Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

ԹԱՆԳԱՐԱՆՆԵՐԻ ՄԱՍԻՆ ՕՐԵՆՔԸ ԴՐԱԿԱՆ ԿԱԶԴԻ ԹԱՆԳԱՐԱՆՆԵՐԻ ԳՈՐԾՈՒՆԵՈՒԹՅԱՆ ՎՐԱ

Արխիվ 12-16

ԹԱՆԳԱՐԱՆՆԵՐԻ ՄԱՍԻՆ ՕՐԵՆՔԸ ԴՐԱԿԱՆ ԿԱԶԴԻ ԹԱՆԳԱՐԱՆՆԵՐԻ
ԳՈՐԾՈՒՆԵՈՒԹՅԱՆ ՎՐԱ

ՀՀ կառավարությունը հավանության է արժանացրել «Թանգարանների եւ թանգարանային գործի մասին» օրենքը, որն ուղարկվել է Ազգային ժողով: Համապատասխան օրենք չի եղել, սակայն թանգարաններն ու թանգարանային գործը մինչ այսօր շարունակում են կարգավորվել որոշակի ընթացակարգերով եւ իրավակարգերով: Օրենքի բացակայությունը նախկինում առաջացրել էր մի շարք թանգարանների ներկայացուցիչների դժգոհությունը: Նրանց խոսքով` թանգարանները եւ թանգարանային գործը Հայաստանում ավելի կզարգանար եւ արդյունավետ կլիներ, եթե գործեր համապատասխան օրենք:
Այսօր արդեն թանգարանների մասին օրենքի նախագիծը դրական արձագանք է գտել գրեթե բոլոր թանգարաններում: Իսկ թե ի՞նչ կտա օրենքը` «Իրավունքը» փորձեց պարզել որոշ թանգարանների տնօրեններից:



«ՊԵՏՔ Է ՕՐԵՆՔԸ ԼԻՆԻ ԵՎ ԳՈՐԾԻ ՃՇԳՐՏՈՐԵՆ»

Եղիշե Չարենցի տուն-թանգարանի տնօրեն ԼԻԼԻԹ ՀԱԿՈԲՅԱՆ.
-Ցանկացած ոլորտ պետք է իր օրենքն ունենա, եւ ամեն ինչ օրենքով ամրագրված եւ ապահովագրված լինի: Առաջին հերթին` պետք է դրվի թանգարանի ապահովագրության խնդիրը, ինչպես կարող է մշակույթը, թանգարանը օրենքներ չունենալ: Առայժմ ծանոթ չեմ եւ պետք է ծանոթանամ «Թանգարանների եւ թանգարանային գործի մասին» օրենքին: Ժամանակին ծանոթացել ենք, որոշակի կետեր ենք մշակել, ինքս էլ եմ աշխատել օրենքի վրա, բայց կոնկրետ այս օրենքին ծանոթ չեմ: Միանշանակ նման օրենք մեզ անհրաժեշտ է, եւ, բնականաբար, սա դրական քայլ է: Պետք է օրենքը լինի եւ գործի ճշգրտորեն, սա շատ կարեւոր է:

«ԵԹԵ ԼԻՆԵՐ ԱՅԴ ՕՐԵՆՔԸ, ՄԵՆՔ ԱՎԵԼԻ ԲԱՐՎՈՔ
ՎԻՃԱԿՈՒՄ ԿԼԻՆԵԻՆՔ»

Դերենիկ Դեմիրճյանի տուն-թանգարանի վարիչ ԿԱՐԻՆԵ ՌԱՖԱՅԵԼՅԱՆ.
-Ցանկացած ոլորտ, եթե օրենքով կարգավորվում է, եւ եթե օրենքը գրագետ է գրված, որին չեմ կասկածում թանգարանների մասին օրենքի դեպքում, ապա տվյալ ոլորտը զերծ է մնում մի շարք խնդիրներից: Կոնկրետ այս օրենքը թանգարանների վրա կունենա դրական ազդեցություն, հակառակ դեպքում այն չէր մշակվի: Յուրաքանչյուր թանգարան ունի իր խնդիրները, օրինակ` ժամանակին, եթե օրենքով կարգավորվեր որոշ հարցեր, որոնք այսօր փորձում են կարգավորել, ապա անպատիժ չէին մնա մեր անբարեխիղճ հարեւանները, որոնց պատճառով մեր թանգարանում տեղի ունեցավ «ջրհեղեղ»: Իմ կարծիքով, եթե  2007 թվականին լիներ այդ օրենքը, մենք այսօր ավելի բարվոք վիճակում կլինեինք: Թանգարանի վերանորոգումն էլ կիրականացնեին հարեւանները:

ՕՐԵՆՔԸ ԴՐԱԿԱՆ ԿԱԶԴԻ

Երվանդ Քոչարի տուն-թանգարանի տնօրեն ԼԱԼԱ ՔՈՉԱՐԸ նշեց, որ դեռեւս ծանոթ չէ օրենքի կետերին, բայց կարծում է, որ օրենքի ընդունումը եւ այն կիրառելը դրական ազդեցություն կունենա թանգարանների եւ դրանց գործունեության վրա:
Ներկայացրեց ԶՎԱՐԹ ԽԱՉԱՏՐՅԱՆԸ

Հավանեցի՞ր հոդվածը, կիսվիր ընկերներիդ հետ