Հանդիպման յուրահատկությունն այն էր, որ այն ունեցավ հրապարակային մաս. Երեք նախագահների հանդիպման հետքերով Լինում են պահեր, երբ ուզում եմ քեզ մի բան պատմել ու լսել՝ ինչ կասես Իրականացված կապիկ-շոուն ցույց է տալիս, որ այսօրվա ընդդիմությունը չի գործում. Արթուր Ֆարմանյան Մեր թանգարանն անվանում են փոքրիկ Տրետյակովյան պատկերասրահ, Աբրահամյանին՝ մեր օրերի Տրետյակով. Մկրտչյան Զանզիբարում վեցից ավելի հյուրանոցներ ամբողջությամբ այրվել են Տասը տարի՝ ռուսական արվեստի թանգարանի վերափոխման ճանապարհին Թուրքիան և ԵՄ-ն բանակցություններ են վարում անվիզա ռեժիմի ներդրման վերաբերյալ Գերմանիան հրաժարվել է Լեհաստանով տանկային շարասյուներ տեղաշարժելուց Լավրովը կասկածի տակ դրեց Գերմանիայի և Բրիտանիայի պաշտպանության նախարարների ադեկտվատությունը Զելենսկի. ԱՄՆ-ն Ուկրաինային չի փոխանցում նույնիսկ Եվրոպայի կողմից վճարված Patriot հրթիռները

ԶԱՐՄԱՆՔ

Արխիվ 12-16

Ժողովուրդն ասում է` ինչքան էլ ուղտը սատկի, էլի կաշին մի իշաբեռ է: Իսկ ՀՅԴ Հայ դատի գրասենյակի ղեկավար ԿԻՐՈ ՄԱՆՈՅԱՆԸ զարմանալիորեն նույն կարծիքին է մեռած-չթաղած հայ-թուրքական արձանագրությունների վերաբերյալ: Նա այդ դիակին համարում է հույժ վտանգավոր զոմբի եւ շուրջը հյուսում "Կիկոսի մահվան" պատմությունը. "Եթե հանկարծ Թուրքիան, Հայաստանին նեղ դրության մեջ գցելու նպատակ ունենալով, վավերացնի արձանագրություններից մեկը, որը ինչ-որ քայլեր կատարելու ժամկետներ չի պարտադրում, այդ դեպքում դժվար կլինի աշխարհին բացատրել, թե ինչու մենք չենք վավերացնում այդ փաստաթուղթը: Երկու արձանագրությունները մեկ ամբողջություն են կազմում, եւ մեկն առանց մյուսի, իմաստ եւ արժեք չունի":
Որ խոսք գնաց Թուրքիայի մասին, չենք կարող չարձանագրել, թեեւ զարմանալի, բայց հաճելի տեղեկությունը: Ժամանակին, որպես ձայն բարբառո հանապատի հնչում էին կոչերը` Թուրքիա չգնալ հանգստի եւ զբոսաշրջության նպատակով, սակայն հիմա, կարծես թե, Ցեղասպանության 100-ամյակի միջոցառումները սառույցը կոտրեցին, եւ տեղի ունեցավ կտրուկ ՆՎԱԶՈՒՄ: Ըստ Թուրքիայի մշակույթի եւ տուրիզմի նախարարության`  2015-ի մարտին Թուրքիա է այցելել 3167 հայաստանցի, ինչը 33 տոկոսով պակաս է նախորդ տարվա նույն ժամանակահատվածի համեմատ: Իսկ 2015-ի հունվար-մարտ ամիսներին Թուրքիա այցելած հայաստանցիների թիվը նախորդ տարվա համեմատ նվազել է 31 տոկոսով` կազմելով 7686 հոգի: Դե ինչ, դա լավ է, որ մեր հայրենակիցներն աստիճանաբար խելքի են գալիս:
Ի դեպ, ինչքան պարբերաբար խոսում ենք Ադրբեջանի խավիարային դիվանագիտության մասին, բայց զարմանալիորեն պարզվում է, որ ավագ եղբոր` Թուրքիայի համեմատ գլուխը պատով է տվել: Եթե մազութային սուլթանատին հաջողվում է  կաշառել ընդամենը խեղճուկրակ ԵԽԽՎ բյուրոկրատիային եւ քաղաքական թոշակը որպես ԵԽԽՎ պատգամավոր գլորող անհաջողակներին, ապա Թուրքիան ոչ ավել, ոչ պակաս կարողացել է վարձու աշխատող դարձնել ԱՄՆ-ի Կենտրոնական հետախուզական վարչության նախկին տնօրեն ՓՈՐԹԵՐ ԳՈՍՍԻՆ: Ըստ հենց ամերիկյան պաշտոնական տվյալների` իրենց նախկին գլխավոր հետախույզը. "Կոնգրեսի անդամներին եւ վարչակազմին տեղեկացնելու է այն հարցերի շուրջ, որոնք կարեւոր նշանակություն ունեն Թուրքիայի համար, Թուրքիային տեղեկացնելու է Կոնգրեսում եւ գործադիր մարմնի որեւէ ճյուղում իրականացվող այն գործողությունների մասին, որոնք կարեւոր նշանակություն ունեն Թուրքիայի համար, վերլուծելու է Կոնգրեսում եւ գործադիր մարմնի որեւէ ճյուղում իրադարձությունների զարգացումներն այն հարցերի շուրջ, որոնք կարեւոր նշանակություն ունեն Թուրքիայի համար": Դե ինչ, նույնիսկ մեր սաքունցներն այդքան բացահայտ չեն ծախվում:
Եվ դու Բրուտոս: Բայց տվյալ դեպքում` ՀԱՐԻ: Թուրքասեր բրիտանական արքայական ընտանիքի սույն արքայազնը զարմանալիորեն  հրապարակել  իր առաջին անձնական թվիթը, չնայած նախկինում նա խոստովանում էր, որ ատում է Twitter-ը: Այս մասին տեղեկացնում է The Telegraph-ը: Չարլզի եւ Դիանայի կրտսեր որդին ասում էր, որ Twitter-ը ոտնահարում է իր անձնական կյանքի իրավունքը: Թե ինչու է Հարին փոխել իր կարծիքը, չի հաղորդվում: Դե ինչ, ինչքան էլ զարմանալի է, բայց փաստ է` սոցիալական ցանցերը, բացի սովորական քաղաքացիներից, սկսել են կլանել եւ արքայական ընտանիքների անդամներին:
Ու վերջապես "Քաղաքացիական պայմանագիր" կուսակցության քաղխորհրդի անդամ, նախկին պատգամավոր ՍԱՍՈՒՆ ՄԻՔԱՅԵԼՅԱՆԸ. "ՀՀ-ում չկա մի ուժ, որ կարող է ժողովրդին տանել արտահերթ ընտրության, ինչում ժողովուրդը բազմիցս համոզվել է: Ընդդիմադիր կոչվածները վերջում կա՛մ միացել են իշխանությանը, կա՛մ ինչ-որ հարցում հետ են կանգնել": Այդ դեպքում են ասում` լավ է ուշ, քան երբեք: Ըստ էության, պարոն Միքայելյանը տվյալ դեպքում արձանագրեց այն անհերքելի փաստը, որ 2008-ին ԼՏՊ-ի հետեւից գնալը լավագույն դեպքում զարմանալի միամտություն էր:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ

Հավանեցի՞ր հոդվածը, կիսվիր ընկերներիդ հետ