Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՀՀ-ՈՒՄ ՔՐԵԱԿԱՆ ՎԻՃԱԿԸ ՎԱՏԹԱՐԱՆՈՒՄ Է. ԴԱՏԱԽԱԶՈՒԹՅՈՒՆԸ ՍԼԱՔՆ ՈՒՂՈՒՄ Է ԻՐԱՎԱՊԱՀՆԵՐԻ ՎՐԱ

Արխիվ 12-16

ՀՀ-ՈՒՄ ՔՐԵԱԿԱՆ ՎԻՃԱԿԸ ՎԱՏԹԱՐԱՆՈՒՄ Է.

ԴԱՏԱԽԱԶՈՒԹՅՈՒՆԸ ՍԼԱՔՆ ՈՒՂՈՒՄ Է ԻՐԱՎԱՊԱՀՆԵՐԻ ՎՐԱ

 

Շուտով խորհրդարանում լսվելու է ՀՀ գլխավոր դատախազ Գ. Կոստանյանի հաղորդումը 2014 թվականի դատախազության գործունեության մասին: Դատելով դատախազության ներկայացրած հաղորդումից տպավորություն է ստեղծվում, որ հանցավորության ընդհանուր վիճակը վատթարացել է: Այսպես, արձանագրվել է հրազենի գործադրմամբ կատարած հանցագործությունների աճ, 330 դեպքով աճել են միջին ծանրության հանցագործությունները, 231 դեպքով՝ ծանր եւ 43 դեպքով՝ առանձնապես ծանր հանցագործությունները: Մասնավորապես 2014 թվականին եղել է 53 սպանություն, 28 սպանության փորձ, 22 բռնաբարություն եւ բռնաբարության փորձ:

Դրան զուգահեռ վատթարացել է միջին եւ ծանր հանցագործությունների բացահայտման վիճակը հասնելով համապատասխանաբար 74,5 եւ 54,8 տոկոս: Բարվոք չէ նաեւ վիճակը հետախուզման մեջ գտնվողների հայտնաբերման առումով: Այսպես, 2014 թվականին հետախուզվել է 13,500 հանցագործ, որոնցից հայտնաբերվել են ընդամենը 1,777-ը, կամ 13,1 տոկոսը: Հետախուզվղների մեջ են՝ 60 մարդասպան, 3 բռնաբարող, 7 բանդիտ, 67 խուլիգան, 63 ավազակ, 14 կողոպտիչ, 152 գող, 475 խարդախ:

Դատախազությունը նշում է, որ հանցագործությունների բացահայտման ցածր ցուցանիշների պատճառներն են քննության որակը եւ աշխատանքների ոչ ճիշտ կազմակերպումը. <Անհանգստացնող է հետաքննության մարմինների կողմից ծանր եւ առանձնապես ծանր հանցագործություններով իրականացվող օպերատիվ-հետախուզական միջոցառումների ցածր որակն ու անարդյունավետությունը>,- նշված է դատախազության հաղորդման մեջ:

Ավելին, դատախազությունը նշում է, որ <Հանցագործությունների բացահայտման աշխատանքներում տեղ գտած թերությունները... նպաստավոր պայմաններ են ստեղծում նոր հանցագործությունների կատարման համար>: Դատախազությունը նշում է, որ թեեւ իրավապահ մարմիններին տալիս է անհրաժեշտ ցուցումներ եւ հանձնարարականներ, սակայն չի կարող երաշխավորել դրանց կատարման արդյունավետությունը:

Այսպիսով, քրեական իրավիճակի վատթար լինելու սլաքը ուղղվում է նաեւ ոստիկանության կողմ: Մասնավորապես դատախազությունը նշում է, որ սպանությունների դեպքերին հիմնականում նախորդում են երկար ժամանակ զարգացող կոնֆլիկտները, սակայն ոստիկանությունը ժամանակին դրանք չի կանխում. <Օպերատիվ աշխատանքների ոչ բավարար մակարդակի, այն է՝ ժամանակին տեղեկություն չստանալու արդյունքում, կատարվածի մասին տեղեկությունը ստացվում է միայն դեպքից (սպանություն, ծանր մարմնական վնասվածք) հետո>: Ըստ դատախազության, իրավապահ մարմինների կողմից ձեռնարկած պրոֆիլակտիկ միջոցառումները անարդյունավետ են:

Ի վերջո, ինչպես նշում է դատախազությունը այս քրեական վիճակը ծանր հետեւանք է թողնում հասարակական գիտակցության վրա. <Հասարակության անդամների մոտ առաջացնելով անպաշտպանվածության զգացում՝ հատկապես, երբ այդ հանցագործությունները կատարած անձինք չեն բացահայտվում եւ խուսափելով քրեական պատասխանատվությունից մնում են ազատության մեջ>: Իսկ այդպիսի դեպքերը ինչքան ուզես կարելի է թվարկել:

 

ԱՐՄԵՆՈՒՀԻ ՀԱԿՈԲՅԱՆ

Հավանեցի՞ր հոդվածը, կիսվիր ընկերներիդ հետ