ՍՓՅՈՒՌՔԻ ՆԱԽԱՐԱՐՆ ԱՀԱԶԱՆԳՈՒՄ Է. «ՍԻՐԻԱՅՈՒՄ ՎԻՃԱԿՆ ԱՎԵԼԻ Է ՎՏԱՆԳՎՈՒՄ»
Արխիվ 12-16ՍՓՅՈՒՌՔԻ ՆԱԽԱՐԱՐՆ ԱՀԱԶԱՆԳՈՒՄ Է. «ՍԻՐԻԱՅՈՒՄ ՎԻՃԱԿՆ ԱՎԵԼԻ Է ՎՏԱՆԳՎՈՒՄ»
«Վերջին մեկ ամսվա ընթացքում Հալեպը հայտնվեց շրջափակման մեջ: Դուք տեղյակ եք, որ հրթիռակոծվեց մեր եկեղեցին, եւ այսօր շարունակու են թալանվել, պղծվել մյուս եկեղեցիները: Մեր հայրենակիցների դեմ պայման են դնում, որ արագ հեռանան: Մի մասը որոշում է կայացրել` տեղափոխվելու Սիրիայի ավելի անվտանգ տարածքներ, մյուս մասը դուրս է գալիս երկրից, մնացածն էլ շարունակում են մնալ տեղում»,- այսօր ՀՀ կառավարության նիստում ասաց սփյուռքի նախարար ՀՐԱՆՈՒՇ ՀԱԿՈԲՅԱՆԸ եւ հավելեց. «Սիրիայում վիճակը ավելի է վտանգվում»: Այնուամենայնիվ, ըստ նախարարի, խուճապային եւ լարված իրավիճակն արդեն անցել է, քանի որ վերականգնվել է ջուրը եւ հոսանքը: Ապա շեշտեց, որ 300 սիրիահայ են եկել Հայաստան եւ ՀՀ կառավարությունը վարչապետի հանձնարարականով կհրավիրեն միջգերատեսչական ժողով` հասկանալու, թե որ գետատեսչությունը որ ուղղությամբ կարող է աջակցել հայրենիք վերադարձած հայերին»:
ՀՐԱՆՏ ՍԱՐԱՖՅԱՆ
