Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՓՈԽՆԱԽԱՐԱՐԸ ՀԱՄԱՁԱՅՆ ՉԷ` ՊՈԼԻԿԼԻՆԱԿՆԵՐԻ ԲԺԻՇԿՆԵՐԸ «ԱՆԵԿՏԱ» ԼՐԱՑՆՈՂ ՉԵՆ

Արխիվ 12-16

ՓՈԽՆԱԽԱՐԱՐԸ ՀԱՄԱՁԱՅՆ ՉԷ` ՊՈԼԻԿԼԻՆԱԿՆԵՐԻ

ԲԺԻՇԿՆԵՐԸ «ԱՆԵԿՏԱ» ԼՐԱՑՆՈՂ ՉԵՆ

 

«Իրավունքը» առողջապահության փոխնախարար Սերգեյ Խաչատրյանից պարզեց` ինչպես նա կարձագանքի խմբագրություն դիմած այն քաղաքացիների բողոքներին, որոնք առնչվում են պոլիկլինիկաների բժիշկների մատուցած ծառայություններին: Քաղաքացիները բողոքում են, որ պոլիկլինիկաների բժիշկները դարձել են հարցաթերթիկ (анкета) լրացնողներ: «Ես ձեր ասածը  լիարժեքորեն չեմ ընդունում,  քանի որ վստահ եմ` մեր  մասնագետները լավն են: Եթե մեկ-երկու դժգոհություն կա, այնպայման դրա դիմաց  տասնյալ լավ  արձագանքներ կան: Գնացեք պոլիկլիկաներ, ինչքան մարդիկ են դիմում», - ասաց փոխնախարարը:

- Որովհետեւ անվճար է, դրա համար էլ ճարահատյալ գնում են:

- Երեւանում ճարահատյալ չէ: Երեւանում այնքան շատ են հիվանդանոցներն ու պոլիկլինակները: Մասնագիտական զարգացումը լուրջ խնդիր է ոչ միայն պոլիկլինիկական, այլեւ բոլոր  մասնագետների համար: Երկրորդ ընթերցմամբ   մասնագիտակական  շարունակական զարգացման մասին  օրենքում փոփոխություն պիտի արվի, որը կխթանի մասնագետների ինքնաուսուցումը: Լինելու է նոր համակարգ, որի շնորհիվ ոչ միայն ստիպված, այլեւ ինքնագիտակցաբար մասնագետները   բարելավվեն իրենց ունակությունները, որպեսզի  հինգ տարի հետո ստանան հավաստագիր:

- Փաստորեն, պարտադիր վերապատրաստման կուրսեր նախատեսված չեն: Իսկ եթե բժիշկը չցանկանա բարելավել իր ունակությունը:

- Օրենքով բժիշկը պիտի հավաքի կրեդիտներ: Դրանց մի մասը նա կհավաքի սեմինարներին մասնակցելով, մյուս մասը` պրակտիկ ունակությունների ցուցադրությամբ, մի մասն էլ` վերապատրաստումներով:

- Ի՞նչ քայլեր են արվում պոլիկլիկաների  տեխնիկական հագեցվածության  համար:

- Մեր հանրապետության բոլոր ամբուլատորիաներում, որտեղ աշխատում են ընտանեկան բժիշկներ, տրամարդել ենք որոշակի անհրաժեշտ սարքավորումները: Բայց  պոլիկլինկաներում` հատկապես քաղաքային պոլիկլինկաներում, սարքավորումների նորացման կարիք կա: Ռենտգեն ապարատների անհրաժեշտության մասին է խոսվում վերջերս, բայց ես կասեմ, որ դա մեծ գումարների հետ է կապված: Իսկ մենք այդ  միջոցները չունենք, ցավոք սրտի: Վերջին հինգ տարվա ընթացքում առողջապահության նախարարությունը  հիվանդանոցների համար որեւէ սարքավորում չի գնել: Դրա համար մենք փնտրում ենք ալտերնատիվ միջոցներ` գտնել ներդրողներ, կազմակերպություններ, որոնք կկարողանային վերազինել պոլիկլինիկաները:

- Դուք, որպես փոխնախարար, օգտվում ե՞ք պոլիկլինիկայից եւ վստահո՞ւմ եք այնտեղի մասնագետին:

- Այո, ես վստահում եմ պոլիկնիկաներին եւ ոչ միայն ես, այլեւ իմ ամբողջ ընտանիքը: Դրա շնորհիվ շատ լավ տեղեկանում եմ պոլիկլինիկաների տարբեր խնդիրների մասին եւ  լուծում տալիս դրանց:

- Բայց նկատել եք, որ մեր պաշտոնյաներից քչերն են հաճախում պոլիկլինիկա: Մեծ մասն օգտվում է թանկարժեք, մասնավոր հիվանդանոցային ծառայություններից:

- Չէ էդպես չի, դուք թյուր կարծիք ունեք: Պոլիկլինիկաներից շատերն են օգտվում, քանի որ ամեն հարցի համար չի կարելի գնալ հիվանդանոց եւ ամեն հիվանդանոց  գնալիս չէ, որ արագ կստանաս քեզ հուզող հարցի պատասխանը:


ՍՈՆԱ ԴԱՎԹՅԱՆ


Հավանեցի՞ր հոդվածը, կիսվիր ընկերներիդ հետ