Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԲՈՒՀԵՐԻՆ ՀՅՈՒՐԱՆՈՑՆԵՐԸ ՉԵՆ ՓՈԽԱՐԻՆԻ

Արխիվ 12-16

ԲՈՒՀԵՐԻՆ ՀՅՈՒՐԱՆՈՑՆԵՐԸ
ՉԵՆ ՓՈԽԱՐԻՆԻ


Ճարտարապետ Գուրգեն Մուշեղյանն օրերս լրագրողներին տեղեկացրեց Քաղաքաշինության նախարարության նոր "փայլուն" մտահղացման մասին: Պարզվում էª կարելի է Երեւանից որոշ բուհեր տեղափոխել Գյումրի: Բացատրությունն էլ կա. "Դեռեւս 70-ական թվականներին կար նման մտահղացում. սա քաղաքը բեռնաթափելու միտում ունի: Երեւանում կա 60 ուսումնական հաստատություն, շուրջ 100 հազար ուսանող, 10 հազար դասախոս: Ուսումնական հաստատությունները զբաղեցնում են 555 հազար քառակուսի մետր տարածք: Սա պատճառ է դառնում, որ տարածքները գերբեռնվեն: Հասարակական տրանսպորտի շուրջ երեսուն տոկոսը զբաղեցնում են ուսանողները: Սա լուրջ խնդիր է":
Միայն թե, այդ "հույժ" քաղաքաշինական միտքը սկսում է մի տեսակ երեւալ, երբ առաջ է գալիս այն մյուս գաղափարը, թե Երեւանից հեռացած բուհերի զբաղեցրած շենքերը կարելի է... հյուրանոց դարձնել: Դե պատկերացրեքª Երեւանը լցրել ենք օրեցօր "անիմաստ" դարձող կրթական հաստատություններով, մինչդեռ ի՜նչ փողեր կարելի է սարքելª այդ շենքերը հյուրանոցների, ինչու ոչ, նաեւ գիշերային ակումբների վերածելով:
Իսկ թե ինչ կարծիք ունեն վերոնշյալ նախագծի վերաբերյալ ՀՀ կրթության եւ գիտության նախարարությունումª մեկնաբանեց ԿԳ նախարար ԱՐՄԵՆ ԱՇՈՏՅԱՆԸ.
- Կրթության եւ գիտության նախարարությունը ողջունում է, որ տարբեր ոլորտներում քննարկումներ են ընթանում տարբեր կրթական թեմաներով: Բայց շեշտեմ` կրթական թեմաներով, եւ ինձ համար զարմանալի էր, որ այդ քննարկումները գնում էին ոչ կրթական լիազորության մարմնի կողմից հայտնած տեսակետների եւ քաղաքականության վերաբերյալ: Կրթությունը շենք-շինություն չէ, կրթությունը նախ եւ առաջ գործընթաց է, որի կազմակերպման համար բազում նախապայմաններ ու գործոններ կան: Ուրիշ խնդիր է, որ, այո, որոշակի հեռանկարային զարգացման ծրագրեր մենք քննարկում ենք: Բայց դրանք չեմ համարում այսօր այնքան եփված ու պատրաստ նախագծեր, որպեսզի ներկայացվեն հանրության ուշադրությանն ու քննարկումների դատին:
Մի խոսքովª ԿԳ նախարարությունը բուհերը Գյումրի տանելուն դեռ լուրջ չի վերաբերվում: "Ափսոս", թե չէ կարող էինք Քաղաքաշինության նախարարությունից առաջ ընկնելով` մեկ ոչ պակաս "փայլուն" գաղափար էլ մենք հուշենք. բերեք նաեւ մայրաքաղաքի դպրոցների գոնե կեսը տանենք Գյումրի: Հա՛մ Երեւանը մի քիչ էլ կդատարկենք, հա՛մ էլª նոր հյուրանոցային ի՜նչ ֆոնդ կառաջանա:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ