Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

ԳԱԶԱՆԱՆՈՑՈՒՄ ԼԵՄՈՒՐՆԵՐԻ ԿՂԶԻՆ «ՀԱՎԱԿՆՈՒՄ Է ԼԻՆԵԼ ԱՇԽԱՐՀՈՒՄ ԱՄԵՆԱՄԵԾԸ»

Արխիվ 12-16

ԳԱԶԱՆԱՆՈՑՈՒՄ ԼԵՄՈՒՐՆԵՐԻ ԿՂԶԻՆ
«ՀԱՎԱԿՆՈՒՄ Է ԼԻՆԵԼ ԱՇԽԱՐՀՈՒՄ ԱՄԵՆԱՄԵԾԸ»

Երեխաների իրավունքների պաշտպանության օրվա կապակցությամբ` տեւական ընդմիջումից հետո հայ մանուկների համար իր դռները բացեց նաեւ Կենդանաբանական այգին: Երեւանի քաղաքապետարանի տեղեկատվության եւ հասարակայնության հետ կապերի վարչության պետի տեղակալ Արթուր Սարուխանյանը պատմեց, թե բավականին երկարատեւ ու թանկարժեք վերանորոգումն ինչ է տվել այգուն:

ՀՀ նախագահ Սերժ Սարգսյանը եւս թոռնիկների հետ այցելել է Երեւանի կենդանաբանական այգի, եւ նրան ուղեկցող Երեւանի քաղաքապետ Տարոն Մարգարյանը ներկայացրեց, թե՝ 2013-2015թթ. այգու վերանորոգման եւ զարգացման ծրագրով ինչ աշխատանքներ են իրականացվել: Մասնավորապես, որ նման լայնածավալ աշխատանքներ այգում չեն կատարվել հիմնադրման օրվանից:


2013 թվականից սկսած, կատարվել են շուրջ մեկ միլիարդ դրամի շինարարական եւ դիզայներական լուծումներով աշխատանքներ: Այդ թվում՝ վերանորոգվել է նաեւ այգու խորհրդանիշ համարվող ճարտարապետական քարակերտ կամարով մուտքը, որը գործառութային առումով դարձել է այգու նախամուտք: Զգալիորեն ընդլայնվել ու հարմարավետ է դարձել ավտոկայանատեղին: Կառուցվել է ժամանակակից սարքավորումներով հագեցած զոոկլինիկայի նոր մասնաշենքը: Ծրագրի շրջանակում բարեկարգվել եւ թարմացվել են այգու խորհրդանշական մուտքից մինչեւ գլխավոր անցակետ ընկած հատվածի խաղահրապարակներն ու սպասարկման օբյեկտները: Այգին կահավորվել է մանկական խաղահրապարակներով:
Մեծածավալ աշխատանք է կատարվել ազատավանդակների կառուցման եւ վերակառուցման մասով. կառուցվել են վագրերի, սայմիրների, լեմուրների, ջրասամույրների, սուրիկատների եւ լորիների ազատավանդակները: Նախկինում 100 քմ տարածք զբաղեցնող վանդակների փոխարեն այժմ վագրերի համար շուրջ 5500 քմ մակերեսով ազատավանդակ է կառուցվել: Լեմուրներն այգում իրենց յուրօրինակ կղզին ունեն, որը հավակնում է լինել աշխարհում ամենամեծը: Վերակառուցվել են նաեւ արջերի եւ ուղտերի ազատավանդակները, բարեկարգվել եւ թարմացվել են առկա վանդակներն ու շինությունները: Այգում նաեւ նոր ձիարշավարան է կառուցվել: Յուրօրինակ տեղանքն օգտագործելով` կառուցվել են արհեստական ջրվեժներ: «Քաղաքային կանաչ լուսավորություն» ծրագրի հետ համագործակցված աշխատանքի արդյունքում հիմնովին փոխվել է լուսավորության համակարգը. անցկացվել է ստորգետնյա մալուխային ցանց, յուրօրինակ գեղարվեստական ձեւավորումներով լուսատուներն աշխատում են ժամանակակից խնայողական լեդ լամպերով: Ասֆալտապատվել են այգու բոլոր ճանապարհներն ու ճեմուղիները: Այգին մաքրվել է ոչ պիտանի եւ անշուք շինություններից, կառուցվել են ճեմուղի տախտակամածներ, որոնք նաեւ որպես դիտակետեր են ծառայում: Տեղադրվել են նոր ցայտաղբյուրներ, կանաչապատվել է 7000 քմ հողատարածք, տնկվել են նոր ծառատեսակներ եւ թփեր, իրականացվել են ինքնատիպ ծաղկային ձեւավորումներ:
Իհարկե՝ Երեւանի կենդանաբանական այգուն, այն էլ՝ ժամանակին տեղի ունեցած մի քանի սկանդալային պատմություններից հետո, այս կերպ նոր շունչ տալը, ինչքան էլ որ մեծ ծախսեր են արվել, միայն ողջունելի է: Բայց չմոռանանք, որ մեդալն ունի նաեւ հակառակ կողմը. այսքանից հետո Կենդանաբանական այգին կկարողանա՞ դեպի իրեն գրավել մեծ թվով այցելուների. հակառակ դեպքում` ամեն ինչ անիմաստ կդառնա: Իսկ այցելուներին, այն էլ այս ծանր ժամանակներում, հնարավոր է հրապուրել միայն մատչելի եւ ճկուն գնային քաղաքականությամբ. ի վերջո էժան եւ շատ այցելուների պարագայում ավելի մեծ եկամուտներ են լինելու, քան՝ բարձր գների ու քիչ այցելուների: Բայց դե, կտեսնենք:
ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ