ԿՐՔԵՐԸ ՉԵՆ ՀԱՆԴԱՐՏՎՈՒՄ. ՔՍԱՆ ՐՈՊԵ ԸՆԴՄԻՋՈՒՄ` ԽՈՐՀՐԴԱՐԱՆՈՒՄ
Արխիվ 12-16ԿՐՔԵՐԸ ՉԵՆ ՀԱՆԴԱՐՏՎՈՒՄ. ՔՍԱՆ ՐՈՊԵ ԸՆԴՄԻՋՈՒՄ`
ԽՈՐՀՐԴԱՐԱՆՈՒՄ
Չորս քաղաքական ուժեր` ԲՀԿ-ը, ՀԱԿ-ը, «Ժառանգությունը», ՀՅԴ-ը, մինչ ԱԺ քառօրյայի նիստը սկսելը, էլեկտրաէներգիայի թանկացման հարցի շուրջ քննարկում են կազմակերպել: ԲՀԿ առաջնորդ Նաիրա Զոհրաբյանը քիչ առաջ հայտարարեց, որ չորս քաղաքական ուժերը պահանջում են հրավիրել խորհրդարանական լսումներ: Նա հայտարարեց, որ էլեկտաէներգիայի թանկացման հարցը պետք է քննարկվի էլեկտրաէներգիայի եւ բնական պաշարների նախարար Երվանդ Զախարյանի, Ռոբերտ Նազարյանի եւ հայտ ներկայացրած այն ընկերությունների հետ, որոնք չեն կարողանում կառավարել էլցանցերը, բայց մազոխիստաբար չեն հրաժարվում դրանցից: Ընդդիմադիր բոլոր ուժերը միացան Նաիրա Զոհրաբյանի պահանջին: Ի պատասխան ԱԺ նախագահ Գալուստ Սահակյանն ասաց, որ քննարկվող հարցը օրակարգի հետ կապ չունի. <երբ այդ հարցի պատասխանատու պաշտոնյաները խորհրդարանում կլինեն այդ ժամանակ հարցը կուղեք իրենց>: Կրքերն իշխանության եւ ընդդիմության միջեւ թեժացան:
ՕԵԿ խմբակցության ղեկավար Հեղինե Բիշարյանը լարված իրավիճակը հանդարտեցնելու եւ ստեղծված իրավիճակը հասկանալու համար քսան րոպե ընդմիջում պահանջեց:
ՍՈՆԱ ԴԱՎԹՅԱՆ
