Հանդիպման յուրահատկությունն այն էր, որ այն ունեցավ հրապարակային մաս Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԶԱՐՄԱՆՔ

Արխիվ 12-16

Քանի որ ամենաթեժ թեման էլեկտրաէներգիայի թանկացումն է, պարապ մնացած ՀԱԿ պատգամավոր ԱՐԱՄ ՄԱՆՈՒԿՅԱՆԸ զարմանալիորեն որոշեց հանրությանը մատուցել "սենսացիոն" լուր, բայց այն էլ` դա ոչ նորություն է, ոչ էլ սենսացիա. "Սենսացիան, որ ինձ համար 2 տարի առաջ բացահայտել էի, այն էր, որ մենք հոսանք էինք առնում Վրաստանից: Այն ժամանակ պարզվեց, որ մենք վրացիներին հոսանք ենք տալիս, քանի որ իրեք մեզ պարտք են, ու այդ պարտքը փակելու միջոց է դա: Դրանից առաջ էլ մենք վրացիներին միշտ հոսանք տվել ենք, քանի որ մեզ մոտ ավելցուկի խնդիր կա: Մենք կարող ենք պարտադրել ավելին, քան մեր պահանջարկն է, բայց այսպես` աչքներդ լույս, արդեն քանի օր է մեր հյուսիսային շրջանները` Թալին, Լոռի, Վանաձոր, Գյումրի նստած են վրացական հոսանքի վրա, այսինքն` Հայաստանը հոսանք է առնում Վրաստանից": Հետաքրքիր է, Արամ Մանուկյանն իր ասածից գլուխ հանե՞ց, թե համացանցում մի բան կարդացել է ու որոշել է տպավորություն գործել: Ինչեւէ, զարմանալով հանդերձ, ընդդիմադիր պատգամավորին ասենք` "գամառջոբա":
Ի՞նչ եք կարծում, մազութային սուլթանատի ագրեսիայից ո՞վ է մեզ հուսալիորեն պաշտպանում: Անշուշտ կասեք` մեր բանակը, սակայն լոնդոնասեր ՍՏՅՈՊԱ ՍԱՖԱՐՅԱՆԸ ռազմաքաղաքական սենսացիա է բացահայտել եւ պարզել, որ պաշտպանողը Արեւմուտքն է. "Ադրբեջանը ցանկանում էր պոկել հերթական փաստաթուղթը` ոչ այնքան լավ նպատակներով: Ռիգան թույլ չտվեց Ադրբեջանին ստանալ մի փաստաթուղթ` ռազմական որեւէ արկածախնդրություն հետագայում արդարացնելու համար: Սրանում մենք հետագայում կհամոզվենք: Ադրբեջանը փորձում էր հասկանալ, արդյո՞ք կարող էր անցած տարվա ռազմական ոտնձգությունները լեգալիզացնել: Արեւմուտքը հասկացրեց Ալիեւին, որ նա ռազմական արկածախնդրություն իրականացնելու իրավունք չունի եւ չի կարող լեգալիզացիա ստանալ": Այսինքն` հանգիստ եղեք, քանի Արեւմուտքը կա, Հայաստանին բան ասող չի լինելու: Ինչեւէ, զարմանալով հանդերձ, այնուամենայնիվ, հիշատակենք Սաֆարյանի պատմության դասատուին, որը նրան չի սովորեցրել, թե ինչ  էին ասում Անգլիայի ղեկավարները 1915-ին. "Անգլիական նավերը չեն կարող բարձրանալ Հայաստանի լեռները": Այնպես որ, պրն Սաֆարյան, նստիր, 2:
Իսկ հաճախակիորեն դիրքեր այցելող եւ դիրքապահներին գիշերային տեսողության սարքեր հասցնելու շարունակական ակցիայի հեղինակ, ռեժիսոր ԱՐՇԱԿ ԶԱՔԱՐՅԱՆԻ վրա "Ֆեյսբուքում" հարձակում էին գործել ՀԱԿ-ի ակտիվիստները: Եվ ինչն էր պատճառը` նրանք ծամոն էին սարքել մի ֆոտոկադր, ուր պաշտպանության նախարար Սեյրան Օհանյանը քայլում է պատվո գորգով, եւ հա մի գլուխ հայտարարում էին, թե նախարարը գորգից չի իջնում, որ հանկարծ խոտերի մեջ կոշիկները չկեղտոտի: Արշակ Զաքարյանը նրանց բացատրեց, որ իրենց ասածը, մեղմ ասած, հիմարություն է եւ "ինչու գլխարկ չես դնում" հարցադրումների սերիայից է, սակայն շատ վատ նեղացան նրանից: Գրանտածիծները քիչ էին, հիմա էլ այդ ոչ պատվաբեր գործին ՀՀՇ-ականներն էլ լծվեցին:
Գոռ Վարդանյանի գլխավորած Դուքենդո Հայաստանի ֆեդերացիայի ամփոփիչ մրցաշարին գեներալ ՄԱՆՎԵԼ ԳՐԻԳՈՐՅԱՆԸ բավականին հետաքրքիր բան ասաց. "Ֆեդերացիան եւս մեկ անգամ ապացուցեց, որ այս երկրի, պետության ակունքներում է կանգնած ու լավ դաստիարակություն է տալիս մեր սերունդներին: Մանավանդ հայոց բանակին ֆիզիկապես ամուր զինվորներ է տալու: Հպարտություն եմ ապրում` տեսնելով, որ այս սերունդն ավելի ուժեղ է, ավելի խելոք է, ավելի պատրաստակամ` այս անկախությանը տեր կանգնելու, քան թե ժամանակին, երբ մենք նոր սկսեցինք: Մաշտոցի այբուբենից հետո ֆիզիկական պատրաստվածությունն ու առողջությունն է կարեւոր, այն մեծ նշանակություն ունի` բանակին ծառայելու առումով: Բացի դա, ուժեղ մարդը նենգոտ բաներ չի անում, դուզ-դուզ մարդ է, ճիշտ խոսում է": Դե ինչ, շատ առողջ միտք է` թող երեխաները Մաշտոցի տառերը սովորելուց հետո մարտարվեստ սովորեն: Բայց ամենազարմանալին այն է, որ Մաշտոցի տառերն ամենաուղղակի կապն ունեն մարտարվեստի հետ: Արդեն քանի տարի է լեգենդար ազատամարտիկ հետախույզ Գեւորգ Գեւորգյանը ուսուցանում է իր հեղինակած շատ արդյունավետ մարտարվեստը, որի բոլոր շարժումները հիմնված են մեր այբուբենի տառերի պատկերի վրա: Դե ինչ, ինչքան նոր սերունդը ուսյալ եւ միաժամանակ ուժեղ լինի, այնքան լավ բոլորիս համար:

Զարմացած է  
ՀՈՎՀԱՆՆԵՍ ԳԱԼԱՋՅԱՆԸ

Հավանեցի՞ր հոդվածը, կիսվիր ընկերներիդ հետ