ՓԱՍՏԱԲԱՆ. « ԱՎԵՏԻՍՅԱՆՆԵՐԻ ՎՐԱ ԿՐԱԿՈՂԸ ԵՂԵԼ Է ՄԵԿ ԱՆՁ»
Արխիվ 12-16ՓԱՍՏԱԲԱՆ. « ԱՎԵՏԻՍՅԱՆՆԵՐԻ ՎՐԱ ԿՐԱԿՈՂԸ ԵՂԵԼ Է
ՄԵԿ ԱՆՁ»
Ավետիսյանների ընտանիքի փաստաբան Լուսինե Սահակյանն այսօր լրագրողների հետ զրույցում խոսելով հունվարի 12-ին տեղի ունեցած Ավետիսյանների ընտանիքի սարսափելի սպանության մասին, ասաց, որ երբ նայում ենք սպանված Ավետիսնանների դիրքեը, պարզ է դառնում`շատ ժամանակ չեն ունեցել դիմադրել հանցագործին: «Օրինակ, Արմեն Ավետիսյանը չի հասցրել սենյակից դուրս գալ, փորձել է պաշտպանել իր ընտանիքին իր ննջասենյակում: Փոքրիկ Սերյոժա Ավետիսյանը եղել է Արաքսյա Պողոսյանի` մոր գրկում: Հավանաբար, կարելի է ենթադրել, որ մայրը փորձել է իր գրկում պաշտպանել իր երեխային»,- մանրամասնեց փաստաբանը:
Ըստ Սահակյանի`չի կարելի բացառել`արդյոք Պերմյակովը եղել է միայնակ, թե մի քանի անձ է եղել բնակարանում: Փորձաքննության արդյունքները ցույց են տալիս, որ կրակոցն արձակված է եղել մեկ հոգու կողմիցլ, իսկ թե բացի Պերմյակովից` քանի հոգի է եղել բնկարանում, չեն կարող ասել:
Լուսինե Սահակյանը նաեւ ասաց, որ որեւէ ապացույց ձեռք չի բերվել այն մասին, որ Պերմյակովն ու Ավետիսյանները ծանոթ են եղել իրար հետ կամ շփվել են:
ՍՈՆԱ ԴԱՎԹՅԱՆ
