«Ես ընդհանրապես չեմ համեմատում մարդկանց մակարդակները». Սամվել Ավետիսյան
Արխիվ 12-16«Ես ընդհանրապես չեմ համեմատում մարդկանց մակարդակները». Սամվել Ավետիսյան
<Այն, ինչ դուք կարդացել էք, ընդամենը ենթատեքստից կտրված ու իմ խոսքի աղավաղված տարբերակն է>,-ասաց Մալաթիայի տոնավաճառի փոխտնօրեն, ԱԺ նախկին պատգամավոր Սամվել Ավետիսյանը, ի պատասխան մեր հարցին` թե ինչ է նշանակում համացանցում հայտված իր խոսքը <Ես հաստատ իրենց մակարդակի չեմ իջնի, որ ընկնեմ մարդկանց հետևից>, որն իբր ուղղված էր նախկին պատգամավոր Սամվել Ալեքսանյանին ու փոխքաղաքապետ Դավիթ Օհանյանին:
<Ես ընդհանրապես չեմ համեմատում մարդկանց մակարդակները, առավել եւս խոսք անգամ չի գնում ձեր նշած հարգարժան անձանց մասին: Եթե ոմանց անհրաժեշտ է խառնակչություն անել, որ պղտոր ջրում ձուկ որսան, ապա պետք է հիասթափեցնեմ , որ այս դեպքում դա նրանց մոտ չի ստացվի>, - հավելեց Ս.Ավետիսյանը, խորհուրդ տալով չընկնել էժանագին սենսացիաների հետեւից:
Ա. ՀԱԿՈԲՅԱՆ
