"ՊԱՐՈՆ ԳՅՈՒՂԱՊԵՏ, ՄԱՐԴՍ Է ԻՆՁ ԴԱՆԱԿԱՀԱՐԵԼ"
Արխիվ 12-16ՄԱՐԴՍ Է ԻՆՁ ԴԱՆԱԿԱՀԱՐԵԼ"
Երեկ Արմավիրի մարզի Լուսագյուղ գյուղում դանակահարություն է եղել. թե ով է դանակահարվողը, ով` դանակահարողը եւ ինչպես է տեղի ունեցել դեպքը, մեզ ներկայացրեց Լուսագյուղ համայնքի ղեկավար ՍԱՐԻԲԵԿ ԿԱՐԱՊԵՏՅԱՆԸ:
-Դանակահարվողը 40-ին մոտ կին է, բայց ինքն է իրեն դանակահարել, թե իր հետ ապրողը` ում նա ներկայացնում է որպես ամուսին, դեռ հայտնի չէ: Չնայած երբ նրան շտապ օգնության մեքենայով տանում էին, ինձ ասաց, որª ամուսինն է իրեն դանակահարել: Աստված չանի, որ մարդ ըտենց ընտանիք ունենա, էդ ընտանիք չի, այլ ամբողջ գյուղի համար պատիժ: Այլ կերպ ասածª կինը ոչ բարոյական տեսանկյունից է փայլում, դրան գումարածª ամուսնուն տվել անցել ա հարբեցողությամբ: Ամուսին կոչվածն էլ մի քանի անգամ գողությունների, խուլիգանությունների համար դատվել է, կինը հաստատ չգիտեմª դատվա՞ծ է, թե ոչ:
Նրանք մեր գյուղից էլ չեն, երկու-երեք տարի է ինչ այստեղ "դոմիկ" են առել, երկուսով ապրում են: Օրվա որ ժամին էլ տեսնեսª չես կարող "օյաղ" բռնացնես: Նույնիսկ էս դեպքից հետո գյուղացիները դիմել են ինձ ու ասում ենª ոնց անենք, որ սրանց գյուղից վտարենք:
- Իսկ ո՞վ է դանակահարված կնոջը հայտնաբերել:
- Ինքն է զանգել, էնպես չէր, որ ծայրահեղ վիճակում էր. կարողանում էր խոսել: Շտապ օգնության մեքենայի միջից գոռում էր, թեª պարոն գյուղապետ, մարդս է ինձ դանակահարել, ինքն էլ տանն է:
ԻԼՈՆԱ ԱԶԱՐՅԱՆ
Հավանեցի՞ր հոդվածը, կիսվիր ընկերներիդ հետ
