Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՊԵՏՔ ՉԷ ԻՆՔՆԱՄՈՌԱՑՈՒԹՅԱՄԲ ՏՐՎԵԼ «ԵՎՐԱՏԵՍԻԼԻՆ»

Արխիվ 12-16

ՊԵՏՔ ՉԷ
ԻՆՔՆԱՄՈՌԱՑՈՒԹՅԱՄԲ ՏՐՎԵԼ «ԵՎՐԱՏԵՍԻԼԻՆ»



Ամենամյա «Եվրատեսիլ» երգի միջազգային մրցույթի այս տարվա հաղթող դարձավ Շվեդիայի ներկայացուցիչը: 40 երկրների շարքում մրցույթում Հայաստանն այս տարի ներկայացրեց «Genealogy» խումբը «Առերեսվիր ստվերներին» երգով, որը չնայած փայլուն ելույթին` չգրանցեց այն հաջողությունը, որը կանխատեսում էին ե՛ւ Հայաստանում, ե՛ւ արտերկրում:


Ինչպես նախորդ տարի, այս տարի եւս մրցույթում, կարծես թե, ամեն ինչ գլխիվայր շուռ էր եկել: Եթե Հայաստանը կարող է մխիթարվել բարոյական հաղթանակով եւ զբաղեցրած 16-րդ հորիզոնականով, ապա ինչ ասեն Ֆրանսիան եւ Գերմանիան, որոնք մրցույթի ամբողջ պատմության ընթացքում չէին ստացել նման ցածր միավորներ` հայտնվելով վերջից առաջին հորիզոնականում: Դե, այսպես էլ է լինում, եթե մրցույթում կարող է հաղթանակ շնորհվել անսեռ Կոնչիտա Վյուրսթին, ապա ինչու Ֆրանսիան եւ Գերմանիան չեն կարող հայտնվել վերջին հորիզոնականում: Այս դեպքում մրցույթի կազմակերպիչները երեւի ցանկացել են նրբորեն գերտերություններին ցույց տալ, որ գետն ամեն անգամ գերան չի բերում:
Ինչեւէ, հույս ունենանք, որ հաջորդ տարիներին մրցույթի կազմակերպիչները հաշվի չեն առնի մասնակիցների սեռական կողմնորոշումները եւ հաղթանակ կշնորհեն որակյալ երգերին: Մինչ հաջորդ տարի դեռ երկար ժամանակ կա մտածելու համար, արդյո՞ք անհրաժեշտ է, որպեսզի Հայաստանը մասնակցի "Եվրատեսիլին": Իսկ մինչ այդ, հարցի վերբերյալ "Իրավունքը" զրուցեց հայ երգարվեստի որոշ ներկայացուցիչների հետ.

«ԱՅԴ ՄԱՍՆԱԿՑՈՒԹՅՈՒՆԸ ՀԱՅԱՍՏԱՆԻՆ
ՈՉԻՆՉ ՉԻ ՏԱԼԻՍ»


Երգչիչ-երգահան ԼԻԼԻԹ ՊԻՊՈՅԱՆ.
- Այս տարի մրցույթը չեմ նայել եւ առանձնապես հետաքրքրված չեմ: Սա սովորական մրցույթ է, որին մասնակցում է նաեւ Հայաստանը, այստեղ վատ բան չեմ տեսնում: Իհարկե, այդ մասնակցությունը Հայաստանին ոչինչ չի տալիս, բայց թող մասնակցեն, ուրախանան: Նախ եւ առաջ պետք է հասկանալ, որ սա շվեդ պրոդյուսերների մրցույթն է, որին եթե մասնակցում են, ապա պետք է թեթեւ, ժամանակակից գործերով ներկայանան: Առանձնապես մրցույթով հիացած չեմ, բայց այն մի տեսակ տոնի է վերածվում, ժողովուրդը ուրախանում է, ոգեւորովում: Հարցերի հարցն այն է, թե ի՞նչ գումարներ են ծախսվում, ի՞նչ միջոցներով են հայ մասնակիցները մրցույթում ներկայացնում Հայաստանը, եթե պետական միջոցներով, ապա մասնակցությունն անիմաստ է:

«ԱՅՍ ՏԱՐԻ ՄԵՐ ԱՄԵՆ ԻՆՉՆ ԷՐ «ԵՎՐԱՏԵՍԻԼԻՑ» ՀԵՌՈՒ»

Երգչուհի ԱՆՆԱ ԽԱՉԱՏՐՅԱՆ.
- Պետք չէ ինքնամոռացությամբ տրվել այդ մրցույթին, պետք է թեթեւ վերաբերվել եւ ինչու ոչ` մասնակցել: Ամեն դեպքում մրցույթը միջազգային հարթակ է, որտեղ երգիչ-երգչուհիների համար կարող են բացվել նոր ուղիներ եւ հորիզոններ: "Եվրատեսիլը" ոչ թե արտիստների, այլ երգի մրցույթ է, որը վերջին շրջանում այդքան էլ երգի մրցույթ չէ: Իմ կարծիքով` այս տարվա մեր երգը եվրատեսիլյան ձեւաչափից շատ հեռու էր, չնայած` այս տարվա մեր ամեն ինչն էր "Եվրատեսիլից" հեռու: Մրցույթի օրենքների ամենախիստ պահպանվող կետն այն է, որ այնտեղ քաղաքականություն չլինի, իսկ մենք ուզում էինք մտցնել այդ քաղաքականությունը:



Ներկայացրեց ԶՎԱՐԹ ԽԱՉԱՏՐՅԱՆԸ

 

Հավանեցի՞ր հոդվածը, կիսվիր ընկերներիդ հետ