Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՓՈԽՆԱԽԱՐԱՐԸ` ՆԱԽԿԻՆ ՎԱՐՉԱՊԵՏԻՆ. «ՎԱՐԿԱՅԻՆ ՄԻՋՈՑՆԵՐՆ ԱՅԼ ԿԵՐՊ ՏԵՂԱԲԱՇԽԵԼՈՒ ՄԻՋՈՑ ՉԿԱ»

Արխիվ 12-16

ՓՈԽՆԱԽԱՐԱՐԸ` ՆԱԽԿԻՆ ՎԱՐՉԱՊԵՏԻՆ. «ՎԱՐԿԱՅԻՆ ՄԻՋՈՑՆԵՐՆ ԱՅԼ ԿԵՐՊ ՏԵՂԱԲԱՇԽԵԼՈՒ ՄԻՋՈՑ ՉԿԱ»

 

Գյուղատնտեսական աշխատանքների եռուն շրջանն արդեն սկսել է, բայց  կան գյուղացիներ, որոնք  դեռ  նախորդ տարի  հիմնականում  «ԱԿԲԱ-ԿՐԵԴԻՏ ԱԳՐԻԿՈԼ» բանկից վերցրած  վարկերը  չեն կարողանում մարել: Այս եւ այլ հարցերի շուրջ «Իրավունքը»  զրուցեց   գյուղատնտեսության փոխնախարար Արմեն Հարությունյանի հետ, ով օրեր առաջ խորհրդարանին ներկայացրեց Հայաստանի Հանրապետության եւ Գյուղատնտեսության զարգացման միջազգային հիմնադրամի միջեւ 2014 թվականի նոյեմբերի 12-ին Հռոմում ստորագրված «Ենթակառուցվածքների եւ գյուղական ֆինանսավորման աջակցություն» ծրագրի ֆինանսավորման համաձայնագիրը:

-Պրն Հարությունյան,    գյուղատնտեսական վարկերի տրամադրման տեսանկյունից «ԱԿԲԱ-ԿՐԵԴԻՏ ԱԳՐԻԿՈԼ» բանկը կարծես թե մենաշնորհային դիրք է  զբաղեցնում եւ բավական բարձր տոկոսներով վարկեր տրամադրում: Նախարարությունն ունի՞ որեւէ լծակ  միջամտելու այս  գործընթացին:

-Ես միայն կարող եմ վարկային ծրագրի շրջանակներում  տրամադրվող վարկային միջոցները տեղաբաշխվում են մի քանի բանկերի ու վարկային կազմակերպությունների միջեւ:

-Իսկ  եթե  խնդիրը դիտարկենք  նաեւ վերոնշյալ վարկային ծրագրից դուրս:

-Ես կոնկրետ տեղեկացված  չեմ  այդ հարցից: Դիմեք  գյուղատնտեսության մեկ այլ փոխնախարարի, ով համակարգում  է այդ հարցերը:

-Բայց  գյուղացիները բողոքում են, որ «ԱԿԲԱ-ԿՐԵԴԻՏ ԱԳՐԻԿՈԼ» բանկն է կարծես մենաշնորհային կարգավիճակով  գյուղատնտեսական վարկեր տրամարդում բարձր տոկոսադրույքով:

-Մենաշնորհային դիրք չունի բանկը: Պարզապես այն մասնագիտացած է  գյուղատնտեսության ֆինանսավորման հարցում: Հայաստանում  այլ բանկեր կան, որոնք եւս տրամադրում են  գյուղատնտեսական վարկեր:

-Վերջերս տասը միլիարդ  վարկ տրվեց  կառավարության կողմից գյուղատնտեսական  վարկերի սուբսիդավորման համար:  Մասնավորապես, գյուղատնտեսական արտոնյալ վարկերի տրամադրման` կառավարության կողմից նախատեսված ծրագրի շրջանակում նախատեսվում է սուբսիդավորել տարեկան 14 տոկոսի 6 տոկոսը։ Դրա շնորհիվ ֆերմերները հնարավորություն են ստանում ստանալ գյուղատնտեսական վարկեր տարեկան 8 տոկոսով։ Որոշ ընդդիմախոսներ, օրինակ, նախկին, վարչապետ Հրանտ Բագրատյանն առաջարկում է  այդ գումարը գյուղացիներին տալ, եթե իրոք կառավարությունը ցանկանում է օգնել գյուղացիներին:

-Շահառուն, ի վերջո, գյուղացին է: Ուղղակի մեխանիզմն այնպիսին է, որ վարկը տրամադրվում է   համապատասխան ֆինանսական  մասնավոր կառույցների` բանկերի  ու վարկային կազմակերպությունների միջոցով:  Վարկերը տեղաբաշխելու այլ միջոցներ չեմ պատկերացնում:  Սա կայացած մեխանիզմ է:

- Բանկերը գյուղատնտեսական վարկերի համար մեծ  տոկոսներ  են սահմանում: Արդյոք նախարարությունը բանկերի հետ բանակցություններ վարում է տոկոսադրույքների նվազեցման համար:

-Բանկերն են կառավարում իրենց տոկոսադրույքները, իրենք են որոշում իրենց վարկային քաղաքականությունը: Պետությունը սուբսիդավորման  նպատակոբ փորձում  է  նվազեցնել  տոկոսային բեռը  գյուղացու վրայից: Նախարարությունն ու կառավարությունը համագործակցելով մի շարք ֆինանսական միջազգային կառույցների հետ, փորձում է  մատչելի վարկային միջոցներ ներգրավվել:

-Այս  տարի` հունվարից հետո, բանկերը հիմնականում թե գյուղացիներին, թե շարքային քաղաքացիներին   դոլարով են վարկ տրամադրում:

- Ես տեղեկացված չեմ: Գյուղացիներից  այդպիսի հարցադրում չենք ստացել:

-Գյուղնախարարությունն ինչպե՞ս  է աջակցում այն գյուղացիներին, որոնց բանկերը հրաժարվում են գյուղատնտեսական վարկ տրամադրել` տարբեր պատճառաբանություններով:

-Միշտ էլ կոչ ենք արել բանկերին ու վարկային կազմակերպություններին բարենպաստ պայմաններով  վարկային միջոցներ տրամադրել  գյուղացիներին:  Բանկերն ունեն իրենց քաղաքականությունը: Եթե կան մարդիկ, որոնք իրենց պարտավորվածությունը ժամանակին  չեն կատարել, բանկն էլ որոշում է  կայացնում ֆինանսավորել կամ չֆինանսավորել:

ՍՈՆԱ ԴԱՎԹՅԱՆ

 

 

Հավանեցի՞ր հոդվածը, կիսվիր ընկերներիդ հետ