ՌԴ-ՈՒՄ ԴԱՏԱՊԱՐՏՎԱԾ ՀՐԱՉՅԱ ՀԱՐՈՒԹՅՈՒՅՆԱՆԻ ԴՈՒՍՏՐԸ. «ՆԱԽԱՐԱՐՈՒԹՅՈՒՆԸ ՎՍՏԱՀԵՑՐԵՑ, ՈՐ ՀԱՅՐԻԿԻՍ ԿՏԵՂԱՓՈԽԵ
Արխիվ 12-16ՌԴ-ՈՒՄ ԴԱՏԱՊԱՐՏՎԱԾ ՀՐԱՉՅԱ ՀԱՐՈՒԹՅՈՒՅՆԱՆԻ ԴՈՒՍՏՐԸ. «ՆԱԽԱՐԱՐՈՒԹՅՈՒՆԸ ՎՍՏԱՀԵՑՐԵՑ, ՈՐ ՀԱՅՐԻԿԻՍ ԿՏԵՂԱՓՈԽԵՆ...»
«Մենք շատ մեծ հույս ունենք, որ հայրիկիս կտեղափոխեն Հայաստան, որ գոնե իր երկրում պատիժը կրի: Մի քանի օր առաջ դիմել ենք Ադադարադատության նախարարություն, մեզ վստահեցրեցին, որ տեղափոխումը անպայման կլինի, բայց այ երբ` հայտնի չի»,-iravunk.com-ի-հետ զրույցում անդրադառնալով Մոսկվայի շրջանում տեղի ունեցած ողբերգական ավտովթարի մեջ մեղավոր համարվող «Կամազ» բեռնատարի վարորդ` ՀՀ քաղաքացի Հրաչյա Հարությունյանի ներկայիս վիճակին ասաց նրա դուստրը` Լիլիթ Հարությունյանը:
- Կարողանո՞ւմ եք գոնե հեռախոսակապի միջոցով կապվել իր հետ:
- Ցավոք, մենք ոչ, բայց ՌԴ-ի մեր բարեկամները կարողանում են իրենից ինչ-որ տեղեկություններ ունենալ: Վերջին անգամ մեր բարեկամների միջոցով հայրս մեզ փոխանցել էր, որ ուժեղ լինենք, չհանձնվենք եւ որ շատ կարոտում է մեզ:
Հիշեցնենք, որ 2013 թ. հունիսի 13-ին Պոդոլսկի մոտակայքում Հրաչյա Հարությունյանի վարած բեռնատարը բախվել էր մարդատար ավտոբուսին, որի հետևանքով զոհվեց 18 հոգի, իսկ հունիսի 15-ին, Մոսկվայում հայտարարվեց սգո օր: Սակայն, կարծես թե, ոչ պակաս ողբերգական իրավիճակում հայտնվեց նաև Հրաչյա Հարությունյանը և իր ընտանիքը, իսկ որ ամենասարսափելին էր իրավապահ մարմինները նրան դատարանի դահլիճ բերեցին կանացի խալաթով` հավանաբար ծաղրի ենթարկելու համար:
ԻԼՈՆԱ ԱԶԱՐՅԱՆ
