Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

Ի՞նչն է խանգարում, որպեսզի գազալցականները կառուցվեն շինություններից բավարար հեռավորության վրա

Արխիվ 12-16

Ի՞նչն է խանգարում, որպեսզի

գազալցականները կառուցվեն

շինություններից բավարար հեռավորության վրա

Հասկանալի պատճառներով վերջերս բենզալցակայանների անվտանգ շահագործման խնդիրը քննարկման նոր թափ ստացավ: Գաղտնիք չէ, որ Հայաստանում գործող բենզալցակայանների կեսից ավելին կառուցված է անվտանգության նորմերի խախտումներով: Թեև բենզալցակայանները պետք է գտնվեն բնակելի շենքերից 25-50 մետր հեռավորության վրա, դրանց մեծ մասի պահեստարաններն ուղղակի տեղակայված են բազմաբնակարան շենքերի հիմքերի մոտ կամ գտնվում են հենց ճանապարհների վրա: Բնակիչները բազմիցս բարձրաձայնել են իրենց բակերում խաղահրապարակների կողքին բենզալցակայանների կառուցման խնդրի մասին, փորձել են և փորձում են տարբեր միջոցներով բողոքել և այդ «ականների» դեմն առնել, սակայն դրանք շարունակում են շահագործվել` առանց անվտանգության ապահովման: Կարգավորող մարմինների պատասխանը ստանդարտ է` տարածքները հատկացված են օրենքով սահմանված կարգով և բենզալցակայանների շահագործումն իրականացվում է անվտանգության տեխնիկական նորմերի պահպանմամբ: Իսկ եթե ոչ` ապա պետական կառույցները բավարարվում են տուգանքով: Մինչ օրս, կարծես թե, ապամոնտաժված լցակայանի մասին չենք լսել ու երևի թե չենք էլ լսի:
Մեզ ուղղած նամակներում բազմաթիվ քաղաքացիներ կիսվում են իրենց մտահոգությամբ և ակնկալում խնդրին ավելի աչալուրջ մոտեցում և վերահսկում. «… Հասկանալի է, որ բենզալցակայաններն անհրաժեշտություն են, բայց ինչն է խանգարում, որպեսզի դրանք կառուցվեն շինություններից բավարար հեռավորության վրա` նվազագույնին հասցնելով որևէ դժբախտ պատահարի հետևանքով մի ամբողջ շենքի, թաղամասի հոդս ցնդելու վտանգը: Միթե այդքան դժվար է, որպեսզի դրանց համար տարածքները, ինչպես այլ երկրներում, որտեղ մարդկային կյանքը թանկ է, հատկացվեն անվտանգության տեխնիկական նորմերի պահպանմամբ: Իսկ վտանգը կանխելու համար ընդամենը պետք է բենզալցակայանները տեղափոխել բնակեցված տարածքներից բավարար հեռավորության վրա: Գտնվելով սեյսմիկ գոտում` արդյոք մենք իրավունք ունենք անտեսել և նման անտարբերությամբ մոտենալ այս խնդրին: Ակնկալում ենք, որ իշխանություններն անմիջական մասնակցություն կցուցաբերեն վերոհիշյալ խնդրի լուծմանը` առաջնորդվելով ժողովրդի գերակա շահով և օրինական պահանջով… »:
Նամակում ասվածին հավելենք, որ երբ խոսքը վերաբերում է մարդկային կյանքին և անվտանգությանը, պաշտոններ և արտոնյալներ «խաղացնելը» անթույլատրելի է:

Անի Ստեփանյան

http://armlur.am/368688/

Հավանեցի՞ր հոդվածը, կիսվիր ընկերներիդ հետ