ՍՈՑԱՊ ՆԱԽԱՐԱՐԸ ԷԼԵԿՏՐԱԷՆԵՐԳԻԱՅԻ ԹԱՆԿԱՑՄԱՆ ՄԱՍԻՆ «ԲՆԱԿԱՆ Է ԼԻՆԵԼՈՒ Է ԲԱՑԱՍԱԿԱՆ ԻՄԱՍՏՈՎ»
Արխիվ 12-16ՍՈՑԱՊ ՆԱԽԱՐԱՐԸ ԷԼԵԿՏՐԱԷՆԵՐԳԻԱՅԻ ԹԱՆԿԱՑՄԱՆ
ՄԱՍԻՆ «ԲՆԱԿԱՆ Է ԼԻՆԵԼՈՒ Է ԲԱՑԱՍԱԿԱՆ ԻՄԱՍՏՈՎ»
Էլեկտրաէներգիայի սակագնի բարձրացումը անհանգստացնում է նաեւ աշխատանքի և սոցիալական հարցերի նախարար Արտեմ Ասատրյանին: Այս մասին նախարաը խոստովանեց. ԱԺ-ում պատասխանելով լրագրողների այն հարցին, թե էլեկտրաէներգիայի սակագնի բարձրացման դեպքում սոցիալական ինչ հետեւանքների առաջ կկանգնեցնի հանրությունը: «Բնական է, որ լինելու է բացասական իմաստով: Բայց այսօր գնահատական տալ դեռևս չկայացած որոշմանը` ճիշտ չէ: Ես կարծում եմ, որ համապատասխան հանձնաժողովն այդ ուղղությամբ աշխատանքներն իրականացնում է, և իր որոշումը կայացնելուց հետո մենք հնարավորություն կունենանք նաև անդրադառնալու այդ խնդիրներին»,- ասաց նա:
Հարցին, թե արդյո՞ք ՀԾԿՀ-ն որոշում կայացնելիս քննարկում է հարցը աշխատանքի և սոցիալական նախարարության հետ, նախարարը պատասխանեց, որ որոշում կայացնելը ՀԾԿՀ-ի գործն է:
Հարցին, թե գողությունն և չարաշահումը ինչպե՞ս կարող է հիմանավորում լինել նախարաը նկատեց. «Համապատասխան հանձնաժողովն իր մասնագիտական եզրակացությունը պետք է ձևավորի օբյեկտիվ հենքի վրա և կարողանա կայացնել որոշում, որը ճիշտ սակագին սահմանելու հնարավորություն կտա: Ամեն դեպքում իշխանությունները ոչ միայն մտածում են այլ նաև գործում են: Այս առումով պետք է ասեմ, որ շատ կարևոր են այն աշխատանքները և միջոցառումները, որոնք ամենօրյա ռեժիմով քննարկվում են, նաև նախադրյալներ են ստեղծվում, որ դրանք արդեն գործնականում կիրառություն ստանան: Գրեթե բոլոր ուղղություններով այդ աշխատանքները ընթացքի մեջ են, և մենք կունենանք համապատասխան առաջարկություններ առաջիկա ժամանակահատվածի համար»:
ԻԼՈՆԱ ԱԶԱՐՅԱՆ
