Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ՓԱԿ ՏԱՐԱԾՔՆԵՐԸ` ՍԻՐՏ-ԱՆՈԹԱՅԻՆ ԽՆԴԻՐՆԵՐԻ ՊԱՏՃԱՌ

Արխիվ 12-16

ՓԱԿ ՏԱՐԱԾՔՆԵՐԸ` ՍԻՐՏ-ԱՆՈԹԱՅԻՆ ԽՆԴԻՐՆԵՐԻ ՊԱՏՃԱՌ


- Չգիտեմ, թե ինչ է կատարվում աղջկաս հետ: Նա գանգատվում է սրտի շրջանում սուր ցավերից, զարկերակային բարձր ճնշումից: Ասում է` պատճառը եղանակի կտրուկ փոփոխություններն են: Փոխվել է նաեւ նրա բնավորությունը` դյուրագրգիռ է:

Հարցին պատասխանել է "Դիագնոստիկա" բժշկական կենտրոնի սրտաբանական կլինիկայի ղեկավար ՄԱՐԻՆԵ ՕՐԴՅԱՆԸ.

-Գարնանը սրտաբանների մոտ, սովորաբար, ավելանում է հիվանդների թիվը: Ավելի հաճախ դիմում են զարկերակային ճնշում ունեցող հիվանդները:

Պատճառը` ջերմաստիճանի, արեւի ակտիվության, մթնոլորտային ճնշման եւ մագնիսական դաշտի փոփոխություններն են…
Զարկերակային բարձր ճնշումը կարող է բերել սրտամկանի ինֆարկտի առաջացմանը, գլխուղեղի անոթների ինսուլտի:
Այն, որ մարդու առողջությունը կապված է եղանակից, կլիմայական գոտուց, նորություն չէ: Կան բազմաթիվ հետազոտություններ, որոնք ցույց են տվել, որ սիրտանոթային, թոքային, հենաշարժային, ինչպես նաեւ աղեստամոքսային հիվանդությունների աճը պայմանավորված է եղանակի փոփոխությամբ: Ուստի` հարկ է այնպես անել, որպեսզի այդ փոփոխություններն ավելի քիչ ազդեցություն ունենան մարդու օրգանիզմի եւ առողջության վրա:
Ավելի շատ եղանակից կախվածություն ունեն այն մարդիկ, ովքեր ունեն սիրտանոթային խնդիրներ, տառապում են նեւրոզներով: Պատահում է` եղանակից կախվածություն ունեն նաեւ առողջ մարդիկ: Տղամարդկանց 1/3-ը եւ կանանց ուղիղ կեսը ունեն եղանակակախվածություն: Բացասական է ազդում նաեւ այն հանգամանքը, որ մարդիկ օրվա մեծ մասը ավելի շատ փակ տարածություններում են անցկացնում, քիչ են շփվում բնության հետ: Իսկ նման պայմաններում առաջանում են` շնչարգելակում, գլխապտույտ, թուլություն...
Եղանակային փոփոխությունների ժամանակ սիրտանոթային խնդիրներ ունեցող մարդիկ պետք է պարտադիր ընդունեն այն դեղորայքը, որը նշանակված է բուժող բժշկի կողմից, հրաժարվեն ֆիզիկական ակտիվ աշխատանքից:
Սրտաբանները խորհուրդ են տալիս դրական վերաբերվել բոլոր պատահարներին, քանի որ մեր կյանքը լի է բացասական լիցքերով. ներողամիտ լինել մտերիմների նկատմամբ, կենցաղային խնդիրները` չսարքել սկզբունք: Օրգանիզմի ուժերը եւ պահեստային մասը օգտագործել առողջության, առողջ ապրելակերպի եւ դրական լիցքերի համար:

Հարցին պատասխանել է նաեւ հոգեբան ՍԱՄՎԵԼ ԽՈՒԴՈՅԱՆԸ.
- Գարունը անցումային շրջան է, որի ընթացքում հիվանդություններից շատերն ունեն սրվելու հակում: Նկատի ունեմ հոգեկան հիվանդությունները, նեւրոզները:  Իսկ այնպիսի հիվանդությունը, ինչպիսին է մանիակալ-դեպրեսիվ փսիխոզը, ընդհանրապես այդ շրջանում է ի հայտ գալիս:
Անցումային շրջանն անհարմարավետության խնդիրներ է ստեղծում. ձմեռն ավարտված է, բայց ամառը դեռ չի սկսվել: Կան մարդիկ, ովքեր գարնան եւ ամռան ամիսներին են իրենց շատ լավ են զգում: Կան` ձմռանը: Սրանք անհատական առանձնահատկություններ են:
Գարնանը հորմոնալ համակարգի ակտիվացում է տեղի ունենում մարդու օրգանիզմում, եւ մարդը դառնում է ավելի հուզական, նրա մոտ հաճախ է ի հայտ գալիս հոգնածությունը, շուտ նյարդայնանում է… Շատերի մոտ էլ կարող է դրսեւորվել գարնանային դեպրեսիայի տեսքով: Խոսքը առողջ մարդու մասին է:
Բոլոր դեպքերում, վերոնշյալ դրսեւորումները վտանգավոր չեն. մի ընկալեք դա որպես ողբերգություն: Ավելի լուրջ վտանգ են ներկայացնում մարմնական հիվանդությունները: Անցանկալի դրսեւորումներից ձերբազատվելու համար հարկ է օգտագործել վիտամիններով հարուստ սնունդ եւ կարգավորել քնելու ռեժիմը:  

ՎԼԱԴ ՄՈՒՐԱԴՅԱՆ

 

Հավանեցի՞ր հոդվածը, կիսվիր ընկերներիդ հետ