԱՏՃԱՌԸ «ՌԵԴՈՒԿՏՈՐԻ» ԿՈՏՐՎԵԼՆ Է»

Հունիսի 6-ին Տաշիր-Ստեփանավան ավտոճանապարհին տեղի ունեցած վթարի պատճառով յոթ երիտասարդների զոհվելու փաստը մեծ ցնցում դարձավ ողջ հանրապետության համար: Ի՞նչը կարող էր նման ողբերգությամբ ավարտված վթարի պատճառը դառնալ: Եվրոպական դատական փորձաքննության ինստիտուտի կովկասյան տարածաշրջանի ղեկավար ՆԻԿՈԼԱՅ ԲԱՂԴԱՍԱՐՅԱՆԸ մեկնաբանելով հարցը` նկատեց.

 

Դժվար է այս պահին ստույգ ինչ-որ եզրակացություն տալ: Մեր փորձագետները դեռ աշխատում են այդ ուղղությամբ: Բայց նախնական կարելի ասել, որ ամենահավանական վարկածն այն է, որ հրդեհը առաջացել է ավտոմեքենայի դիմացի մասում գտնվող գազի «ռեդուկտորի» վնասման հետեւանքով: Այդ սարքի միջոցով կարգավորվում է գազի ճնշումը, եւ այն ուղարկվում է շարժիչին: Սարքի կոտրվելու դեպքում գազը դուրս գալով` հպվում է կրակ առաջացնող որեւէ բանի, եւ առաջանում է հրդեհ: Նման մակնիշի մեքենաների վրա սովորաբար տեղադրվում են իտալական գազի բալոններ, որը չի կարող պայթել: Միանշանակ հրդեհի պատճառը «ռեդուկտորի» կոտրվելն է:  Հավանաբար, բախման պահին մեքենայի դռները ավտոմատ փակվել են, այդ պատճառով երիտասարդները չեն կարողացել կամ չեն հասցրել դուրս գալ եւ փրկվել:
Կա նաեւ մեկ այլ` քիչ հավանական վարկած, որ տվյալ վթարի պարագայում գործ ունենք վարորդի սխալ գործողության հետ: Ինչպես հայտնի է, դեպքի վայրում՝ մեքենայի անիվների մոտ հայտնաբերել են սատկած փորսուղ, ինչն էլ նման ենթադրությունների պատճառ է դարձել: Հայտնի չէ՝ վարորդը փորձե՞լ է շրջանցել մեքենայի դիմաց հայտնված կենդանուն, թե կենդանուն բախվելով՝ մեքենայի ընթացքը թեքվել է, եւ ողբերգական ավարտ եղել: Մեքենան միաժամանակ ե՛ւ գազով լիցքավորվող է եղել, ե՛ւ բենզինով, եւ ենթադրություն կա, որ դա եւս նպաստել է, որ կայծակնային բռնկում լինի: Ամեն դեպքում, չեմ կարծում, որ ի վերջո կկարողանան պարզել վթարի պատճառը, քանի որ մեզ մոտ համապատասխան մասնագետներ չկան:
Բայց որպեսզի հստակ եւ վերջնական ասվի, թե ինչի հետեւանքով է վթարը առաջացել, պետք է հետազոտվի կոնկրետ տրանսպորտային միջոցը` պարզելու համար, թե արդյոք գազի տեղադրումը եւ մնացած սարքավորումների տեղադրումը եղե՞լ է օրենքով սահմանված կարգով, թե` ոչ: Սակայն, հարցն այն է, որ Հայաստանի Հանրապետությունը այդ միջազգային ստանդարտներին չի միացել: Այսինքն, եթե մենք անգամ հետազոտություն անենք եւ պարզենք, որ մեքենայի սարքավորումները կամ տեղադրումը միջազգային ստանդարտներին չեն համապատասխանել, ապա միեւնույնն է՝ որեւէ մեկը քրեական պատասխանատվության չի ենթարկվի:
- Հնարավո՞ր է, որ մեքենան արագ է երթեւեկել, որն էլ վթարի  պատճառ դարձել:
- Միանշանակ ոչինչ ասել չեմ կարող: Տարածքում կարծես տեսախցիկներ չկան, բայց քննության արդյունքում հնարավոր է պարզել դա: Այդ մեքենան, ամենայն հավանականությամբ, կունենա հատուկ «չիպ», որը սեւ արկղի պես մի բան է, որի միջոցով կվերծանեն մեքենայի երթեւեկման արագությունը:
Ավտովարորդների պաշտպանության «Աքիլլես» ՀԿ-ի նախագահ ԷԴՈՒԱՐԴ ՀՈՎՀԱՆՆԻՍՅԱՆՆ էլ վթարի պատճառը դժվարացավ մեկնաբանել` նշելով.
- Վթարի պատճառը պարզելու համար պետք է ուսումնասիրվի տեղանքը: Այս պահին մի բան է ակնհայտ` երիտասարդները վառվել են: Ըստ երեւույթին գազի բալոնը եղել է մետաղապլաստ, որոնք պայթունավտանգ չեն, սակայն ինչ-ինչ պատճառներով գազի խողովակը պատռվել է, գազի դուրս գալու հետեւանքով կայծ է առաջացել, որն էլ հասցրել է պայթյունի:
ԻԼՈՆԱ ԱԶԱՐՅԱՆ

 

Հավանեցի՞ր հոդվածը, կիսվիր ընկերներիդ հետ