ՑԱՎՈՔ, ՈՎՔԵՐ ՏԵՍՆՈՒՄ ԵՆ ԹԵԺՈՒԹՅՈՒՆ, ԼՈՒԾՈՒՄՆԵՐԻ ԱՌԱՋԱՐԿԻ ՄԵՋ ԹԵՐԱՆՈՒՄ ԵՆ. Գ. ԻՍԱԳՈՒԼՅԱՆ

ՑԱՎՈՔ, ՈՎՔԵՐ ՏԵՍՆՈՒՄ ԵՆ ԹԵԺՈՒԹՅՈՒՆ, ԼՈՒԾՈՒՄՆԵՐԻ ԱՌԱՋԱՐԿԻ ՄԵՋ ԹԵՐԱՆՈՒՄ ԵՆ. Գ. ԻՍԱԳՈՒԼՅԱՆ

«Իրավունք»-ը «Ազգային անվտանգություն» կուսակցության նախագահ Գառնիկ Իսագուլյանից խնդրեց իր կարծիքը հայտնել վերջին շրջանում ձևավորված նոր կուսակցությունների մասին և իրենց կուսակցության առաջիկա նախաձեռնությունների մասին:

- Պարոն Իսագուլյան բոլորովին վերջերս Դուք փորձում էին քաղաքական գործիչներին համախմբել, հիմա էլ փորձում եք փորձագետներին համախմբել:

- Փորձագետները մի քանի տարի է աշխատում են, ինչ վերաբերում է ընդդիմությանը միավորելուն, ապա ես եմ փորձել միանալ միավորվողներին, իսկ երբ մենք սկսենք միավորել, ես վստահ եմ, որ ամեն ինչ բոլորովին այլ կինի:

- Ում միավորեք ընդդիմությա՞նը, իսկ մենք դեռ ընդդիմություն ունե՞նք:

- «Ազգային անվտանգություն» կուսակցությունը սեպտեմբերից հանդես է գալու հստակ առաջարկությամբ և հայտարարությամբ: Սկսելու ենք միավորման գործընթաց, շատ հստակ ծրագրով:

- Ձեր կողքին ո՞ր կուսակցություններին եք տեսնում:

- Հավատացեք, որ և՛ իշխանությունների մեջ, և՛ ընդդիմության մեջ հրաշալի գործընկերներ ունեմ, այնտեղից էլ, մյուս տեղից էլ եթե մասնակցեն մեր ծրագերին լավ կլինի:

- Փաստորեն ինչպես միշտ աշունը թե՞ժ է լինելու:

- Ես գտնում եմ, որ միշտ էլ թեժ է եղել, ուղղակի իրավիճակը դրական և ջերմացնող բոցի հանգեցնելու համար ոչ մեկը համարձակություն չի ունեցել մինչև վերջ տանելու համար: Բոլոր նրան, ովքեր նոր նախաձեռնություներ ունեն, հաջողություն եմ մաղթում, բայց այն ճանապարհը, որը կընտրենք մենք դա կլինի պետականամետ: Ինչ վերաբերում է այլ քաղաքական ուժերին, ես որևէ մեկի հանդեպ թշնամական վերաբերմունք չունեմ:

- Իսկ կմիանա՞ք այլ կուսակցութքյունների նախաձեռնություններին:

- Եթե այլ կուսակցությունների նախաձեռնությունների հետ համընկնեն մեր գաղափարները, կփորձենք իրենց հետ բանակցել, երկխոսել և համատեղ հանդես գալ:

- Ո՞ր կուսակցություններին եք Ձեր կողքին պատկերացնում:

- Ես չեմ կարող ասել: Ես ամբիցիոզ մարդ չեմ և ե՛ս եմ պատրաստ ցանկացածի կողքը կանգնել, բայց ցավոք սրտի շատ-շատերն այսօր ներքին վախ ունեն, իրենց առաջնորդությունը տեսնելու մարմաջը կուրացնում է շուրջը նայելու համար: Ես նման խնդիրներով չեմ տառապում: Լինելով բարձրաստիճան պետական պաշտոնյա, ինձ շատ-շատերը ինձ խորհուրդ էին տալիս, թե զանգերի մի պատասխանի, շարքային քաղաքացիների հետ մի հանդիպի, ընկերներիցդ սկսի հեռանալ, ես երբեք նման կարգավիճակում չեմ եղել:

- Մի խոսքով, աշունն իսկապես թեժ լինելու...

- Քանի դեռ Հայաստանի առջև ծառացած են ծանր խնդիրներ, կայնքը թեժ է լինելու: Ցավոք սրտի նրանք, ովքեր այդ թեժությունը տեսնում են լուծումների առաջարկի մեջ թերանում են: Մենք կաշխատենք առաջարկել այնպիսի լուծումներ, որ բոլորի համար ընդունել լինի:

ԱՐՄԻՆԵ ԳՐԻԳՈՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝