ՀՈՍԱՆՔԻ ԹԱՆԿԱՑՄԱՆ ՀԱՐՑՈՒՄ ՀՅԴ-Ն ԳՆՈՒՄ Է ՀՈՍԱՆՔԻՆ ՀԱԿԱՌԱԿ
Արխիվ 12-16ՀՈՍԱՆՔԻ ԹԱՆԿԱՑՄԱՆ ՀԱՐՑՈՒՄ ՀՅԴ-Ն ԳՆՈՒՄ Է
ՀՈՍԱՆՔԻՆ ՀԱԿԱՌԱԿ
ՀՅԴ-ն շարունակելով իրեն ընդդիմադիր համարել, այնուամենայնիվ, վարում է այլընտրանքային քաղաքականություն: Այն ժամանակ, երբ խորհրդարանական ընդդիմադիր ուժերը իրենց մասնակցությամբ կամ կոչերով սատարում էին մայիսի 27-ին կայանալիք էլեկտրաէներգիայի թանկացման դեմ ուղղված բողոքի ակցիային, համակ լռություն էր ՀՅԴ-ում: Այս հարցում, կարծես թե, ՀՅԴ-ն որոշել է միայնակ պայքարել կամ էլ աչքի ընկնել իր օրիգինալությամբ: Մայիսի 27-ի փոխարեն, ՀՅԴ Հայաստանի երիտասարդական եւ «Նիկոլ Աղբալյան» ուսանողական միությունների անդամները մայիսի 25-ին էին կառավարության առջեւ էլեկտրաէներգիայի թանկացման դեմ բողոքի ակցիա անցկացրել` պահանջելով կառավարությունից եւ իշխանություններից կասեցնել էլեկտրաէներգիայի թանկացումը եւ վերահսկողություն իրականացնել ՀԷՑ-ի ղեկավարության ծախսերի նկատմամբ: Ամեն դեպքում, թե ինչո՞ւ որոշեց ՀՅԴ-ն առանձնանալ ամենքից, փորձեցինք պարզել ՀՅԴ-ական պատգամավորներից, սակայն մայիսյան տոնական օրով եւ ոչ մի դաշնակ հեռախոսազանգերին չէր պատասխանում:
ՀՐԱՆՏ ՍԱՐԱՖՅԱՆ
