Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

ՀԱՅ-ՉԵԽԱԿԱՆ ՏՆՏԵՍԱԿԱՆ ԳՈՐԾԱԿՑՈՒԹՅԱՆ ՀԱՄԱՐ ՆՈՐ ՀՆԱՐԱՎՈՐՈՒԹՅՈՒՆՆԵՐ ԵՆ ԲԱՑՎՈՒՄ

Արխիվ 12-16

ՀԱՅ-ՉԵԽԱԿԱՆ ՏՆՏԵՍԱԿԱՆ ԳՈՐԾԱԿՑՈՒԹՅԱՆ ՀԱՄԱՐ ՆՈՐ
ՀՆԱՐԱՎՈՐՈՒԹՅՈՒՆՆԵՐ ԵՆ ԲԱՑՎՈՒՄ

Հայ-չեխական տնտեսական հարաբերությունների մակարդակն այսօր բարձր չէ: Սակայն դրա հնարավորությունները մեծանում են` երկու երկրների միջեւ քաղաքական երկխոսության ակտիվացման ֆոնին, հատկապես, որ տնտեսական համագործակցության ոլորտում երկուստեք հետաքրքրություններն առկա են:

Պատահական չէ, որ այս օրերին պաշտոնական այցով Չեխիայում գտնվող Հայաստանի վարչապետի գլխավորած պատվիրակության քննարկած առանցքային խնդիրներից մեկը տնտեսական ոլորտում հայ-չեխական համագործակցության ակտիվացումն է: Որպես դրա առաջին քայլ` դիտարկվում է այցի շրջանակներում կազմակերպված բիզնես համաժողովը, որին մասնակցում են Հայաստանից ժամանած շուրջ 50 գործարարներ:
Դատելով Հայաստանի եւ Չեխիայի վարչապետների հայտարարություններից` երկու երկրները հակված են խորացնելու եւ զարգացնելու տնտեսական հարաբերությունների մակարդակը: Ավելին, Չեխիայի վարչապետի խոսքով, իր երկիրը Հայաստանը դիտարկում է որպես կարեւոր գործընկեր Հարավկովկասյան տարածաշրջանում:
Հայաստանը եւս շահագրգռված է Չեխիայի հետ տնտեսական հարաբերությունների զարգացման գործում: Առավելեւս, որ այն նոր հնարավորություն է բացում ինչպես հայկական ապրանքների իրացման շուկաների ընդլայնման, այնպես էլ տնտեսական համատեղ ծրագրերի իրականացման համար:
Հայ-չեխական առեւտրատնտեսական հարաբերությունները վերջին տարիներին անշուշտ ակտիվ չեն եղել: Դրան խանգարել են ինչպես քաղաքական, այնպես էլ տնտեսական ոլորտում առկա խնդիրները: Սակայն վերջին շրջանի բարձր մակարդակի ակտիվ շփումները վկայում են, որ խոչընդոտներն այլեւս անցյալում են եւ ձեւավորված հարաբերությունները միանգամայն բավարար են` քաղաքական շփումները նաեւ տնտեսական գործակցության ակտիվացման ոլորտ տեղափոխելու համար: Ինչպես Հայաստանի, այնպես էլ Չեխիայի վարչապետները երկու երկրների միջեւ տնտեսական հարաբերությունների խորացման լուրջ ներուժ են տեսնում: Հատկապես կարեւորվում են տնտեսության այնպիսի ոլորտներ, ինչպիսին են բարձր տեխնոլոգիաները, գյուղատնտեսությունը, էներգետիկան, առողջապահությունը, տրանսպորտը, զբոսաշրջությունը եւ այլն:
Համագործակցության հնարավորությունները բավական լայն են, թեեւ մինչեւ այժմ հայ-չեխական տնտեսական հարաբերությունները դրսեւորվել են հիմնականում որոշ ապրանքների արտահանում-ներմուծումով: Իհարկե, առավել ակտիվ է եղել չեխական ապրանքների հոսքը հայկական շուկա: Այս երկրից ներմուծվել են ինչպես մեքենասարքավորումներ, այնպես էլ կենցաղային ապրանքներ: Անցած տարի Չեխիայից Հայաստան է բերվել շուրջ 4,5 մլն դոլարի համակարգչային տեխնիկա:
Չեխական շուկայում հայկական ապրանքների արտահանման ակտիվությունը բարձր չէ, սակայն առանձին տարիներին դրսեւորված միտումները վկայում են, որ այդպիսի հնարավորությունը միանշանակ առկա է: Դա նկատելի է հատկապես վերամշակող արդյունաբերության, մասնավորապես պահածոների, մրգահյութերի արտադրության ոլորտում: 2013թ. Հայաստանը չեխական շուկա է արտահանել ավելի քան 7 մլն դոլարի, այսպես կոչված, թռչող այլ ապրանքներ: Չեխիան կարող է լավ շուկա լինել նաեւ հայկական սպիրտային խմիչքների իրացման համար: Մնում է առկա հնարավորությունները վերածել գործնական հարաբերությունների: Դրա առաջին քայլը կարելի է ասել` արված է` գործարար շփումների մեկնարկով:
Վ. ՔՈՉԱՐՅԱՆ

Հավանեցի՞ր հոդվածը, կիսվիր ընկերներիդ հետ