Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՔԱՂԱՔԱԿԱՆ ՍՊԱՍՈՒՄՆԵՐՆ ՈՒ ՀԻԱՍԹԱՓՈՒԹՅՈՒՆՆԵՐԸ

Արխիվ 12-16

ՔԱՂԱՔԱԿԱՆ ՍՊԱՍՈՒՄՆԵՐՆ
ՈՒ ՀԻԱՍԹԱՓՈՒԹՅՈՒՆՆԵՐԸ


Էլցանցերի` էլեկտրաէներգիայի սակագնի բարձրացման հայտը գրեթե ամբողջովին ստվերեց անգամ այնպիսի թեման, ինչպիսին է Ռիգայի ԵՄ Արեւելյան գործընկերության գագաթնաժողովը: Դա հասկանալի է` էլեկտրաէներգիայի սակագինը էապես ավելի է հետաքրքրում մեր հանրությանը, քան տարատեսակ բարդ մատերիաները: Ավելին, քան եվրոպացիների հետ ստորագրվելիք կամ չստորագրվելիք` դեռեւս անհայտ բովանդակությամբ հռչակագիրը, ու առավել եւս ավելին, քան սահմանադրական բարեփոխումների մոդելները:

ԸՆԴԴԻՄԱԴԻՐՆԵՐՆ ԱՅԴՊԵՍ ԷԼ ՉՀԱՄԱԽՄԲՎԵՑԻՆ

4000 էջ` ահա Ռոբերտ Նազարյանին ներկայացված սակագնային առաջարկի ծավալը: Պարզ է, որ այդպիսի քանակով մակուլատուրա չի կարդալու ո՛չ Նազարյանի հանձնաժողովը, ո՛չ էլ պատգամավորները: Ի դեպ, ամենեւին էլ փաստ չէ, որ իշխանությունը պիտի համաձայնի այդ առաջարկությանը կամ համաձայնի այն չափով, որն առաջարկում են էլցանցերը: ՀՀԿ ներկայացուցիչները նույնպես դրական չեն արտահայտվում այդ առաջարկության վերաբերյալ, իսկ, օրինակ, ԱԺ նախագահ Գալուստ Սահակյանը ուղղակիորեն ասում է, որ սակագնի բարձրացումը վնաս է հասցնելու տնտեսությանը:
Այնուամենայնիվ, փիլիսոփայելու մեծ սեր ունեցող Գուրգեն Արսենյանը տրտնջաց եւ մի բան էլ դասախոսություն կարդաց, թե ինչու է Գալուստ Սահակյանն անջատում ընդդիմադիրների խոսափողները, երբ վերջիններս խոսում են հոսանքի սակագնից: Դե պարզ է, ընդդիմադիրները թեմայի վրա ինքնահաստատվել են ուզում,  դա միանգամայն բնական ձգտում է:
Սակայն նույնիսկ սակագների հարցով խորհրդարանական ընդդիմությունը միասնական չէ: ՀԱԿ-ի ստորագրահավաքը` ԱԺ ժամանակավոր հանձնաժողով ստեղծելու նպատակով արտահերթ նիստ գումարելու համար, փաստացի տապալվեց` ստորագրեցին երկու տասնյակից քիչ պատգամավորներ: ԲՀԿ-ն հանձնաժողով ստեղծելու գաղափարը չի կիսում եւ կողմ է խորհրդարանական լսումներին,  այդ լսումների գաղափարին կարծես թե դեմ չէ եւ ԱԺ մեծամասնությունը: Իսկ Դաշնակները բավականին հեռու մնացին ՀԱԿ-ի նախաձեռնությունից, թեեւ հավաստիացնում են, որ ՀՀԿ-ի հետ կոալիցիա կազմելու մտադրություն չունեն: Դե, կամ նախաձեռնողի` Լեւոն Զուրաբյանի դժբախտ կերպարանքն է վանում, կամ, ինչն ավելի հավանական է, ՀՅԴ-ն չի ցանկանում հակադրվել ՀՀԿ-ին, որի հետ  սահմանադրական բարեփոխումների հարցում, կարծես թե, կատարյալ համաձայնության է եկել: Դաշնակները, անկախ այլ թեմաների հանրային հնչեղության աստիճանից, բավականին հետեւողական են եւ չեն շեղվում իդեա-ֆիքս դարձած սահմանադրական բարեփոխման եւ խորհրդարանական կառավարման մոդելի սեփական նպատակից:
Ինչեւէ, այնուամենայնիվ, եթե ռեալ բարձրացում լինի, ապա հանրային տրամադրությունների վրա խաղալու հնարավորություն կստանան եւ 5-րդ շարասյուները: Բայց պարզապես նրանց համակարգողն է փոխվել: Եթե մինչ այդ, խառնակչությունները համակարգում էր "քեռի Սեմը", ապա այժմ դա դարձել է բրիտանացիների բաժին:

ՌԻԳԱՅՈՒՄ ՈՉ ՄԻ ԷԱԿԱՆ ԲԱՆ ԷԼ ՉԻ ՓՈԽՎԻ

Հարցերի հարցը, որ հետաքրքրում է բոլորին` արդյո՞ք Սերժ Սարգսյանն էլ կմեկնի Ռիգա: Սակայն դրա պատասխանը մինչեւ հիմա չի հնչել, այսինքն` որոշումը դեռ կայացված չէ: Ավելին, Ռիգայի նախաշեմին ընդունելով Հարավաֆրիկյան Հանրապետության դեսպանի հավատարմագրերը, ե՛ւ ՀՀ նախագահը, ե՛ւ Արտգործնախարարությունը սովորականից մի տեսակ ավելին են հրապարակավ շեշտել Աֆրիկյան տարածաշրջանի կարեւորությունը: Այսինքն` Ռիգան, կարծես թե, առանձնապես չի կարեւորվում:
Դե պարզ է, որ ՀՀ նախագահի Ռիգա մեկնելն իմաստ կարող է ունենալ միայն մի դեպքում` եթե այդտեղ հանդիպում լինի Իլհամ Ալիեւի հետ: Բայց դատելով լրատվահոսքից` այժմ գնում է ՀՀ պաշտոնական դիրքորոշման կարծրացում Արցախի հարցով:  Պաշտպանության փոխնախարար Դավիթ Տոնոյանի հարցազրույցն ընդհանրապես հարուստ է կոշտ շեշտադրումներով, եւ որոշ վերլուծաբաններ այն նույնիսկ սենսացիոն են որակել: Մազութային սուլթանատի մասին շատ խիստ է արտահայտվել եւ արտգործնախարար Էդվարդ Նալբանդյանը:
Այնպես որ, Ռիգայում առանձնապես բան չի փոխվի, թեեւ բազում գրանտակերներ եւ քարոզիչներ, ովքեր այժմ նույն Ռիգայում մասնակցում են մեդիաֆորումի, շեշտում են, որ անհամբեր սպասում են ՀՀ պատվիրակությանը: Սակայն մեր նույնիսկ արեւմտամետ լուրջ գործիչները իրենք էլ են ընդունում, որ ակնկալիքներ առանձնապես չկան: Այսպես, ժառանգական Թեւան Պողոսյանն ավելի շուտ հնչեցնում է իր ցանկությունները: "Ու հիմա, այս նոր իրավիճակում, ունենք հետեւյալը. հայկական կողմի ակնկալիքն է, որ ԵՄ անդամ երկրների կողմից կհաստատվի համապատասխան բանակցային մանդատը, եւ մոտ ապագայում մեկնարկեն բանակցությունները: ԵՄ-ի համար հիմնական քաղաքական թիրախն է պաշարներ հավաքագրելը, կոնսոլիդացիան եւ Արեւելյան գործընկերության ապագան",- հավելեց պատգամավորը: Բայց միաժամանակ խոստովանում է, որ ակնկալիքներ չկան. "Թեպետ Հայաստանը Եվրոպային հայտարարում է "եւ-եւ"-ի իր պատրաստակամությունը, սակայն դրան ուղղված ներքին որեւէ տեղաշարժ չի երեւում: Ներքին դիսկուրսներն այդպես էլ սահմանափակվեցին Ռուսաստանի հետ հարաբերությունների կարեւորությունն ընգծելու ջահն ավելի վեր բարձրացնելու ճիգերով: Եվրոպական ջահն անտեսվեց: Նման իրավիճակում Հայաստանի իշխանությունները մեկ ելք ունեն: Արդեն երկու տասնամյակ է երկրի օրակարգում են կոռուպցիան վերացնելու, պետական կառավարման որակը կտրուկ փոխելու, շուկան մենաշնորհներից պաշտպանելու, ավելի ազատական ու մատչելի դարձնելու, սպառողների շահերի պաշտպանության արդյունավետ մեխանիզմներ ներդնելու եւ երկիրն արդիականացնելու այլ խնդիրներ":
Հարկ է նշել, որ Ռիգայի նախաշեմին հայ հանրությունը նաեւ նոր հակաարեւմտյան եւ հակաեվրոպական պատվաստում ստացավ: Կոնչիտայի ուսերին գցած եռագույնի պատկերը ցնցումային աստիճանի այնքան գարշելի էր, որ հիմա Արեւմուտք եւ Կոնչիտա բառերն ընկալվում են որպես հոմանիշ: Իսկ դա նշանակում է, որ հանրությունը մի բան էլ դեմ է, որ Ռիգայում որեւէ ռեալ բան ստորագրվի: Ձեւական հռչակագրային որեւէ թուղթ հանրությունը մի կերպ կմարսի, սակայն դրանից ավելի ցանկացած բան, այսինքն այն, ինչը Թեւան Պողոսյանն անվանում է "եվրոպական ջահ", հանրության միայն զզվանքն է առաջացնում: Այնպես որ, Ռիգայի նախաշեմին էլ ԵՏՄ-ն լրացուցիչ պլյուս գրանցեց ՀՀ հանրային կարծիքում:   

ՀՈՎՀԱՆՆԵՍ ԳԱԼԱՋՅԱՆ

Հավանեցի՞ր հոդվածը, կիսվիր ընկերներիդ հետ