ԲԱԺԱՆՈՒՄԻՑ ՀԵՏՈ ԱՂՋԻԿԸ ՕՁ Է ԴԱՌՆՈՒՄ
Արխիվ 12-16ԲԱԺԱՆՈՒՄԻՑ ՀԵՏՈ ԱՂՋԻԿԸ ՕՁ Է ԴԱՌՆՈՒՄ
Օրերս Երևանի մնջախաղի պետական թատրոնը վերադարձել է Թբիլիսիի մնջախաղի առաջին փառատոնից: Այս մասին այսօր «Ազդակ» լրագրողական ակումբում կայացած ասուլիսի ժամանակ ասաց Երևանի մնջախաղի պետական թատրոնի գեղարվեստական ղեկավար ԺԻՐԱՅՐ ԴԱԴԱՍՅԱՆԸ` հավելելով, որ փառատոնին մնջախաղի թատրոնը ներկայացել է «Շերանիկ» ներկայացումով: Այն, ի դեպ, արժանացել է հանդիսատեսի բարձր գնահատականին:
Ժ. Դադասյանի խոսքերով`ներկայացումը հուզել է վրաց հանդիսատեսին. «Դահլիճում խորհրդավոր մթնոլորտ էր ստեղծվել: Հանդիսատեսը մեծ հետաքրքրությամբ էր հետևում բեմում զարգացող իրադարձություններին»:
Խոսելով փառատոնի մասին, Ժ. Դադասյանը նաև ասաց, որ փառատոնին մասնակցել է նաև ճապոնացի դերասան Մակոտո Ինոուենն, ով այսօր երեկոյան Պատանի հանդիսատեսի թատրոնի բեմում հանդես կգա «Դոջոջին» մոնոներկայացումով: Այն սիրո մասին է. վանականի և աղջկա: Բաժանումից հետո աղջիկը շատ է տառապում և դառնում է մեծ օձ:
Ճապոնացի դերասան Մակոտո Ինոուենն առաջին անգամ չէ, որ գտնվում է Հայաստանում: «Առանձնակի սիրով եմ խաղում հայ հանդիսատեսի համար»,- խոստովանեց նա`հավելելով, որ այս անգամ էլ պահը բաց չի թողել կրկին անգամ լինել երևանյան բեմում:
Վ. ՄՈՒՐԱԴՅԱՆ
Հ.Գ. - Նյութն ամբողջությամբ կարդացե՛ք «Իրավունքի» վաղվա համարում:
