"ԵՎՐԱՏԵՍԻԼՆ" ԱՅՍ ՏԱՐԻ ԷԼ "ՀԱՐԱՄԵՑ" ԿՈՆՉԻՏԱՆ
Արխիվ 12-16"ԵՎՐԱՏԵՍԻԼՆ" ԱՅՍ ՏԱՐԻ ԷԼ "ՀԱՐԱՄԵՑ" ԿՈՆՉԻՏԱՆ
Կարծես, այս տարի բոլորը երդվել էին` ոչ մի բացասական կարծիք կամ խոսք եվրատեսիլյան հայկական պատվիրակ հանդիսացող Genealogy խմբի մասին: Մինչ այս, միայն դրական կարծիքներ էին, քանի որ կազմակերպիչները բազմիցս նշել են, որ ոգեշնչվել են Հայոց ցեղասպանության խորհրդանիշ հանդիսացող անմոռուկի գաղափարով` խմբի 5 մասնակիցները 5 տարբեր աշխարհամասերում բնակվող արմատներով հայեր են, որոնց միավորում է Հայաստանը` Ինգա Արշակյանը: Ու ամեն ինչ, կարծես թե, ընթանում էր "պայմանավորվածության" համաձայն, այնինչ անդորրը կրկին խախտեց Կոնչիտան: Ավելի ճիշտ, Կոնչիտան իր համար քայլում էր կարմիր գորգի վրայով, ու հայկական պատվիրակությունից Եվրոպա աշխարհամասը ներկայացնող Եսսայի Ալթունյանը, չգիտես ինչու, որոշեց իր ուսերին ծածանող եռագույն դրոշով ծածկել Կոնչիտայի մերկ ուսերը:
Շատերն այն համարում են PR-ի լավագույն տարբերակ, գուցե կազմակերպիչներն էլ են առաջնորդվել այդ սկզբունքով, բայց... Շատերը նույնիսկ արդարացնում են այդ քայլն ու հորդորում տոլերանտ լինել, բայց ինչպես դերասան, շոումեն Արտյոմ Մարկոսյանն է ասել. "Տո թքած ունեմ ես տոլերանտության վրա էլ, սեռական փոքրամասնությունների ու դրանց իրավունքների եւ հավասարության վրա էլ, դրանց պաշտպանողների ու սատարողների վրա էլ ու նման PR-ի վրա էլ: Մեր ՊԵՏԱԿԱՆ ԴՐՈՇԸ սրբություն է, որի ներքո ու որի համար հազարավոր արժանի հայ զավակներ, հերոս, կարգին ՏՂԵՐՔ կռվել են ու իրենց կյանքն են տվել, որը միշտ բարձր է եղել, ինչպես մեր արժանապատվությունը: Իսկ այսօր հայտնվում է ինչ-որ վիժվածքի, դեգեներատի ուսերին գցած: Լավ, ասեմ ավելի ցիվիլ ու միջազգային լեզվով` "ՊԻԴԱՌԱՍՏԻ" ուսերին… Ինչ, հիմա էլ պիտի ոմանք ասեն. "Դուք չե՞ք պատկերացնում, թե էտ չոլի կոնչիտայի ուսերին դրոշը գցելով` ինչքան մարդ Հայաստանը ճանաչեց": Է հետո՞: Ուրի՞շ: Ով նման բան ասի, իմ անձնական թշնամին է: Պետք չէ մեզ նման ձեւերով հավելյալ ճանաչում, սա իմ համոզմունքն է, որը վստահ եմ ինձ հետ կիսում են շատերը…",- ասել է շոումենն ու մի դիտարկում եւս արել. "Այս տարվա "Եվրատեսիլին" մասնակցելը պարզապես ելույթ չէ` բարձր տեղ գրավելու համար, այլ առաքելություն, ՄԵԾ ԱՌԱՔԵԼՈՒԹՅՈՒՆ, որը պետք է կատարել պատվով, արժանավայել ու հային վայել: Այդքան հզոր ու գեղեցիկ արված քայլերին ավելացնել եւս մեկը` չկորցնելով սեփական գենետիկ կոդով ձեւավորված արժեհամակարգը, որ աշխարհամասից ուզում ես եղիր… Չի կարելի անել քայլեր, որոնք հետո պետք է փորձեն արդարացված լինել` ինչ-որ հիմար պատճառաբանումներով ու հանգամանքներով: Կոնկրետ ինձ համար այս դեպքում, անընդունելի է յուրաքանչյուր պատճառաբանում: Տա Աստված, որ հաջող հանդես գանք, համոզված եմ` այդպես էլ կլինի եւ մեր ԵՌԱԳՈՒՅՆԸ հպարտ կծածանվի ու կխորհրդանշի մեր հերթական հաղթանակը":Հուսանք, ամեն ինչ հենց հաղթանակով էլ կավարտվի, այլապես ոչ մի արդարացում չի լինի:
Կույտը մշակեց ԼԻԼԻԹ ԵՂԻԱԶԱՐՅԱՆԸ
Հավանեցի՞ր հոդվածը, կիսվիր ընկերներիդ հետ
