ԶԱՐՄԱՆՔ
Արխիվ 12-16
Ինչպես հայտնի է, հավը երազում կորեկ է տեսնում: Իսկ որձ կովերի գծով հմուտ փորձագետ, նախկին վարչապետ ՀՐԱՆՏ ԲԱԳՐԱՏՅԱՆԻ երազում տեսածն այլ բան է` քաոս. "Մեր վերլուծությունը ցույց տվեց, որ սահմանադրական փոփոխությունները, այնուամենայնիվ, չեն բխում ավելի դեմոկրատական հասարակություն ստանալու ձգտումից: Ամենեւին: Մեր վերլուծությունը ցույց տվեց, որ շատ հնարավոր է, որ կստանանք անկառավարելի իրավիճակ: Եթե վերացնում են նախագահի ինստիտուտը, դա չի նշանակում, որ դեմոկրատական պետություն եք ստանում: Դուք կարող եք քաոս ստանալ": Զարմանալի է, ինչ տրամաբանությունից ելնելով` Բագրատյանը քաոս է ակնկալում, մի՞թե նրան թվում է, որ մեր ժողովուրդը հմուտ սահմանադրագետ է եւ սահմանադրական բարեփոխումների տեքստը կարդալուց հետո մոտը ապստամբելու ցանկություն կառաջանա:
Ինչեւէ, երեւի թե, դա արդեն ոչ թե վերլուծության, այլ դիագնոզի առարկա է: Իսկ, այ, դիագնոզի ու Ռոբերտ Քոչարյանի ասած "ուրիշ մասնագետի" կարիք զարմանալիորեն ունի Ռոբերտ Քոչարյանի հանդեպ թաքուն սեր տածող, "Ազգային համաձայնություն"` կուսակցապետից եւ կուսակցության կնիքից բաղկացած կուսակցության առաջնորդ, բոլոր ընտրություններին զրո ամբողջ տոկոս հավաքող ԱՐԱՄ ՀԱՐՈՒԹՅՈՒՆՅԱՆԸ. "Հայաստանում տեղի է ունեցել քաղաքական ահաբեկչություն, եւ մենք հիմա ուզում ենք այդ հարցը դրվի` Սերժ Սարգսյանի ելույթը հակասահմանադրական էր եւ քաղաքական ահաբեկչության դրսեւորում էր: Կլոր սեղան ենք կազմակերպելու եւ ստորագրահավաք, որին ներկա կլինեն համաժողովրդական շարժմանը միացած կուսակցությունները, դեսպանատների ներկայացուցիչներ": Պատկերացնո՞ւմ եք` կլոր սեղաններ, ստորագրահավաքներ եւ այլ միջոցառումներ` Սերժ Սարգսյանի փետրվարյան ելույթի վերաբերյալ... Շատ վտանգավոր ծրագիր է, քանզի այդ ամենին հետեւողին մի զարմանալի մահ է սպառնում` ծիծաղից մեռնելը, ու հատկապես ծիծաղելի է դեսպանատների պահը: Չնայած արեւմտյան դեսպանատների մեջ կան այնպիսիք, որ սիրում են լուսանցքային քաղաքական թափոններին, ու այդ դեպքում հակված են աղը վերցրած վազել, հենց որ մեկը վարունգի անուն տա:
Շաբաթ օրը ՏԻԳՐԱՆ ՈՒՐԻԽԱՆՅԱՆԻ "Ալյանս" կուսակցության հիմնադիր համագումարն էր, եւ, բնականաբար, նորաստեղծ կուսակցությանը բարի երթ ենք մաղթում: Եվ կուսակցության առաջնորդն իր ելույթում հետաքրքիր դիտարկում արեց մի բավականին զարմանալի երեւույթի մասին. "Ես չեմ հասկանում, թե ինչու են այսօրվա մանկավարժները, ովքեր ստանում են այնքան աշխատավարձ, որ այն բավականացնում է տնից աշխատանքի գնալու ճանապարհածախսին, բոլորը ձգտում են դառնալ դպրոցի տնօրեն, ինչու են շատ բժիշկներ ձգտում դառնալ հիվանդանոցի տնօրեններ այն դեպքում, որ հիվանդանոցի պատուհանները պատված են պոլիէթիլենային թիթեղներով": Ախր, պարոն Ուրիխանյան, ի՞նչ կա չհասկանալու, ախր, մեր հայերից շատերը պաշտոնի մեռած են: Մի օր մի առիթով արհեստավորի էի հրավիրել եւ պարզվել էր, որ Աշոտ Մանուչարյանի բարեկամն է: Եվ ինչ ասած լինի այդ մարդը` որ Աշոտ Մանուչարյանը սրիկա է եւ շատ վատ մարդ, քանի որ իր` ՆԳ նախարար եղած ժամանակ բարեկամներին չի շնորհել "գոնե մի պուճուրիկ պաշտոն": Դե ինչ ասես, մեր ժողովուրդը լավ չի ապրի այնքան ժամանակ, քանի դեռ գրեթե յուրաքանչյուրն անիծում է կոռումպացված պաշտոնյաներին, բայց ինքը երազում է կոռումպացված պաշտոնյա դառնալ:
Շատերս վրդովվել էինք եւ չէինք ուզում մեր աչքերին հավատալ, երբ դիտեցինք տեսանյութը, թե ինչպես եվրատեսիլյան, իսկ ավելի արդար կլինի ասել` զիբլատեսիլյան մեր հավաքովի թիմի ներկայացուցիչներից մեկը եռագույնը գցեց Կոնչիտայի ուսերին, այդ անհասկանալի սեռի գենդերային արարածն էլ դա արհամարհանքով հանեց իր վրայից: Եվ ահա նախարար ԱՐՄԵՆ ԱՇՈՏՅԱՆԸ հետեւյալ կոչով դիմեց մեր հանրությանը. "Կարող ենք տարբեր կերպ ընկալել ԵՎՐԱՏԵՍԻԼԻ մեր մասնակիցների այսօրվա դրվագը: Բայց, համաձայնեք, որ լավագույն միտքը չէ կիսաեզրափակչից մեկ օր առաջ նման խիստ եւ անբարեհաճ վերաբերմունք դրսեւորել մեր երգիչների հանդեպ: Մնացածը հետո կքննարկեինք: Իսկ այս օրերին նրանք բոլորիս աջակցության, համակրանքի, խրախուսանքի եւ քաջալերման կարիքն ունեն: Համարենք միջադեպը սպառված, երկրպագենք մեր վեցյակին եւ հաջողություն մաղթենք ԶԵՆԵՈԼՈԶԻ խմբին: Թող մեր եռագույնի պատիվը բարձր պահեն Վիեննայում": Չէ, չեղավ պարոն նախարար, ախր, ինչպես նրանք կարող են մեր եռագույնի պատիվը բարձր պահել, եթե արդեն իսկ ամենապիղծ ձեւով մեր դրոշի պատիվը գետնով են տվել: Նույնիսկ եթե դրոշը կրակի մատնեին, դա այդքան զազրելի չէր լինի, որքան այդ գենախեղվածի ուսերին հայտնվելը: Մնում է միայն մի եզրակացություն` հաջորդ տարի ոչ մի դեպքում չի կարելի մարդ ուղարկել այդ զիբլատեսիլին, ցանկացած դեպքում մի զազրելի անախորժ բան հաստատ կլինի:
Զարմացած է
ՀՈՎՀԱՆՆԵՍ ԳԱԼԱՋՅԱՆԸ
Հավանեցի՞ր հոդվածը, կիսվիր ընկերներիդ հետ
