Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԱՆԳԱՄ ՀՈՍԱՆՔԻ ԹԱՆԿԱՑՈՒՄԸ ՉՕԳՆԵՑ ԸՆԴԴԻՄՈՒԹՅԱՆԸ ՄԻԱՎՈՐՎԵԼ

Արխիվ 12-16

ԱՆԳԱՄ ՀՈՍԱՆՔԻ ԹԱՆԿԱՑՈՒՄԸ
ՉՕԳՆԵՑ ԸՆԴԴԻՄՈՒԹՅԱՆԸ ՄԻԱՎՈՐՎԵԼ


"Իրավունքը" ՀՅԴ պատգամավոր ԱՐԾՎԻԿ ՄԻՆԱՍՅԱՆԻՑ պարզեց` ինչու Դաշնակցությունը չմիացավ ՀԱԿ-ի ստորագրահավաքին` էլեկտրաէներգիայի թանկացման համար ժամանակավոր հանձնաժողով ստեղծելու  նպատակով: "ՀՅԴ-ն չմիացավ ՀԱԿ-ի նախաձեռնությանը, քանի որ կողմ ենք, որ խորհրդարանական լսումներ անցկացվեն, մանրամասներ վեր հանվեն",- ասաց նա:
"Չմոռանանք նաեւ, որ մեր գործընկերները հաճախ այդ ուղղությամբ ստեղծում են մի բան, հետո էլ սկսում են հետ կանգնել, չեն պարտադրում, որ մարմինն աշխատի:  Չենք ցանկանում գազի հանձնաժողովի հետ կապված պատմությունը կրկնվի",- ասաց պրն Մինասյանը:
ՀԱԿ-ին չմիանալու մյուս պատճառը նաեւ, ըստ պատգամավորի, այն է, որ միգուցե առաջ քաշվի ՀԷՑ-ում աուդիտ անելու պահանջը:
Արծվիկ Մինասյանից նաեւ հետաքրքրվեցինք` համաձա՞յն է  ընդդիմադիր ՀԱԿ-ի այն գնահատականներին, թե ՀԷՑ-ում կատարվել է թալան ու գողություն: "Որպես մարդ` կարող եմ ընդունել  ցանկացած դիտարկում, բայց որպես  պատգամավոր ու տնտեսագետ` ցանկալի կլիներ, որ յուրաքանչյուր նման հայտարարության հիմքում  լինեին փաստեր: Լավ կլիներ, որ մինչեւ լիարժեք պատկերացում չունենանք խնդրի մասին, հայտարարություններ չանենք",- պատասխանեց  Մինասյանը:
Այնուամենայնիվ, թեկուզ սոլիդարությունից ելնելով` չէ՞ր կարելի միանալ ՀԱԿ-ին` որպես ընդդիմադիր գործընկերոջ: Դաշնակցական պատգամավորն ասաց, որ իրենք շարժվում  են ոչ այնքան սոլիդարության, որքան անհրաժեշտության ու հիմնավորվածության տեսանկյունից: "Միայն այն, որ ընդդիմություն ենք եւ  ընդդիմության բոլոր նախաձեռնություններին պետք է  միանանք, այդքան ճիշտ չենք համարում",- եզրափակեց քաղաքական գործիչը:
ԲՀԿ-ն եւս չմիացավ ՀԱԿ-ի նախաձեռնությանը` ասելով, որ ժամանակավոր հանձնաժողով ստեղծելը ամիսների աշխատանք է, իսկ հոսանքի գինը պատրաստվում են  բարձրացնել, հավանաբար` հունիսին կամ հուլիսին: Դատելով ընդդիմադիր ուժերի հայտարարություններից` կարող ենք արձանագրել, որ էլեկտրաէներգիայի թանկացման հարցն անգամ ի զորու չեղավ միավորել ընդդիմադիրներին, իսկ նախկին "քառյակ"-"եռյակ" ձեւաչափը կարելի է միայն որպես քնքուշ մութի թեւ ու քաղցր  հուշ դիտարկել:

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ