Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները Նեթանյահուն չկարողացավ համոզել ԱՄՆ-ին Վաշինգտոնի վրա Իրանի հարձակման սպառնալիքի մասով

ՉՈՐՍԻՑ ԵՐԵՔԻ ԴԵՊՔՈՒՄ ՊԱՅԹԵԼ ԵՆ ԳԱԶԱԲԱԼՈՆՆԵՐԸ

Արխիվ 12-16

ՉՈՐՍԻՑ ԵՐԵՔԻ ԴԵՊՔՈՒՄ ՊԱՅԹԵԼ ԵՆ ԳԱԶԱԲԱԼՈՆՆԵՐԸ

Հայաստանում տարիներ շարունակ գործում են գազալցակայաններ եւ ավտոտրանսպորտային միջոցների գերակշիռ մասն էլ արդեն հասցրել է անցնել գազի: Սակայն դժվար է հիշել մի այնպիսի ժամանակահատված, երբ հաշված օրերի ընթացքում մի քանի պայթյուններ տեղի ունեցան գազալցակայաններում: Թե ինչն էր հիմնական պատճառը, փորձեցինք պարզել Տեղական կառավարման եւ արտակարգ իրավիճակների նախարարության հրդեհային եւ տեխնիկական անվտանգության բաժնի պետ ՍԵՐԳԵՅ ՀԱՅՐԱՊԵՏՅԱՆԻՑ.

Պայթում են ոչ թե գազալցակայանները, այլ պայթում են մեքենաների բալոնները: Այս տարի մենք ունեցել ենք գազալցակայանների չորս պայթյուն, որից երեքի դեպքում պայթել են մեքենաների բալոնները: Այսինքն՝ երեք դեպքերում էլ գազալցակայանի խնդիր` որպես այդպիսին, չի եղել: Եվ միայն մեկի` Զվարթնոց գյուղի մոտակայքի գազալցակայանի պայթյունի պատճառն է, որ նախնական տվյալներով՝ եղել է մարդկային անփութությունը:
- Բայց ահա այդ նույն գազալցակայանի սեփականատեր Հակոբ Հակոբյանը նշում էր, որ թեեւ այն տուգանվել է որոշակի խախտումների պատճառով, սակայն շահագործումը չէր արգելվել:
- Տվյալ գազալցակայանը տուգանվել է մայիսի 15-ին. այդ ժամանակ ոչ ոք չգիտեր, որ օբյեկտում կարող է էդպիսի դժբախտ դեպք լինել: Մենք իրեն տուգանել էինք մեկ միլիոն դրամի չափով: Ավելին՝ տվյալ ՍՊԸ-ին տրվել է կարգադրություն, որ հենց մայիսի 15-ից դադարեցվի գազալցակայանի շահագործումը` մինչեւ թերությունները չվերացվեն, բայց իրենք շարունակել են շահագործել, եւ արդյունքը տեսաք:
- Իսկ, ընդհանրապես, տեխնիկական եւ հրդեհային անվտանգության առումով ինչպիսի՞ն է հանրապետությունում գործող գազալցակայանների վիճակն այսօր:
- Բնականաբար, կան գազալցակայաններ, որ համեմատաբար բարվոք վիճակում են, կան գազալցակայաններ, որոնք ունեն թերություններ. դա ոչ ոք չի թաքցնում: Եվ այդ առումով պետք է ասեմ, որ թեեւ մենք մշտապես հետեւել ենք գազալցակայանների հրդեհային անվտանգությանը, բայց երեկվանից սկսած ստեղծվել են աշխատանքային խմբեր, որոնք իրականացնում են ստուգայցեր հանրապետության բոլոր գազալցակայաններում: Սակայն պայթյունից խուսափելու համար, մեր կարծիքով, պետք է նախ ուշադրությունը սեւեռել գազաբալոնների վրա, քանի որ պայթյունների մեծ մասը կապված են դրանց հետ: Իսկ բալոններն էլ հիմնականում պայթում են այն պատճառով, որ սահմանված նմուշի չեն, փորձարկումներ անցած չեն, այնպիսի բալոններ են, որոնք նախատեսված չեն տվյալ գազի լիցքավորման համար: Հենց այս խնդրի վրա պետք է ուշադրություն դարձվի, որն արդեն մեր իրավասության սահմաններում չէ: Մենք տարիներ շարունակ առաջարկել ենք, որպեսզի այդ գազաբալոնները համարվեն արտադրական վտանգավոր օբյեկտ եւ մտնեն օրենքի դաշտ, եւ տարին մեկ անգամ պարտադիր անցնեն փորձաքննություն. դրանով էապես կնվազի նմանօրինակ դեպքերի քանակը:
ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ