ԱՐԹՈՒՐ ԱԲՐԱՀԱՄ.ՊԵՏՔ Է ՎԵՐՋՆԱԿԱՆ ԱՊԱՑՈՒՑԵՄ, ՈՐ ԵՍ ԵՄ ՈՒԺԵՂԱԳՈՒՅՆԸ
Արխիվ 12-16
ԱՐԹՈՒՐ ԱԲՐԱՀԱՄ.ՊԵՏՔ Է ՎԵՐՋՆԱԿԱՆ ԱՊԱՑՈՒՑԵՄ, ՈՐ ԵՍ ԵՄ ՈՒԺԵՂԱԳՈՒՅՆԸ

Հայ պրոֆեսիոնալ բռնցքամարտիկ, WBO վարկածով գերմիջին քաշային կարգում աշխարհի չեմպիոն Արթուր Աբրահամը մայիսի 21-ին, Գերմանիայի Հալլե քաղաքում մամլո ասուլիսի ձևաչափով հանդիպել է մրցակցի` Ռոբերտ Շտիգլիցի հետ: «Չորս մենամարտ Շտիգլիցի հետ արդեն շատ է ինձ համար: Այս անգամ պետք է վճռական հաղթանակ տանեմ, որպեսզի այլեւս հարցեր չառաջանան: Պետք է վերջնական ապացուցեմ, որ ես եմ ուժեղագույնը»,- ասել է Արթուր Աբրահամը:
Ռոբերտ Շտիգլիցն իր խոսքում շեշտել է, որ մանրամասն ուսումնասիրել է նախորդ երեք մենամարտերը և չի կասկածում` այս անգամ ինքն է հաղթելու: Արթուր Աբրահամի եւ Ռոբերտ Շտիգլիցի միջեւ թվով արդեն 4-րդ հանդիպումը կայանալու է գերմանական Հալլե քաղաքում:
Մենամարտը նախանշված է հուլիսի 18-ին, բռնցքամարտիկները պայքարելու են WBO չեմպիոնական գոտու համար, որը պատկանում է Արթուր Աբրահամին: Տեղեկատվությունը տրամադրել է բռնցքամարտիկի մամլո խոսնակ Սիրան Գրիգորյանը:
ՔՐԻՍՏԻՆԵ ՊԵՏՐՈՍՅԱՆ
