Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

Զարմանք

Արխիվ 12-16

Ժամանակին «հարգելի ռադիոլսողները» օր ու դադար չունեին ԱՐՇԱԿ ՍԱԴՈՅԱՆԻ էմոցիոնալ եւ կռվարար ելույթներից: Հիմա էլ, կարծես թե, «հարգելի ռադիոլսողի» պարապ ականջների հույժ դեֆիցիտի պայմաններում նա զարմանալիորեն որոշել է այդ պակասը լրացնել Հանրային խորհրդի հաշվին: Եվ ահա վերջին  նիստը, որ վերաբերում էր ցորենի ալյուրի` կասկածելի հավելումներով «հարստացնելու», իսկ ավելի ճիշտ` հարամելու ծրագրին, զարմանալի շրջադարձ ունեցավ: Ոչ, զարմանալին այն չէ, որ այդտեղ հերթական միջադեպն ու կռիվ-ղալմաղալը եղավ, այլ զարմանալին Սադոյանի կեցվածքն էր: Վաղուց թոշակի ենթակա այդ մարդն անընդհատ միջամտում էր, պաշտպանելով ծրագիրը, բայց վերջում պարզվեց, որ նա չգիտեր, որ հավելանյութերն ավելացնելու են ալյուրին, այլ ոչ թե լավաշի մեջ: Դե ինչ, շնորհավորենք պարոն Սադոյանի զարմանալի սադոյանամազոխիզմը` նա պաշտպանեց մի բան, որի մասին, մեղմ ասած, շատ մակերեսային պատկերացումներ ունի:


Զարմանալիորեն պարզվում է, որ ՎԱՐԴԳԵՍ ԳԱՍՊԱՐԻԻՆ նույնիսկ ոստիկանությունը չի ուզում տանել: ՀՀ նախագահի նստավայրի մոտ հերթական հակաբանակային ակցիայից հետո ոստիկանները բերման ենթարկելու նպատակով մեքենայի մեջ նստեցրին Գասպարիին ու եւս մեկ ակտիվիստի` Արայիկ Պետրոսյանին, սակայն Արաբկիրի ոստիկանատուն չհասած` Գասպարիին իջեցրին մեքենայից եւ ուղարկեցին հանրահայտ ռուսական հասցեով: Երեւի թե, զարմանալիորեն, ոստիկաններն այնքան են հոգնել Գասպարիից, որ էլ ոչ մի քննիչ կամ ոչ մի ոստիկանապետ նրա սֆաթն անգամ տեսնել չի ուզում: Դե, եթե որոշ տաքսիստներ անգամ այս կամ այն փողոցում «պառկած ոստիկան» կոչվող արագությունը սահմանափակող ուռուցիկ հատվածները սկսել են անվանել «Վարդգես Գասպարի», ապա ոստիկանների զահլահանությունը լրիվ հասկանալի է դառնում:
Ժամանակին մենք եկել էինք եզրակացության, որ «Խոսքի ազատության պաշտպանության կոմիտե» ՀԿ ղեկավար ԱՇՈՏ ՄԵԼԻՔՅԱՆԸ համասեռամոլների պաշտպանության սեւ ցուցակի 62-րդ տեղի սահմանագծին է: Սակայն զարմանքով «Առավոտ» թերթի կայքէջում հայտնաբերեցինք, որ նա այդ սահմանագիծը հաջողացրել է անցնել. «Թերթն, այնուամենայնիվ խախտել է օրենքն ու հոդվածներում վիրավորանքի ակնհայտ դրսեւորում կա: Խոսքի ազատությունը դա անկաշկանդ մտքերի եւ տեղեկությունների տարածելու իրավունքն է, սակայն ողջամիտ սահմանափակումներով: Շատ ժամանակ խոսքի ազատությունն ամենաթողությամբ ու սանձարձակությամբ է շփոթվում, եւ դրանով իսկ հենց խոսքի ազատությանն է վնաս հասցվում, սակայն սանձարձակությունն ամենեւին էլ չի կարող ազատության դրսեւորում լինել»: Դե ինչ, 62-րդ տեղը լրացված է, սակայն զարմանալիորեն «Առավոտում» հրապարակված եւ մեր դեմ ուղղված հսկայական «լավաշ» ագրեսիվ նյութում գենդերաստների այնպիսի մեծ կոդլ էր ընդգրկված, որ թվաբանությունը կթողնենք ավելի ուշ, որպեսզի հանկարծ չսխալվենք: Ինչեւէ, զարմանալով հանդերձ, մնում է խորհուրդ տալ տարատեսակ արամաբրահամյաններին, որ ավելի նպատակահարմար է այդպիսի նյութերով ոչ թէ մխտռել համացանցը, այլ դրանք միանգամից տպագրել զուգարանի թղթի վրա:
Այնուամենայնիվ, եզրափակենք թեեւ զարմանալի, բայց հույժ դրական լուրով: Երբ ԿԱՌԱՎԱՐՈՒԹՅՈՒՆԸ հաստատում էր «Պետական կենսաթոշակների մասին» Հայաստանի Հանրապետության օրենքում լրացում կատարելու մասին» Հայաստանի Հանրապետության օրենքի նախագիծը, պարզվեց շատ հաճելի բան` Վերոնշյալ փոփոխությունը սահմանում է, որ առաջնագծում մարտական հերթապահություն իրականացնող ՀՀ զինված ուժերի սպայական, ենթասպայական եւ պայմանագրային շարքային կազմի զինծառայողների թոշակը կլինի կրկնակի: Դա վաղուց էր անհրաժեշտ, ու թեեւ չնայած նյութական եւ կենցաղային դժվարություններին` մեր զորականները միշտ փայլուն իրականացնում են մեր սահմաններն անառիկ պահելու սուրբ գործը, այնուամենայնիվ, նրանց խրախուսմանն ուղղված ցանկացած ծրագիր եւ գործողություն միայն ու միայն ողջունելի պետք է համարել:

Զարմացած է  
ՀՈՎՀԱՆՆԵՍ ԳԱԼԱՋՅԱՆԸ

Հավանեցի՞ր հոդվածը, կիսվիր ընկերներիդ հետ